Evolución e PXOM

CHANCHONADA  76º

Evolución e PXOM.

             Todos coñecemos a obra de Charles Darwin “A orixe das especies”, o famoso biologo postulaba que as especies non aparecen por xeración espontánea, o proceso de creación está rexido pola sección natural, a adaptación da especie ó entorno natural,... Pois algo así sucede có actual proxecto do PXOM da Guarda, non é unha obra que surxe da nada, nin é froito da inspiración divina por medio da iluminación do Espíritu Santo. Toda obra ten un proceso intelectivo, primero aparece unha idea, logo esta madura e toma forma para finalmente ser un proxecto estudiado que está á espera de facerse realidade.

                Fai uns meses acudimos á presentación oficial e pomposa do “Plan Especial para o Monte”; acudimos como parte do público; ó final da ceremonia con descaro ollamos varias páxinas do mesmo e simulando atender unha chamada ó móvil fixemos varias fotos a unhas páxinas que reclamaron a nosa atención. Esas páxinas falaban dun proxecto denominado “Porta do Monte”. As fotos foron descargadas ó ordenador e logo tratadas nun programa fotográfico, imprimidas e expostas no noso taboeiro de cortiza. Pasaron as semanas, e un de nós quedouse ollando as fotos desa páxina e de súpeto saltou a chispa da inspiración, ¡¡BINGO!!, rápidamente buscou un libreto e aquelas fotos clandestinas coincidían á perfección coa fotografía da páxina 68 da “Memoria de Ordenación do Avance do PXOM de Setembro do 2.005”, agora xa eramos capaces de porlle nome a certa liña vermella debuxada sobre o Monte: ¡¡teleférico!!

                Brincamos todos de ledicia, pero esta durou pouco ó olla-la seguinte foto da páxina 69, un fotomontaxe dunha vista area da Guarda, simulando como quedaría tras finaliza-lo PXOM proxectado no 2.005. Nese intre entendemos todo. ¡¡O proxecto do PXOM do 2.005 é o proxecto ó completo!!, un gran proxecto urbanístico a facer nos próximos 30 a 50 anos. Mentras que o actual proxecto que están a estudia-los nosos concelleiros con tanto sixilo, só é a posta en práctica da 1ª fase do PXOM do 2.005; despois de aprobado e realizado, entrará outro proxecto que será a 2ª fase do PXOM do 2.005.

                1ª Fase do PXOM do 2.005 = actual proxecto de PXOM 2.013. Creación dunha nova área urbana na zona noreste e sureste de Camposancos; ou sexa a zona que vai dende o Palomar e Pasaxe ata ó actual emplame da estrada Camposancos-Pasaxe. Reordenación da zona da Sangriña, retirando o actual empalme da estrada Camposanco-Pasaxe e sitúandollo na zona do Cemiterio da Guarda. Na zona onde está o actual empalme desas estradas, na súa próximidade estará a base do teleférico.

                2ª Fase do PXOM do 2.005 = futurol proxecto de PXOM 2.02X??. Expansión da nova área urbana de Camposancos, polo sur, suroeste e oeste, creación do novo centro urban da Vila nos Bechos-Longra; ou sexa novas urbanizacións na zona do Codesal, extender a zona oeste de Camposancos ata chegar á baixada da Praia do Muiño; finalmente teríamos un contínuo urbano dende a baixada da praia ata a Sangriña-Cemiterio da Guarda, ali xa estamos có centro novo da Vila (Bechos- Longra).

                3ª  No proxecto do PXOM do 2.005 xa está debuxado a liña para o teleférico; só que nese intre aínda non tiña nome; hoxe xa ten nome no “Plan Especial para o Monte” e tamén no proxecto do PXOM do 2.013.

                Os nosos concelleiros de goberno saben que o proxecto do PXOM do 2.005 era moita cousa a facer, demasíado descarados os pelotazos que se ían dar,... solución dividilo en dúas ou tres fases para que fose máis liviano e pasase desapercibido. Eles saben que os concelleiros da oposición non van a estudiar nada do presentado no PXOM do 2.013, son moitos planos, carpetas, proxectos sectoriaís,... e moito menos ían busca-lo proxecto do PXOM do 2.005 para facer unha comparación; polo tanto o risco de descubri-lo todo era mínimo, o proceso de macro-urbanización a realizar estaba ben escondido. ¿Verdade Sr. Freitas?; só que na súa ecuación faltaba unha varible: nós. Agora xa sabemos porque o “Plan Especial para o Monte” está tan escondido e vostede non llo deixa a ninguen.

                Os profesionaís da construcción e afíns se teñen unha copia do PXOM do 2.005 poden (deben) olla-las páxinas indicadas; verán que esas fotos non teñen nada que ver có producto pseudo-ecoloxista e de protección do entorno natural do Monte que nós queren vender algúns. Finalmente: Querido Camposancos estás no centro dunha diana dun macro-proxecto de expansión urbanística, todo ó teu redor, pero nada no teu beneficio; pois ó teu redor as urbanizacións van medrar como os cógumelos no Outono.

                ¡¡¡1.000 primaveiras máis para o idioma galego!!!

Mirador do Monte Ancos, a 16  de Maio do 2.013.

Pedro  Alemán  Francés.  Profesor de Arameo Clásico en la Universidad de Porrera  (Tarragona; España)