Sen trigo nos muiños do Folón

CHANCHONADA  142º

Sen trigo nos muiños do Folón.

Nestes meses levamos recibidas varias queixas de un funcionario municipal de El Rosal, pois había unha gran discrepancia entre as nosas contas que publicamos e as súas; pero despois de varios correos atopámonos coa sorpresa que estábamos falando de concellos distintos i moi distantes. Mentrás nós falábamos do concello do Rosal, sito na Galicia, en España,... este funcionario municipal tan celoso do seu traballo e amante do seu pobo, resultou ser de: El Rosal, departamento de Cundinamarca, en Colombia.

Agora que xa temos desfeito o erro, e as cousas xa están claras; os membros deste Mirador do Monte Ancos lanzamos ás autoridades que forman a corporación municipal do Rosal (Galicia) a seguinte iniciativa: estudien e contacten coas autoridades municipais de EL Rosal (Colombia) para tentar facer un irmanamento. Según levamos aprendido é unha localidade ben fermosa, e que ten moitos encantos, entre eles as súas aguas balnearias.

Rematada a presentación da iniciativa, de ter resolto o erro; imos a entrar en materia, a materia e comprobar se o trigo que se predicou durante a campaña electoral chegou ós muiños para converterse en fariña. Quixeramos trata-los mesmos temas: iniciativas a favor do emprego e loita contra o paro; iniciativas para dinamiza-lo comercio e economía local e finalmente revisión da política fiscal municipal. Dado que nos programas electorais que temos do Rosal son moi escasos e curtos,... teremos que agrupar todo.

PP:

                A nivel laboral a iniciativa máis importante é impulsa-lo parque industrial; non hai máis medidas nos outros sectores. Sr. Jesús Mª Fernández Portela, dende logo é moi pouco o que ofreceu o PP nas pasadas eleccións.

                Lamentablemente o tema do parque industrial xa leva moitos anos nos programas electorais e ainda non saíu de ahi,... moito nos tememos que ainda falten moitos anos para que sexa realidade. Por outra banda xa temos demostrado que o nivel de presión fiscal no Rosal xa está ó mesmo nivel que na Guarda. A nota solo pode ser un suspenso.

PSOE:

                A nivel laboral a iniciativa máis importante é impulsa-lo parque industrial; potencia-los sectores agrícolas. Sr. Giráldez Giráldez, dende logo é moi pouco o que ofreceu o PSOE nas pasadas eleccións.

                Lamentablemente o tema do parque industrial xa leva moitos anos nos programas electorais e ainda non saíu de ahi,... moito nos tememos que ainda falten moitos anos para que sexa realidade. Nótase que vostede é un enxeñeiro agrícola, pero esquece que o sector agrícola xenera moi poucos postos de traballo. As iniciativas presentadas xustifican que a nota solo pode ser un suspenso.

BNG:

                Creación dun viveiro de empresas do sector agrícola, cun plan de desenvolvemento local (unha das medidas económicas do BNG dos anos 80); tamén propoñen o parque industrial; un plan de promoción do turismo e do comercio local e programar unha escola obradoiro.

                Lamentablemente o tema do parque industrial xa leva moitos anos nos programas electorais e ainda non saíu de ahi,... moito nos tememos que ainda falten moitos anos para que sexa realidade. Nótase que vostede é un funcionario e coñece pouco o funcionamento da economía privada; pero revise vellas ideas que están desfasadas como as escolas taller, obradoiros,... forón un lugar onde mal gastar miles e miles de € para nada. As iniciativas presentadas de momento están centradas en denunciar irregularidades na contratación laboral que fai o Concello; pola súa labor de control e fiscalización a nota debe ser un aprobado; pero condicionado a mellorar.

Xa temos realizada a labor de constrastación entre as propostas da época electoral e o realizado; o realizado é moi, moi escaso. Dado que na Guarda e no Rosal hai unha unanimidade de tódalas forzas políticas para face-lo parque industrial; ¿por qué non se fai?, ¿necestitánse tantos anos para estudialo?,... ¿qué é máis importante os seus partidos ou os veciños rosaleiros e guardeses?. O noso consello é que resolvan primeiro esta última pregunta, para logo contesta-la primeira.

Gracias Sr. Alberte Alonso pola súa transparencia e labor de fiscalización, información ós veciños,... Pero o seu estado civil non interesa, iso é unha cuestión privada súa. Logo ahi outra cousa que non entendemos, por un lado o BNG do Rosal, de Oia, de Tui están de seguido fiscalizando a labor do grupo de goberno municipal de cada concello, e sempre prestos a face-lo público ós veciños,... ¿Por qué o Sr. Xan Lois Lomba non fai o mesmo?, aquí hai unha incoherencia interna dentro do funcionamento do BNG.

Finalmente, imos a solidarizarnos có Sr. Jesús Mª Fernández Portela (Alcalde de O Rosal), que desfrutando dunha viaxe a Paris foi victima dun carteirista.

Mirador do Monte Ancos, a 01  de Outubro do 2.013.

Juan  Luís  Toro  Bravo. Director del Balneario “El Hidrocálido”, en Vereda de Aguascalientes (El Rosal; Departamento de Cundinamarca; Colombia)