Populismo farmacolóxico

CHANCHONADA  172º

Populismo farmacolóxico.

Antes de entrar dentro do tema en cuestión, é o nosos deber ter que resalta-la mala educación de certos empregados públicos do concello da Guarda; na súa xornada de traballo deben ser profesionais e actuar con educación, e esas gracias chaboleiras propias de clientes de taberna sobre algún concelleiro da oposición están de máis.

O Sr. Xan Lois Lomba, porlle o apelativo de XL e facer chistes sobre iso é de mal gosto; é un atentado directo contra a honorabilidade dun representante electo dos veciños da Guarda; as faltas de respeto a esta persoa, tamén son unha falta de respeto ós votantes que representa. ¿Qué podemos esperar de este tipo de persoal público que non ten respeto polos nosos representantes electos?; tamén da noxo ver como outros compañeiros de Corporación rien estas bromas de mal gosto; ambos dan un mal exemplo ós veciños que acudimos a facer xestións administrativas á Casa do Concello. ¿Esqueceron que son servidores públicos?

O Sr. Xan Lois Lomba non é un concelleiro có que compartamos ideas, nin praxis; dende logo temos moitas discrepancias con él; pero ante todo con respeto i educación. Debemos de lembrarlles a este empregados públicos que son faltas graves a sancionar:

                A) Falla de consideración cós administrados (mala educación).

                B) A graves desconsideración cós superiores, compañeiros e subordinados.

A nivel xerárquico, o Sr. Xan Lois Lomba é un superior destes empregados, pero tamén é un cidadán que se merece un respeto.

Nestes días en moitos concellos galegos tense discutido sobre o “copago dos fármacos hospitalarios”. Estes son fármacos especiáis, que non se suministran nas fármacias pois están baixo un control especial das Autoridades Sanitarias. Están dirixidos a doentes con enfermidades graves crónicas, transplantados, doenzas do corazón, insuficiencia renal,... Polo tanto a inmensa maioría dos doentes son persoas xubiladas ou en situación de minusvalía permanente; son persoas que viven dunha pensión pública, e por desgracia sabemos que en Galicia estas son das máis pequenas de España.

O Goberno Central por iniciativa da Sra. Ana Matón propón cobrar 4,20€ máximo ó mes pola dispensación de estes medicamentos. Todo isto en contra dos verdadeiros perxúdicados, ós cales a Sra. Ana Mato non quere escoitar, como son a “Federación Nacional de Enfermos y Transplantados Hepáticos”, “Federación española de Padres de niños con cáncer”.

Entre os fármacos temos: Afinitor e Tyverb (cancro de mama), Votrient (cancro de ril), Temodal (cancro cerebral),.... por desgracia o doente necesita dos mesmos, no pode acudir a outro tratamento, polo tanto estase a por en risco as vidas destas persoas. O copago de medicamentos ten dous fíns: recaudar máis diñeiro e acadar un efecto disuasorio no seu consumo,... pero nestas situacións non se vai acadar isto, o que se pode acadar é un aumento da mortalidade destes doentes.

Nas diferentes propostas políticas que había nos nosos concellos, hai as que piden retirar esta medida, e outras máis osadas que piden que os concellos axuden a estes veciños. Dende logo, doentes crónicos por sorte son poucos, na Guarda non haberá nin 100, o custe mensual e anual e ben cativo, con 4.000 ou 5.000€ ó ano estaría o problema resolto. Ademáis como publica no último boletín municipal o Sr. Freitas, as contas do concello van ben,... polo tanto é unha medida asumible; só teríamos que priorizar certos gastos e dispendios en comidas, viños, cenas,... que neste ano 2.013 leva feito o Concello da Guarda.

Comida para 4 persoas no concerto do Centro Cultural.........121€

Viño español, inauguración exposición Xoan Piñeiro........ 1.210€

Coffe-break, Seminario o Miño que nos une..........................341€

Pinchos do Santisimo..............................................................300€

Pinchos 70 persoas..................................................................340€

Almorzo 56 persoas campeonato fútbol feminino.............. 1.016€

                Total =  3.328€

Carece de todo sentido da equidade, da lóxica, da ética, da moralidade,... falar deste tema, obrigar a estes doentes crónicos a pagar parte da súa medicación; mentras moitos dos que toman estas decisións seguen malgastano diñeiro en pequenos luxos en beneficio propio. Hai que ser coherentes e ter moi nitidas cales deben ser as prioridades; por desgracia ainda temos políticos que as súas prioridades seguen sendo o bó comer é o mellor beber, a conta do erario público.

¡¡Señores políticos coa saúde non se xoga!!

Mirador do Monte Ancos, a 02 de Decembro do 2.013.

Aparicio  Reina del Vicio.  Directora de los Servicios Sociales del Ayuntamiento de Las Virtudes (Ciudad Real, Castilla – La Mancha; España)