PROMESAS DO 2.011

CHANCHONADA  66º

PROMESAS  DO  2.011

Xa levamos case que dous anos de lexislatura municipal; imos a recolle-las frases máis interesantes que os hoxe concelleiros, ou alcaldes tiñan a ben dicir aló polo mes de Maio do 2.011; pero imos a centrarnos nas que temos como referencia sobre as custións económicas, fiscais, laborais, comercio, industria,... nos nosos concellos. 

Para comenzar imos a face-lo con suavidade, premio á inocencia e candidez,... o escollido nesta categoría é o noso ben apreciado: Sr. J. Miguel Giráldez Martínez, concelleiro do BNG en Oia: -“Oia ten que teer esperanza no futuro”; é un gran desexo que nós tamén queremos,... pero a realidade é moi terca e hoxe sabes que este fermoso desexo está cada día máis lonxe. “Oia ten mar e monte, un mosteiro único en Europa, os curros, as pozas, unha riqueza paisaxística impresionante,...” Non temos dúbidas querido Miguel que tes alma de poeta, pero todo isto por sí só non xenera emprego, nin postos de traballo,... ¡Hai que ser máis prácticos!, tes que demostrar que unha licenciatura universitaria en xestión empresarial da para máis que facer fermosos sonetos. “algo se ten que estar facendo mal dende o goberno municipal, para estar na situación de atraso que temos con respecto ós concellos veciños”. De acordo con esta conclusión, pero Oia leva facendo as cousas mal dende fai moitos anos,... Equivocarse é de humanos, manterse nos erros é de tontos e rectificar os erros é de persoas sabias. Pero Miguel, lee o que está a seguir, e xa entenderás parte dos problemas de Oia. 

Logo temos o premio á mente en blanco, esas persoas que realmente non teñen unha idea, nin proxecto sobre a materia enquisada; premio compartido pola Sra Fátima Iglesias e Alejandro Rodríguez (membros do PP da Guarda e Oia). Boa parte do traballo no concello é administra-los diñeiros dos veciños, facer inversións para mellora-la vida e oportunidades,... Tomando un exemplo moi mariñeiro, que todos entenderemos: cando un non sabe a donde ten que ir, entón non sabe que rumbo ten que marcar e ningún vento lle é favorable; e o único que sabe facer e ir a remolque dos demais.

Temos un premio á “moviola” (repetición da repetición); este é un premio moi compartido, todos os seguintes señores coinciden na proposta, ó igual que xa coincidirán na mesma proposta no ano 2.007 e 2.003. A proposta repetida nestes 8 anos é: ¡¡facer un poligono industrial na Guarda-Rosal!!”. A este premio acceden os señores Luís Giráldez (PSOE do Rosal), Jesús María Fernández (PP do Rosal), Alberte Alonso (BNG do Rosal), José Manuel Dominguez Freitas (PSOE da Guarda), Beatriz Estévez (Converxencia Galega da Guarda) e Xan Lois Lomba (BNG da Guarda). Señores se todos vostedes coinciden nesta necesidade (que nós tamén coincidimos), ¿¿por qué non traballan duro para leva-la adiante??

Temos un premio patrocinado por ACIGU, para aqueles concelleiros que se inspiran nas fermosas frases que a Sra. Carmen García Braga nos delita no Faro de Vigo; frases como: “planes de apoyo al pequeño comercio local”, “planes de dinamización del comercio local”,.... Este premio é compartido polos señores Alberte Alonso e Xan Lois Lomba (BNG do Rosal e A Guarda). Para ser un partido radical de esquerdas, con bases marxistas-leninistas están moi inspirados pola patronal do comercio local. ¿Qué coincidencia máis extraña?

Logo temos un premio á innovación; con isto imos premia-la iniciativa nova, a que aparece por vez primeira nas promesas electoraís dos nosos concelleiros, polo tanto hai imaxinación e moi seguro que nos vindeiros folletos de promesas electoriais do ano 2.015 aparecerá recollida por todos. A premiada e a Sra. Beatriz Estévez (Converxencia Galega da Guarda), a inovación proposta é un plan de aforro nos custes enerxéticos municiapis; é a primeira vez que atopamos esta proposta, pero coñecendo o material intelectual dos nosos políticos necesitarán estudiala durante moitos meses.

Temos un premio ó mellor titular ou frase valeira de contido; non foi dificil colle-lo gañador, o verdadeiramente dificil foi escoller unha frase, dada a cantidade de frases fermosas pero valeiras de contido que nos regalou no mes de Maio do 2.011 no Faro de Vigo: “hai que prepararse para cuando acabe la crisis”, prepararse para que, ¿para emigrar?, ¿para retornar da emigración?,... “é fundamental levar a cabo políticas que fomenten o emprego”,... pero logo o agraciado con este premio leva trocado de prioridades,... O premiado é o Sr. José Manuel Dominguez Freitas (PSOE da Guarda), ten como prioridades tantas cousas que realmente non se centra en níngunha; cando lle presentaron unha proposta de facer un Plan de Emprego local no 30 de Novembro do 2.012, o tema xa non era prioritario e deixouno estar sobre a mesa para estudiar.

Acabamos có premio á metedura de pata; entendemos que os nosos políticos en plena campaña falan, falan,... e poden cometer erros,... Era o Martes 10 de Maio de 2.011, lugar a escola da Poza en Camposancos, o BNG da Guarda facía un dos seus mitíns,... e o cabeza de lista por esta formación nos prometía os seguinte: “Para o BNG é prioritario que o Concello colabore coa Conselleria de Vivenda para que o Poligono Industrial da Guarda sexa unha realidade no 2.009”.  ¡¡¿¿??!!  Ficamos coa boca aberta e alelados; se estamos no ano 2.011, e ainda non se comenzaron as obras, ¿cómo vai estar feito o poligono xa dende fai dous anos?, ¿ou está feito e nós sen enterarnos?,... ¿ou por un desliz quere dicir que o BNG promete que o poligono estará feito no ano 2.019?,... Xan Lois un consello as promesas fanse para que sexan realidade nun futuro, pero non para ser cumpridas no pasado, pois o pasado non se pode trocar.

Mirador do Monte Ancos, a 26  de Abril do 2.013

Fernando  Idea  Cuadrada.  Profesor universitario de Teoría Política en la Universidad de Arroyo del Cabrón (Zamora; España)