Dique seco 2º

CHANCHONADA 394º

Dique seco 2º.

Dende mediados do século XVIII, o día da botadura dun buque é un gran acto social, onde os propietarios do mesmo convidan a uns hóspedes de honra, para que asistan ó nacemento do buque, nese día o buque toma oficialmente nome, entra na agua por vez primeira,... Toda unha tradición que hoxe continua en todo o mundo. Pero o traballo non rematou, oficialmente o barco ainda é propiedade do asteleiro; agora comenzan as probas de mar, hai que comprobar que o buque cumpre cós requisitos contratados: flotabilidade, estabilidade, maniobrabilidade, velocidade,... Se as supera, a casa armadora fai o último pago e o buque xa é da súa propiedade.

No caso do buque do “PP guardés” en mans da nova casa armadora (Sra. Conchi Ortega); ainda non chegamos a esta fase final; ainda estamos na fase do navio dentro do dique seco, achicando agua do mesmo e sen decidir que operacións reconstructivas se fan.

O meu irmán lembra que xa fai case que 30 anos, collía ben cedo un autobus cara Tui, para ir ó Instituto San Paio, na parada que facía o autobus en Goian, subían varios alumnos e alumnas dese centro educativo,... entre esas persoas estaba a Sra. Conchi Ortega. Non imos a falar de lembranzas pasadas.

Nestes días temos conversado moito no Mirador, e tamén algúns amigos teñen participado nestas conversas,... sempre lembrando os famosos bocadillos de tortilla do “Alboio” (algúns nunca os chegamos a comer). O centro das nosas conversas era a opción B2 (Renovar con material novo; o partido e candidatura do PP guardés). Realmente, todos chegamos á conclusión que é unha opción díficil, e imos a explicar por que é complicada.

Boa parte dos nosos lectores miñotos teñen menos de 50 anos e a entenderán perfectamente. Dende mediados dos anos 80 do século XX, a comarca do Baixo Miño ó igual que outras de España, ollou un troco social moi interesante, gran parte do grupo xeracional de 15 a 20 anos, seguía estudiando e logrando maior formación académica, incorporandose máis tarde ó mercado laboral; xustamente todo o contrario do que acontecia con anterioridade. Pero, paralelamente a esta mellora na formación académica, tamén existía unha “expulsión laboral” de gran parte desta poboación.

Esta “expulsión laboral” da mocidade ben formada é por unha cuestión moi simple; moitos non atopaban un traballo axeitado a esa formación profesional acadada; a maioría atopaba esa salida laboral en Vigo, ou áreas urbanas máis alonxadas (Madrid, Barcelona,...). Os que atopaban un posto laboral aquí, en poucos anos rematan por inicia-lo movemento anterior (marcharse) polos baixos salarios pagados e as poucas, ou nulas, expectativas de progreso laboral.

A conclusión é a seguinte: nestes 30 anos no Baixo Miño hai un proceso de expulsión do mercado laboral local das xeracións mellor preparadas e formadas. Polo tanto, o conxunto da poboación ben formada e preparada é un número minguante, e dende o ano 2.008 moito máis; polo tanto tentar buscar compoñentes aptos para a opción B2 faise compricado.

Un exemplo disto, é a practica laboral usada polas casas armadoras palangreiras da Guarda; na sustitución de mariñeiros oriundos galegos, por outros indonesios, cabo verdianos,... que están pagados con soldos moito máis baixos. Supoñemos, que dada a traxectoria laboral e profesional da Sra. Conchi Ortega, é coñecedora desta realidade. ¿Vai implementar e promociconar esta medida laboral na sociedade guardesa e miñota?; realmente querida Sra. Conchi Ortega, dificil é súa papeleta como candidata do PP, presentarse ante os veciños da Marina como unha das persoas que promoveu a sustitución dos mariñeiros locais por outros extranxeiros, deixando no paro a estes, e agora solicitarlles o voto. ¿¿¿???

¿Algunha mente pensante no PP provincial pensou neste dislate?; craro que o PSOE guardés tampouco anda moi sobrado de lumbreiras, poñen como candidato ó fillo dun armador; ¿agora os armadores son de esquerdas?, ¿ser socialista é ser dunha familia rica?,... ¿¿¿??? Semella que o PP, PSOE e BNG guardés están interesados en presentar como candidatos á Alcaldía de A Guarda a representantes ou compoñentes da PLUTOCRACIA local.

Querida Sra. Conchi Ortega, entendemos e comprendemos que vostede en política local non está experimentada. Moitos dos nosos veciños, coñecidos, lectores,... son capaces de dar una explicación máis ou menos aproximada á realidade social na que vivimos. Nós tentamos afinar esas argumentacións e analisis, dado que temos máis formación procuramos poñerlle os nomes adecuados, correctos e ben definitorios, son verbas que non están no vocabulario dos nosos veciños, coñecidos e lectores, pero así eles van aprendendo.

PLUTOCRACIA : é o goberno dos ricos, ou elementos próximos, sobre o resto da sociedade. Plutocracia é un termo técnico na ciencia política; os nosos avós tiñan unha palabra moi especial case que esquecida, para defini-lo mesmo: “cascarilleirismo”.

Tranquila Sra. Conchi Ortega; ainda estamos en dique seco.

Mirador do Monte Ancos, a 16 de Marzo do 2.015.

Benita Losa Ligera. Profesora universitaria de Geología Aplicada en la Universidad Central de Río Negro (Ciudad del General Roca; Río Negro; Argentina).