Dor de gota

CHANCHONADA  157º

Dor de gota.

Semella que esta semana o Sr. Alcalde da Guarda tivese un ataque de gota; esa enfermidade que é consecuencia da acumulación de sales de urato (sales derivadas do ácedo úrico), que tenden a acumularse nas articulacións, e moi especialmente no dedo gordo do pé (articulación metatarsofalángica do hallux). Non sabemos si o Sr. Alcalde da Guarda ten un “pé exipcio” onde o dedo hallux ou dedo gordo é o máis grande do pé, ou si ten un “pé grego” onde o dedo contiguo ó hallux é o de maior tamaño. Pero o caso é que a noticia sobre certa vixiancia que fai o Ministerio de Facenda sobre as contas de Concello, sentoulle moi mal, como se a un enfermo de gota alguen lle pisa o pé (especialmente o dedo hallux).

Tan ardua foi a defensa das contas da súa xestión que chegou a facer afirmacións esaxeradas, chegando a dicir que as contas do Concello xa non teñen deudas e cousas similares. Imos a explicarlle ós nosos queridos lectores un concepto básico, a Deuda Total municipal está formada polos seguintes tres conceptos contables:

A)     Deuda Viva; que son as cantidades que se lle deben ás entidades de crédito.

B)      Deudas coas Administracións, son as cantidades que se lle deben a outras Administracións públicas.

C)      Deudas cós proveedores; son as facturas sen pagar ós proveedores.

Normalmente, cando os nosos alcaldes falan sobre a deuda municipal, fan referencia ó concepto de Deuda Viva; por algunha extraña razón que non comprendemos, esquecen falar das deudas coas Administracións e sobre todo das deudas cós proveedores,... este último dato case que é segredo municipal, e tende a ser tapado por todos. Imos tentar facer un pequeno esquema, onde imos a ver en cada concello a deuda viva en cantidade monetaria e o ratio equivalente en habitante (cantidades que lle correspondería a cada habitante do concello).

A Guarda:             Ratio  habitante                   Deuda  viva

2.008                      154,84€                                  1.611.000€

2.009                      129,21€                                  1.347.000€

2.010                      116,21€                                  1.217.000€

2.011                      111,31€                                  1.167.000€

2.012                      96,05€                                    1.004.000€

Vemos que hai un proceso continuo de reduci-la deuda coas entidades bancarias; seguindo estás pautas en 8 anos estarían saldadas as deudas cóas entidades bancarias.

Oia:                        Ratio  habitante                   Deuda  viva

2.008                      42,61€                                    136.000€

2.009                      39,36€                                    127.000€

2.010                      36,28€                                    116.000€

2.011                      33,03€                                    105.000€

2.012                      78,88€                                    244.600€

Vemos que hai un proceso continuo de reduci-la deuda coas entidades bancarias ata o ano 2.011; logo no ano 2.012 xeneránse novas deudas a un nivel que supón un crecemento de case un 80%; ¿por qué e para qué?.

O  Rosal:               Ratio  habitante                   Deuda  viva

2.008                      1,86€                                      12.000€

2.009                      0€                                           0€

2.010                      0€                                           0€

2.011                      26,61€                                    176.000€

2.012                      18,41€                                    121.000€

Vemos que hai un período de deudas moi pequenas ou nulas; pero a partir do 2.011 xeneránse unhas cantidades importantes, xustamente cando o Alcalde do Rosal vende en público que o Concello do Rosal non ten deudas,... realmente as liquidacións das contas amosan todo o contrario. Hai que recoñecer que o Sr. Alcalde do Rosal é un maestro en vender aquilo que non existe.

 Tomiño: Ratio  habitante                   Deuda  viva

2.008                      13,79€                                    179.000€

2.009                      9,84€                                      131.000€

2.010                      8,00€                                      108.000€

2.011                      3,09€                                      42.000€

2.012                      119,16€                                  1.637.000€

Vemos que hai un proceso continuo de reduci-la deuda coas entidades bancarias, case que se acada un nivel de deuda cero; pero de súpeto no ano 2.012 a deudas cóas entidades bancarias disparanse, pois xenerase un nova deuda de 1.595.000€. Hoxe Tomiño é o concello do Baixo Miño coa deuda máis alta cós bancos,... ¿Por qué?

Tui:                        Ratio  habitante                   Deuda  viva

2.008                      57,62€                                    978.000€

2.009                      54,92€                                    948.000€

2.010                      43,63€                                    755.000€

2.011                      30,40€                                    524.000€

2.012                      17,06€                                    294.000€

Vemos que hai un proceso continuo de reduci-la deuda coas entidades bancarias; seguindo estás pautas en 2 anos estarían saldadas as deudas cóas entidades bancarias.

Baixo Miño:                                         Deuda  viva

2.008                                                      2.916.000€

2.009                                                      2.553.000€

2.010                                                      2.196.000€

2.011                                                      2.014.000€

2.012                                                      3.300.600€

Vemos que na comarca do Baixo Miño ata o ano 2.011 estáse a reduci-la deuda viva; pero logo no 2.012 crece un 64%, en gran parte pola xeneración de deuda cós bancos que fai o Concello de Tomiño.

No ano 2.008, o 55% da deuda viva total da comarca lle corresponde ó Concello da Guarda, ou sexa ata ese momento o Concello da Guarda era o máis endebedado cós bancos.

No ano 2.012, a deuda viva total na comarca crece un +64%, hoxe a deuda cós bancos que ten o Concello de Tomiño representa o 49,6% do total comarcal, polo tanto é o concello que ten as maiores deudas cós bancos. Isto resulta algo inconcluente, sabendo que o goberno municipal de Tomiño é ostentado polo BNG, forza política que ten un discurso anti-bancario, contra as entidades de crédito,... pero logo acuden a estas a pedirlle crédito; isto é unha desas inchorencias a que xa nos ten acostumados a Sra. Alcadesa de Tomiño: predicar unha cousa é logo facer outra distinta.

Imos rematar có noso paciente gotoso; imoslle a facer un novo cadro onde se compara o ratio da deduda viva, có ratio da deuda total (tomada esta dos documentos da “Conta Xeral Municipal” dos últimos anos).

A Guarda:             Ratio  Deuda Viva                               Ratio Deuda  Total              % Deuda Viva

2.011                      111,31€                                                  122,79€                                                  90,65%

2.012                      96,05€                                                    175,80€                                                  54,64%

Vemos que no ano 2.011 case que todo era deuda viva (deudas cós bancos); pero no ano 2.012 as deudas coas Administracións e con proveedores creceron moito. De feito o ratio da Deuda total creceu no ano 2.012 en +53,01€, ou sexa aumentou un 43%; polo tanto as deudas do Concello da Guarda aumentaron.

Facendo unha operación aritmética moi simple:  (Ratio de Deuda Total) x (nº de habitantes) = Deuda total

                (175,80€) x (10.454 habitantes) = 1.837.813,20€

                Se a cantidade de Deuda Total, lle restamos a Deuda viva, o que temos son as deudas con outras Administracións e deudas con proveedores:

                (1.837.813,20€) -  (1.004.000€) =  833.813,20€

                Como ve Sr. José Manuel Freitas (Alcalde da Guarda) é moi sinxelo e simple facer contas, lamentablemente estas non son coincidentes dó que vostede predica na prensa.

Mirador do Monte Ancos, a 2  de Novembro do 2.013.

Johannes  Freitag Feierabend (“Juan Viernes Tiempo libre”).  Profesor de Hacienda Pública de la Universidad de Pölla (Baja Austria; Austria)