Cobardía política

CHANCHONADA  32º

Cobardía política

                  O pasado sábado 9 de Febreiro, deste ano 2.013; na alameda da Guarda asistimos a un espectáculo lamentable e penoso. Varios directivos da asociación “O Cancelón” xa tiñan case que todo preparado para facer una noite de verbena, có grupo músical,... Pola outra banda, estaba o Sr. Alcalde e varios membros da Polcía Local, para facerlles ver que a citada asociación non tiña solicitado o permiso municipal correspondente, nin tiñan autorización administrativa de ningún tipo para organizar tal evento festivo nese espacio público. Debemos lembrar que esta asociación é quen organiza a Festa do Monte, dende o ano 2.012.

             Para sorpresa dos que por alí estábamos; os directivos desta asociación con toda chulería e prepotencia, dixeron que a verbena ía adiante, e como principal argumento expresaban sobre a “volumetría das suas gónadas sexuaís” (como somos persoas educadas non imos a reproducir a palabras citadas, por ser de moi mala educación). Ante tales argumentos, nin o Sr. Alcalde, nin os membros da Policía Local fixeron valer a súa autoridade pública.

            Para entendernos todos; en principio esta asociación non é a encargada dos actos festivos do Entroido; pero pode facer un acto festivo; só que para organizar tal acto festivo, e sobre todo nun espacio público, hai unha normativa legal que sinala os requisitos a formalizar, como ter un permiso administrativo da autoridade competente, reponsables do evento, un seguro de responsabilidade civil,... Resulta que a citada asociación saltase todo isto, porque lles sae de ahi,... das gónadas,... Nós pensamos que erran nas formas, no tempo e no lugar; xa non estamos nos intres que calquera caciquiño facía as cousas como lle petaban, sen consultar a niguen,... A normativa legal e administrativa, gustenós ou non, é igual para todos, e estes señores non son máis que o resto dos veciños, ainda que algún deles está acostumado a saltar por riba de certas normativas, gracias á vista gorda da nosa Policía Local, Guarda Civil,... e xa se sabe, cría corvos que te quitarán os ollos.

            Pero a máxima autoridade civil do noso pobo, ten por deber facer respeta-la legalidade a todos, e impoñe-la súa autoridade ante quen a vulnera,... Para a nosa desgracia, non sabemos porque motivos, o Sr. Alcalde e tamén os membros da Policía Local recuaron ante eses directivos que se expresan como energumenos, non impoñen a súa autoridade, e por cobardía (non atopamos outra palabra), deixan que fagan o que queiran, ainda que sexa vulnerando a Lei. ¿Para qué queremos a un alcalde que é un cobarde?, ¿para qué necesitamos unha Policía Local que por cobardía non defende a Lei?, ¡¡estamos ante un caso de deixadez e abandono do poder!!

            Logo a nota de prensa que quitan no Faro de Vigo, ainda é máis lamentable; pois o que fan non é confirma-los feitos. A citada asociación organizou un evento festivo nun espacio público, sen ter os permisos administrativos legais; có que vulneraron a Lei. Pero os nosos gobernantes nesa nota tamén recoñencen a súa cobardía ó non para-lo evento, por non tomar medidas xurídicas contra os organizadores, deixando craro que a súa autoridade real e moral é nula.

            Antes de finalizar, imos a recomendar que fagades un lectura pausada e meditada, sobre un articulo publicado en “galicia-suroeste”, sobre a organización da “Copa da Raiña de balonmán feminino” que vai ter na nosa Vila da Guarda e a actuación dos nosos gobernantes locais. Os membros deste mirador, non imos a dicir de momento nada; en gran parte estamos de acordo có publicado no citado artigo.

            Parabéns para o Ath Guardés, directiva, xogadoras, equipo técnico, socios,...

Mirador do Monte Ancos, a 14  de Febreiro do 2.013.

Alberto Comino Grande.  Profesor de Etica en la Facultad de Psicología de la Universidad de Villanueva del Pardillo (Madrid; España)