Sen rumbo en Tomiño

CHANCHONADA  152º

Sen rumbo en Tomiño.

O PP de Tomiño leva anos desnortado, cousa que ficou en evidencia durante as semanas previas á campaña municipal do 2.011, cós trocos constantes de cabeza de lista,... Agora tocalles a Sr. Paula Romeu tratar de evita-lo derrumbe interno que sufre esta forza política. Boa parte do electorado “escapou” para o BNG, outros como mínimo non queren saber do PP, os aliados de Centristas de Tomiño deixan a alizan có PP, pois o rumbo de ambos non son coincidentes,... Semella que o PP de Tomiño é un barco varado na ribeira, que está en proceso de desguace,... algúns por operarios internos e outros por operarios externos,... ¡¡Tes un traballo moi duro por diante Paula Romeu!!

Pero para evitar isto hai que centrarse en Tomiño, nas súas parroquias e nos seus veciños,... menos viaxar por ahí a eventos pseudo-electorais do PP para autopromocionarse,... Sr. Paula Romeu está vostede no seu dereito lexitimo a promocionar dentro do escalafón do PP, per sexa sinceira cós veciños desta aspiración,... pois boa parte dos boletíns informativos do PP de Tomiño, son follas laudatorias de vostede. En conclusión Sr. Paula Romeu vostede marcalle un rumbo a Tomiño, pero logo leva vostede outro distinto,...

Logo temos a nosa Sr. Sandra Gónzalez (Alcaldesa de Tomiño), ¡¡que tempos aqueles cando estaba na oposición e reclamaba os plenos mensuais!! A mesma postura dos seus compañeiros do BNG nos concellos veciños cando están na oposición. Só que agora a Sr. Sandra Gónzalez (Alcaldesa de Tomiño) é quen goberna, pero o exercicio práctico non é concordante có predicado cando estaba na oposición. ¿Esqueceu vostede a petición dos plenos mensuais?. Logo certos plenos extraordinarios para temas importantes, vostede os convoca có mínimo plazo legal previsto e a horas moi intempestivas,... o fin non é trata-lo tema, o fin e que non acuda a oposición.

Querida Sr. Sandra Gónzalez (Alcaldesa de Tomiño) que tempos aqueles, cando estaba na oposición e reclama respeto para os concelleiros que forman parte da mesma;... agora comportase igual que os seus predecesores. ¿Cal é a diferencia entre o PP e o BNG?. O pasado martes 15 de Outubro, sentimos noxo, asco e medo, ó escoita-las declaracións de certo individuo “autodenominado representate da Plataforma de afectados polas preferentes”; con amenazas ben claras de agresións físicas contra o Sr. Alcalde do Rosal, amenazas veladas sobre unha posible bomba nos baixos do coche deste Alcalde,... todo isto acontecía sen que voste, e ningún concelleiro do BNG mandase calar a este individuo, nin saínse na defensa dun compañeiro que é Alcalde como vostede,... Semella que aquela imaxe dun BNG non radical, centrado no nacionalismo galego, en premisas prácticas,... vai quedando esquecido e aparecen as fórmulas e prácticas “herri-batasunistas” que tivo o BNG de primeiros dos anos 80,... ¿Lembra vostede isto?

Calar e consentir estas amenazas e todo un acto de cobardía; pero tamén poder ser un síntoma de complacencia, o cal sería máis perigoso; pois a mensaxe que se transmite é que certos cargos políticos do BNG están dispostos a asumi-la eliminación física dos seus contrincantes políticos. Isto debería ser coñecido polos veciños de Tomiño; pero moi especialmente polo Sr. Alcalde do Rosal; pois hai quen amenaza, hai quen cala por cobardía ou simpatía,... e nós non queremos asistir a un funeral dunha persoa que foi un profesor da nosa época escolar.

Nestes anos de goberno municipal, se hai algo que destaca Tomiño por riba dos concellos veciños é pola elevada deuda municipal xenerada en 2.012,... O rumbo do BNG de Tomiño é levalo concello á ruina, singladura na que van moi avanzados. Pero moito pior é o rumbo político que leva o BNG de Tomiño, nun rumbo de radicalización do seu mensaxe e prácticas, que xa entran na zona de antidemocráticas.

Temos ó Sr. Santiago Vergara polo PSOE, traballo de titáns tentar manter viva una forza política que esmorece no Baixo Miño, coa excepción da Guarda. Agradecemos o seu esforzo e o da agrupación local de Tomiño, de por unha avogada para asesorar gratuitamente ós veciños, polo tema das fianzas cobradas irregularmente nos procesos de segregacións parcelarias.

Sobre os Centristas de Tomiño, despois da “asoación-cooperación” có PP das pasadas eleccións do 2.011; semella que non foi unha decisión acertada, nin entendida. Logo da demisión do Sr. José Carlos Vila Costa onde instaba a mante-la independencia da formación, foi levada a termo fai poucos meses. Para o único concelleiro quedálle un camiño duro por diante, para a formación tamén, pois aportou moita dote no matrimonio, e agora no divorcio non se leva nada. Tanto o Sr. Concelleiro como o Sr. Serafín Rodríguez Barreiro teñen unha dura tarefa por diante. Lembren que rectifica-los erros é un signo de sabiduría.

Sr. Santiago Vergara, Sra. Paula Romeu e ó Sr. Concelleiro de Centristas non está mal o seu traballo, pero hai que prestar máis vixiancia á deriva ideolóxico-práctica que levan os membros do BNG de Tomiño, para alertar á poboación. Teremos que estar atentos, moi atentos ó que acontece en Tomiño.

Mirador do Monte Ancos, a 22  de Outubro do 2.013.

Juan  Luís  Toro  Bravo. Director del Balneario “El Hidrocálido”, en Vereda de Aguascalientes (El Rosal; Departamento de Cundinamarca; Colombia)