Reforma municipal

CHANCHONADA  42º

Reforma  municipal

Imos a plantexa-los puntos básicos dos que carece “anteproxecto de Ley de Racionalización y sostenibilidad de la Administración Local”, que pretende levar adiante o Goberno Central; nós entendemos que calquera proxecto para modificar e actualiza-la Administración Local debe estar baseada nun estudio profundo de catro realidades:

A)      Realidade socio-económica da sociedade. Hoxe non temos a mesma sociedade, nin económica, nin cultural,.. que tiñamos en 1.833 cando Francisco Javier de Burgos, sendo Secretario de Estado de Fomento, plantexou o actual sistema de concellos e división provincial.

B)       Demográfica. Resulta evidente que os dous elementos principais e esenciais dun concello son o seu territorio e a poboación do mesmo; pois un dos grandes problemas que temos na actual estrcutura municipal é que un gran número de concellos levan moitos anos perdendo poboación, teñen unha poboación reducida,... e isto redunda directamente nos recursos económicos que son capaces de xenerar.

C)       Funcionais. Son os servicios que os concellos prestan ós seus veciños; evidentemente canto menos veciños, menos servicios pode prestar un concello e máis custoso resulta. Pero un problema moi grave é que dende as Comunidades Autónomas estivose cargando sobre os concellos funcións que non lles corresponde, son as competencias impropias, có cal estes tiñan que asumir uns gastos para o cal non reciben financiación.

D)      Estructura funcional. Hai que moderniza-la estructura funcional dos concellos, usa-los medios técnicos necesarios, pero tamén os humáns. Non ten sentido usar medios modernos, pero que logo a xestión dos recursos humanos seguen sendo igual que os de 1.940, ou anos anteriores.

Hai que ter moi presente que, a Administración Local é a administración máis próxima ós cidadáns; entón có espiritú deste anteproxecto de Lei, se as funcións e competencias son trasladadas dos concellos ás deputacións, con isto valeirase de contido ós concellos e sobre todo alonxase a administración dos veciños,... Agora, se un veciño ten un problema achegase ó concello para plantexalo, fala có Alcalde, có concelleiro de turno, pero có sistema plantexado na reforma, este veciño terá que desprazarse á capital provincial; ¿¿ten isto sentido?? Evidentemente NON.

Sobre as cousas da realidade de 1.833, non ten moito que ver coa realidade do 2.013; calquera alumno do San Xerome Emiliani entende isto, pero parece que o Sr. Rajoy non. Hoxe en España hai 8.114 concellos, varios estudios do Mº de Facenda establece que o umbral mínimo para que un concello sexa viable económicamente e poida prestar servicios ós seus veciños, debería ter unha poboación superior ós 5.000 habitantes. Pois 6.800 concellos están por debaixo dese nivel de viabilidade (o 83,8% do número total de concellos). En conclusión, se reducimos ó número de concellos, é evidente que hai unha reducción do número de Alcaldes, concelleiros, funcionarios de habilitación nacional,... tamén xenerase unha dinámica de escala moito maior, reducense certos gastos funcionais, hai unha estructura máis simple e racional. O que non explica o Sr. Montoro é como aforrar 7.000 millóns de € coa súa reforma; pois limitando o soldo de alcaldes e concelleiros, non se acada tal aforro; pero coa reducción do número de concellos, si que hai unha reducción do gasto que o Mº de Facenda estimaba en 2.011 por un valor de 4.200 millóns,

En 1.980 en España había 8.022 concellos, en 2.012 temos 8.114 concellos. Todo este proceso de aumento veo pola vía de segregación (división de concellos), e todos ocurriron en concellos pequenos e con pouca poboación; maís do 80% a pesar da segregación seguiron no proceso de perda de poboación, o que fai evidente que este proceso non é ningunha solución. Vale que, equivocarse é de humanos, rectifica-los erros é sinal de sabiduria, pero manterse no erro e reincidir nel é de tontos.

O camiño debe ir pola reducción do número de concellos, mellora-la súa financiación e mellora.la súa esturctura organizativa e funcional. Con isto podemos lograr unha Administración Local que sexa máis áxil e funcional, que acade unha mellor xestións dos recursos económicos dispoñibles,.... Claro está, sempre que os que gobernan se atopen á altura dos medios dispoñibles; pois o que nós ollamos son políticos que na inmensa maioría dos casos carecen de experiencia profesional na xestión de recursos humanos, económicos e materiais; isto é como poñer un coche moi bó, un ordenador bó, e outros medios modernos nas mans dun individuo que a súa capacidade vital e intelectiva está na época de 1.920,... é evidente que non vai ser capaz de quitarlle todo o potencial a eses medios. Pois isto mesmo lle pasa a moitos dos nosos Alcaldes e concelleiros.

Hoxe imos a revelar un dos maiores segredos do Concello da Guarda; levounos moitos meses de investigación, ir recollendo información, agrupala con paciencia. De nada serve aforrar, cando logo o gobernante de turno malgasta diñeiro en inutilidades. Todos somos coñecedores da gran cantidade de pleitos nos que está o Concello da Guarda por temas urbanísticos e outros,... pleitos que nunca gaña; pero que no ano 2.012 tiveron un coste para avogados, pleitos, recursos, procuradores... gastando nestes pleitos  +54.400€. Cando o Sr. Alcalde sae na prensa facendose a victima, non dí nada desta cantidade; pero postos a pleitear polo menos podía ofrecerlle este traballo ós veciños que son profesionais do Dereito, que viven e exercen na localidade,... ¡¡darlle traballo ós nosos veciños!! Claro que tamén nos extraña o silencio do PP e BNG que levan +6 anos na oposición; ou descoñecen as cantidades (có cal non fan ben o seu traballo) e se as coñecen e calan, en certo xeito son encubridores destes gastos.

Mirador do Monte Ancos, a 06  de Febreiro do 2.013.

Alberto Comino Grande.  Profesor de Etica en la Facultad de Psicología de la Universidad de Villanueva del Pardillo (Madrid; España)