O recibo da auga

CHANCHONADA  59º

O recibo da auga

O outro día có tema da auga, os membros deste mirador queríamos ser camposinos, pero non por facer máis grande a parroquia da Visitación de Camposancos; o que queremos é paga-lo mesmo prezo pola auga que os nosos veciños de Camposancos; non ten sentido, nin xustificación algunha que os veciños da Guarda e Salcidos paguemos un +28% polo mesmo servicio de suministro municipal.

Hoxe toca clase de aritmética, polo tanto hai que facer contas, traballar cós números e facer unhas sinxelas operacións matemáticas,... queremos que os nosos amigos lectores poidan facer eles mesmos os calculos matemáticos para verifica-la certeza do recibo da auga. Este é un tema que a maioría dos nosos concelleiros non saben calcular (temos a certeza positiva que as Sras Monteserrat Magallanes e Beatriz Estévez saben face-los cálculos); pero aquí imos dar unha clase gratuita para todos aqueles que queiran aprender.

O recibo da auga componse de tres apartados, imos a denominalos: A, B e C.

A)    Trata do consumo da auga, medido en metros cúbicos (1 metro cúbico = 1.000 litros), en base á lectura que fan do noso contador; pero non pagamos polos metros cúbicos consumidos, senon pola cantidade superior do tramo no que está dividida a tarifa. Cantidade de auga consumidad (Z), valor superior do tramo de consumo (Y); do cal obtemos a seguinte fórmula:

[Y x 0,90€]x 1,10 = cantidade  A

O prezo do metro cúbico é de 0,90€, sobre o que hai que engadir un IVA do 10%, por iso na fórmula multiplicamos todo por 1,10.

            O inxusto deste sistema de tarificación por tramos, é que todos pagamos por unha cantidade de auga que non consumimos; é como ir á gasolinera por 15€ de combustible e pagar 20€.

B)  Aquí temos o canon de saneamento, que é unha cantidade fixa que ten un valor de 0,89€; pero esta cantidade ten un IVA do 21%; polo cal obtemos a seguinte fórmula:

            [0,89€ x 1,21] = 1,21€ = cantidade  B

            O inxusto deste sistema do canon de saneamento é que todos pagamos a mesma cantidade de auga, independentemente da auga que consumimos; o máis lóxico que este canón estivese en función directa da auga consumida; así deste xeito beneficiase a quen máis consume e derrocha.

C)  Isto é un novo imposto inventado pola Xunta de Galicia (Decreto 13/2.012, publicado no DOG do 22 de Xuño do 2.012); que obriga ós concellos galegos a cobrarllo como un recargo sobre os veciños e logo ingresalo nas contas da Xunta. Moi ocupados debían esta-los membros do goberno municipal para non explicar este novo imposto ós veciños. Este tributo está formado por unha parte fixa e outra varible en función do número dos residentes da vivenda:

            Parte fixa= 1,50€ ou 4,50€    Parte variable = 1,50€ ata 14,58€

            A suma das dúas compoñentes = cantidade  C

            O inxusto canon da Xunta é que resulta ser un imposto encuberto, e por non facer nada; pero ó final supón, unha suba do prezo final que pagamos que ronda unha media do +15%. Ós cidadáns recortannos os servizos, baixan os salarios, pero os impostos suben como foguetes.

            O prezo final que pagamos = A + B + C

            Antes de tirarlles das orellas ós nosos gobernantes do Concello, os membros deste Mirador recomendamos ós nosos lectores e veciños que se acheguen ó Concello ou ás oficiñas de tributación municipal (mellor a esta pois as empregadas son competentes e moito máis atentas que as funcionarias do Concello), e ali pregunten polas bonificacións que ten o imposto da Xunta: vivendas con +3 residentes, familias numerosas, familias en situación de exclusión social. Os trámites son sinxelos e non se tardan +5 minutos en facer catro xestións e enche-lo formulario.

            Señores concelleiros de babor, estribor, proa e popa,... ¡¡Non é xusto cobrar por unha auga que non consumimos!!, pero isto xa ven de fai anos, debe ser que tanto o PP, PSOE e BNG están de acordo. ¡¡Non é xusto que os veciños de Salcidos e da Guarda paguemos un +28% que os veciños de Camposancos!!, pero isto xa ven de fai anos,.... ¡¡Non é xusto que quen menos consume pague o mesmo que quen derrocha auga no canon de saneamento!!, pero isto xa ven de fai anos,...

            En conclusión, o actual sistema de tarificación do suministro de auga municipal do Concello da Guarda está planificado para perxudicar a quen menos consume: viendas de viuvas e xubilados, vivendas de parellas, pequenos comerciantes,... Gostarianos oir voces que traballan por unha reforma deste sistema, pero moi especialmente a da Sra. García Braga, pois este sistema perxudica ó pequeno comercio local,... ¿ou non lle preocupan os comerciantes da Guarda? Moitas veces pensamos que os cidadáns falamos un idioma distinto ó dos políticos.

Mirador do Monte Ancos, a 11  de Abril do 2.013.

Johannes  Freitag Feierabend (“Juan Viernes Tiempo libre”).  Profesor de Hacienda Pública de la Universidad de Pölla (Baja Austria; Austria)