Dique seco 1º

CHANCHONADA 393º

Dique seco 1º.

Todo barco precisa pasar certas inspeccións da súa obra viva ou carena; un dos xeitos máis prácticos é introduci-lo navío dentro dun dique seco. Antes, os profesionais do asteleiro deben coñece-lo buque, para ir situando no fondo do dique todo un entramado de calzos, onde descansará o buque, estes calzos recollerán todo o peso do buque, e deben coincidir con elementos estructurais do buque.

Un dos instantes máis delicados, có dique cheo, coa comporta retirada é a introducción do buque; require pausa, delicadeza e precisión; pois hai que situa-lo buque no lugar requerido, non hai que dañalo, nin tampouco daña-la estructura do dique. Finalmente pechase a comporta e bombease toda a agua cara ó exterior. ¡¡A traballar!!

Se o “PP guardés” facemos o simil con un buque, resulta evidente que estaba necesitado de pasar por dique seco é facer unha importante obra de renovación e mellora dos elementos estructurais, maquinaria, cambio de chapas do forro, nova pintura,.... Pero nada disto se fixo, polo cal os problemas estructurais e de mantenmento foron en aumento; ata chegar a un punto crítico: colapso estructural. Nese punto crítico, xa era evidente fai un par de anos que a renovación emprendida no ano 2.007 non estaba a funcionar.

Agora temos o “PP guardés” en dique seco; a nova armadora (Sra. Conchi Ortega) ten moito traballo duro e compricado por diante; con importantes decisións a tomar:

A) Material a desguazar. Gran parte do grupo municipal actual non é aproveitable, salvo contadas excepcións como o Sr. Rafael Rodríguez Amenedo e a representante na Entidade Local Menor de Camposancos. Hai que ser coidadosos na operación de desguace; pois nos 2 meses seguintes hai que manter baixo vixiancia que fan, que dín, que decisións toman,... pero sobre todo, evitar que fagan a xogada de pasarse ó grupo de “non adscritos”, isto hai que considera-lo como unha traición.

O material de desguace, pode ser enviado á chatarrería ou ser guardado para unha re-utilización futura. Isto é unha decisión da casa armadora.

B) Obras de reparación e reconstrucción. Aquí a casa armadora ten dúas opcións:

B1) Recuperar material vello que está guardado na chatarrería; é unha solución facil e barata que require pouco tempo de obras. Pero é unha solución a curto prazo é que ofrece poucas garantías operativas, pois a vida útil deste material xa está en gran parte consumida. Evidentemente a casa armadora non pode vender como barco novo, o que está reconstruido en gran parte con material vello. Gran parte deste material xa está obsoleto e non está adaptado ós requerimentos sociais do 2.015.

B2) Renovar con material novo; esta solución non é tan fácil, nin é barata é vai requerir máis tempo de obras; pois despois da reconstrucción haberá que somete-lo navio a probas de mar e verificar que elementos cumpren coas expectativas e cales non son aptos para as especificacións do navio. É dificil acertar en todo á primeira.

Dende logo a foto do “Fora de Vigo” da presentación da nova casa armadora (Conchi Ortega) o pasado xoves día 5 Marzo; rodeada de tantas vellas glorias da política local e comarcal, semella que nas obras de reconstrucción hai un plantexamento técnico de usa-la solución B1. Pero logo o domingo día 8 de Marzo, ten unha comida con outro candidato descartado (Sr. Carrero), aquí semella que opta por usa-la solución B2. Tamén hai outra opción, usar unha mixtura de ambas opcións B1 e B2.

Sabemos que a nova casa armadora do PP guardés (Sra. Conchi Ortega) necesita aprender do mundo organizativo e funcional da política. Por diante ten unha tarefa compricada: reorganiza-lo partido e organizar unha candidatura; as dúas son tarefas moi compricadas, sobre todo para unha novata. Hai que prestar atención, ser sutil có material a desguazar; pero ó mesmo tempo actuar con firmeza, para que ninguen dude que onde manda patrón, non manda mariñeiro. Hai que ter coidado cós “tibios”, aqueles que onte estaban nunha posición e hoxe trocaron totalmente de posicionamento; lembra o escrito no Libro do Apocalipse 3.16: “Así, posto que eres tibio, nin frio nin quente, vomitareite da miña boca.”

Dende logo, traballo compricado é o que a nova casa armadora do PP guardés (Sra. Conchi Ortega) ten por diante. Se opta pola opción B2 e organiza á dirección-liderazgo do PP guardés ó seu gusto, con persoal da súa confianza; podería ter futuro político para os vindeiros 12 anos; pero faise necesario enche-lo parque de chatarra con moito material. O factor tempo xoga na súa contra e na solución B2.

Mirador do Monte Ancos, a 14 de Marzo do 2.015.

Samuel Diente Torcido. Profesor de Odontología, de la Facultad de Medicina de la Universidad del Ratoncito Pérez; Muelas de los Caballeros (Zamora; España).