Democracia práctica

CHANCHONADA  81º

Democracia práctica.

               Hoxe imos falar sobre o PXOM da Guarda pero dende un punto de vista que pode tamen ser de aplicación a outros temas dos concellos, sexa o da Guarda, Rosal, Tomiño, Tui, Oia,... ou outro calqueira. A democracia é o poder do pobo, os nosos gobernantes están moi mal acostumados e só queren que nós os cidadáns o exerzamos cada 4 anos, para votar na elección dos deputados, senadores, concelleiros,... Pero, na democracia existe outra medida que é a consulta popular, este é o procedemento polo cal os veciños cós seus votos deciden sobre temas importantes. Por desgracia, os nosos gobernantes non gostan de usar este procedemento de democracia directa e consultiva.

                A Lei 7/1.985 (Lei de Bases do Réximen Local); a consulta popular está lexislada tanto no seu artigo 70 bis,2 onde os veciños con +15% sinaturas dos veciños poden exerce-la iniciativa de solicitar unha consulta popular. Tamén o Pleno do Concello pode decidir someter un asunto a consulta popular. Lamentablemente con ser legal o procedemento, nunca se leva a cabo.

                Polo tanto tomando como base a Lei 7/1.985, habería tres formas de facer unha consulta popular:

             1º) Pola inicitavia dos veciños, con sinaturas de +15% dos veciños; no caso da Guarda chegan con 1.570 sinaturas.

                2º) Moción dun grupo de veciños propondo ó Pleno que aprobe a iniciativa de facer unha consulta popular.

                3º)  Por iniciativa do Pleno do Concello de facer unha consulta popular.

                Pero nesta lexislación estatal o procedemento non está nada ben lexislado, pero logo ollando o artigo 257º  da Lei 5/1.997 da Xunta de Galicia que regula a Administración Local de Galicia; este tema está algo mellor explicado:

            1º)  Acordo do Pleno do Concello por maioría absoluta.

               2º) O Concello remitirá á Xunta de Galicia unha copia literal do acordo adoptado, precisando os termos da consulta popular.

              3º)  O Consello da Xunta de Galicia remitirá a petición do Concello ó Goberno Central, podendo adxuntar un informe sobre a conveniencia de facer tal consulta.

                4º)  Correspondelle ó Goberno Central autoriza-la celebración da consulta.

                5º)  Concedida a autorización; o O Consello da Xunta de Galicia convocará a consulta popular por Decreto.

              6º)  O Decreto de convocatoria terá o texto íntegro da disposición municipal que é obxecto de consulta, debe sinalar dun xeito moi claro a pregunta que debe responde-lo corpo electoral convocado; determinará a data na que debe facerse a consulta, a cal debe facerse entre os 30 e 60 días posteriores á publicación do Decreto.

            Xa está ben de tanto sigilo, secretismo, ocultismo,... nunha democracia madura, as decisións importantes deben ser tomadas polos cidadáns. A nós non nos vale iso de falar de soberania nacional, de autodeterminación,... e logo facer igual que os outros, o pobo a pagar impostos e a calar. Nós queremos que sexa ó revés, que có seu voto os cidadáns decidan e os políticos calen e acaten. A democracia é moito máis que votar cada 4 anos, ahi que practicala.

                Sabemos que o PXOM ainda non foi levado a Pleno, polo tanto ainda non foi aprobado,... ainda está nesa fase de secretismo que algúns con moita cara dura chaman sigilo. Xa temos demostrado aquí que a figura da consulta popular é legal, está na nosa lexislación, e tamén temos explicado como é o procedemento para levala a cabo.

                Lanzamos a seguinte pregunta ós grupos políticos do Concello da Guarda: ¿están vostedes dispostos a somete-lo tema do PXOM a consulta popular dos cidadáns da Guarda, antes de aproba-lo no Pleno do Concello?. Senón a nós nos parece que a este proxecto de PXOM vaille pasar como ó rodaballo da famosa cantiga:

“aquí acaba a historia

do famoso rodaballo

que por non haber azeite,

¡ui ai ai, ui ai ai!

que por non haber azeite,

¡ui ai ai, ui ai ai!

houbo que comelo asado”

Pero nós nos tememos que non vai haber azeite, nin outro elemento oleaxionoso, non vai ser asado, imolo a ter que tragar crudo e duro; só que uns poucos comerán a carne do rodaballo e outros moitos teremos as espiñas.

Mirador do Monte Ancos, a 26  de Maio do 2.013.

Sor  Tránsito  Hatas  Cado.  Reverenda  Abadesa e Directora do Colegio Univesitario  de  Santa Viatura; Profesora de Ciencias Políticas  (Presidente Prudente; Sao Paulo; Brasil)