Un coche vello

CHANCHONADA 284º

Un coche vello.

Unha das lembranzas da miña infancia era o Seat 127 do meu tío; eran un modelo da segunda serie comprado en 1979, de cor amarelo,... para min montar no coche significaba ir á praia, ir a unha festa,... aquel coche aguantou moito, incluso aprendín a conducir nel. Como moitos coches, rematou sendo vendido a un taller, que o desmontou e o vendeu por pezas,...

O outro día leemos nun xornal un pequeno estudio feito pola empresa “Metroscopia” sobre o perfil dos votantes de “Podemos”. Resulta que perto do 60% dos votantes son persoas de entre 35 a 54 anos (ou sexa, non é un voto xuvenil, son persoas maduras), a maioría deles votantes “rebotados” do PSOE e IU, (no caso de Galicia tamén do BNG). O 56% dos votantes de “Podemos” antes eran votantes do PSOE. Ou sexa có “efecto Podemos” o PSOE perde votantes pola súa banda esquerda.

Dado que estamos en “año del Hidalgo” (ano pre-electoral); imos a facer unhas pequenas reflexións de como lle pode afectar ó PSOE do Baixo Miño, os diferentes movementos para asentar “Podemos” na nosa comarca: A Guarda, Tui e Tomiño que é de momento onde existe.

Internamente o PSOE do Baixo Miño é unha formación de non moi numerosa militancia, e a idade media da mesma está por riba dos 40 anos; os seus cargos electos teñen unha idade media por riba dos 54 anos. Polo tanto nos non ollamos unha renovación xeracional a curto ou medio prazo, xa sexa pola inexistencia de persoal potencial para a mesma. Os cargos electos son dunha longa traxectoria, algúns deles con +30 anos na política local,... En moitos casos, non prepararon a persoal para o relevo,... O futuro do PSOE do Baixo Miño a curto e medio prazo, non é bó, pola falta de efectivos i sobre todo de persoal preparado na política municipal.

¿Van a sair eses cargos con 30 anos de vida política pública como os protagonistas da renovación do PSOE?; sería algo así como intentar vender un coche vello, dándolle unha man de pintura, porlle unhas pegatinas novas, e outros trocos meramente estéticos,... ¡¡¡pero o coche sigue sendo vello!!!

Electoralmente a base de votantes do PSOE do Baixo Miño leva anos estancada, i en proceso de lento retroceso, pero continuo (Rosal e Tomiño); a única excepción é A Guarda, pois aquí atinadamente captaron votantes descontentos do PP para si mesmos; logrando así un bós resultados electorais, pero isto escondeu os problemas de base que describimos anteriormente: alta idade media dos militantes, pouco preparados e cargos electos de moi longa traxectoria pública. Con estes elementos vai resultar moi díficil facer unha renovación.

Dende as pasadas eleccións ó Parlamento Europeo do pasado mes de Maio do 2.015; no PSOE encenderonse tódalas luces de alarma; pois os resultados electorais foron malos, a irrupción de “Podemos” comeulles apoios e votantes. Agora esas luces seguen prendidas cós recentes movementos en Tui, A Guarda e Tomiño para establecer “Podemos” no Baixo Miño, pois sería outra opción política nas municipais.

De aquí a Maio do ano vindeiro existen posibilidades moi reais que este novo movemento político lles reste votantes nas municipais, especialmente polo lado esquerdo. En Tomiño, a situación voltase delicada, podería darse o resultado que o PSOE tomiñés ficase fóra do Pleno do Concello. No Rosal seguiría ese lento camiño á baixa, en Oia seguiría estancado,... En Tui, podería pasar a ser unha forza minoritaria na corporación municipal.

O caso da Guarda, para o PSOE é algo máis complexo. Durante estes últimos 8 anos estiveron captando votantes descontentos do PP; pero aquí ese movemento de trasvase semella que se está esgotando pola presencia de outro competidor. Ademáis pola beira da esquerda, podería perder votantes que se fosen con “Podemos”. Electoralmente teñen dous frentes; pero tamén hai outro problema interno no PSOE da Guarda.

¡¡¡A pregunta do millón!!! ¿Seguirá José Manuel Domínguez Freitas como cabeza de lista no 2.015?. Nós imos a recoller a seguinte pregunta e resposta dunha entrevista de Marzo do 2.011 en “galicia-suroeste” feita ó Sr. José Manuel Domínguez Freitas.

Vostedes xa adiantaron os primeiros postos da candidatura ás municipais de 2011. ¿A renovación queda para próximos encontros coas urnas?

O que si fixemos foi a partir do posto número oito facer unha renovación bastante importante, un pouco para preparar a esa xente e que estee en disposición, seguramente dentro de catro anos, en substituír a algunhas das persoas que levamos moito tempo na política municipal.

Ou sexa, nas anteriores eleccións municipais renovaron pola parte baixa, os altos cargos nin tocalos,... No resaltado, o Sr. José Manuel Domínguez Freitas da a entender, có uso desa 1º persoa do plural, que el e outras persoas con moito tempo de vida pública na política municipal o van deixar no 2.015. Dende logo o intre é bó; se hai un mal resultado electoral a imaxe persoal queda ben parada, ¿cumpliráse o descrito nesa frase?,... De ser certo o resaltado, temo outra pregunta para todos: ¿¿Quén será o sustituto ou sustituta??

Moitos frentes abertos teñen os do PSOE no Baixo Miño,... teñen que resolver moitas cuestións internas como as renovacións, prestar atencións ás luces de alarmas,... ¡¡¡Veñen meses moi interesantes!!!

Mirador do Monte Ancos, a 24 de Xullo do 2.014.

Cecilia Fontana Caldas del Rey. Directora de la Embotelladora de Whisky sin alcohol “Watersky”, perteneciente al grupo internacional de bebidas “El Garrafonazo”; ciudad de Sweetwater (Illinois, USA).