As botas de chuvia

CHANCHONADA 389º

As botas de chuvia.

Todos sabemos que en Galicia temos dúas grandes estacións climatolóxicas: a da chuvia (que dura moitos meses) e outra distinta na que chove moito menos (que dura poucos meses). De cativos, un elemento importante da nosa vestimenta diaria eran as botas de chuvia, para non mollarnos os pés, e camiñar pola rúas molladas,... Pero sempre existía unha fatal atracción das nosas botas polos charcos da chuvia, non podíamos resisti-la tentación de pisar neles, xogar dentro deles,... pero as veces a agua dos charcos remataba entrando dentro das botas.

Así, descobrimos a existencia da “Lei de Miller” que ten por enunciado: non se pode sabe-la profundidade dun charco, ata que se mete o pe dentro do mesmo.

Pois resulta que o outro día, o noso candidato do PSOE á Alcaldía de A Guarda púxose a criticar na prensa as escasas ou nulas inversións da Consellería de Educación nos centros educativos que temos na Guarda.

Ante este disparo de foguetería; o Sr. César Pérez Ares (tomiñés, que exerce de Jefe provincial da Consellería de Educación) soltoulle toda unha andanada de artillería. Lembroulle ó noso candidato do PSOE que dende o ano 2.009 a Consellería de Educación ten invertido nos centros educativos da Guarda un total de 700.000€; lembralle que no mantenemento do Instituto da Sangriña (onde o canidato traballa de mestre), as inversións ascenden a 370.000€,... Lembralle que o mantenemento dos centros educativos é competencia municipal; lembralle as carencias das cubertas do pabellón da escola de Solanas,...

Querido Sr. Antonio Lomba ( candidato do PSOE á Alcaldía de A Guarda); os seus compañeiros con máis experiencia e sobre todo aqueles que non van recuncar, deberían facer eles estas críticas, sobre todo cando se espera que chovan obuses. O deber deles sería protexer e sacrificarse polo candidato; para evitar que estes ataques teñan efectos mortais. É moi simple isto; os ataques de infanteria son cousa dos soldados; os oficiais de alto rango están seguros na retaguarda; dado o seu rápido e inesperado ascenso, posiblemente non ten asumido estes coñecementos tan básicos.

Un consello: procure non voltar a mete-los pés nun charco.

O outro día (Sábado 21 de Febreiro), mentrás uns camiñaban alegremente polo monte, sendeiros entre bosques, desfrutaban das nosas fortalezas do século XVII,... e así auto-promocionaban a súa imaxen como futuro candidado do PSOE para a Alcaldía do Concello de A Guarda.

Nese mesmo intre, a nosa espía “Florentina Caldo Caliente” desfrutaba do seu café matutino e lectura de xornal na cafetería que está na “Praza do Reló”; instantes despois van chegando clientes pouco habituais (nada habituais dunha mañán de sábado) que van tomando posición nunha esquina da cafetería,... minutos despois chega o Sr. Paulino, concelleiro do PSOE, alto dirixende do mesmo, e con presteza toma asento con eses pouco habituais clientes. Ante a presencia non habitual de tal persoeiro, a Sra “Florentina Caldo Caliente” pon en marcha o vídeo do seu teléfono, o deixa situado sobre a mesa, ela segue atenta ó xornal, toma outro café,... a grabación das imaxes ten certas tomas interesantes, o son non é o axeitado, dada a distancia e ó ruido propio do local. Ademais o Sr. Paulino estaba nervioso, ollaba inquerito a cada cliente, ollaba inquisitoriamente a todo novo cliente que entraba, ós que pasaban pola rúa,...

¿Por qué o Sr. Paulino estaba tan nervioso?. Revisando a grabación de vídeo detectamos a presencia de algunhas persoas que están na problemática das “21 licencias”; da grabación sonora no se obten nada importante.

O seguinte son suposicións que facemos para nós mesmos, e compartimos cós nosos lectores. Imos a supoñe-la premisa que o tema da reunión fose trata-lo tema da problemática das “21 licencias”.

1º) Dada a non presencia do candidato do PSOE, nin de outros cargos importantes do PSOE; ¿estaba enterado o candidato de tal reunión?, ¿os outros membros do PSOE tiñan coñecemento da mesma?

2º) ¿Tiña permiso o Sr. Paulino dos outros membros do PSOE para facer esta reunión?; ¿porqué non se fixó de xeito oficial no Concello?.

3º) ¿Non estará o Sr. Paulino facendo política a espaldas dos seus compañeiros?. ¿Realmente quen manda é o Sr. Paulino e outros son meros figurantes?;.....

Dentro da filosofía pesimista de Murphy, está o Teorema de Mencken: “Quen pode, a fai. Quen non pode, adicase á ensinanza”.

Lembre Sr. Antonio Lomba: “Na política, os enemigos mortais sempre están na casa, están entre os propios; así que vixíe sempre a retaguarda”.

Mirador do Monte Ancos, a 6 de Marzo do 2.015.

Aldo Loroso Picor. Doctor y Profesor Universitario de Dermatología (Hygiene; Colorado; USA).