Fichando futbolistas

CHANCHONADA 377º

Fichando futbolistas.

Normalmente, durante os meses previos ó inicio de tempada de fútbol, hai todo un mercado de intercambio de xogadores entre diferentes equipos. Nunca gostamos deses xogadores, que eran unha das figuras do eterno rival, e recen chegados ó novo equipo, danlle moitos beixiños ó escudo do noso equipo, renegan do seu inmediato pasado no equipo rival e dín, que dende a máis tenra infancia sempre gostaron do noso equipo. ¡¡¡Devolve o diñeiro que cobraste do equipo rival!!! Para nós, estes xogadores son auténticos mercenarios do fútbol.

Na nosa oficiña oficiosa, temos un panel de cortiza de sobreira; dende o mes de Setembro do 2.014, hai un papel cunha “porra electoral”, a cantidad en xogo son 10€; a aposta versa sobre os futuros candidatos á Alcaldia do Concello de A Guarda:

PSOE: Sra. Montserrat Magallanes, con 85% dos votos. Erramos.

PP: Sra. Fátima Iglesias, con 70% dos votos. ¿¿Acertamos??

BNG: Sr. Angel Baz, con 90% dos votos. ¡¡Acertamos!!

CG: Sra. Beatriz Estévez, con 90% dos votos. ¿¿Acertamos??

Temos que recoñecer que erramos na previsión do cabeza de lista do PSOE de A Guarda; as nosas preferencias eran pola Sra. Montserrat Magallanes, concelleira da Facenda Municipal, de Comercio, de Turismo,... Pero a agrupación do PSOE guardés optou polo Sr. Antonio Lomba (concelleiro de cultura). Para nós foi toda unha sorpresa, imos a explicar isto.

En toda sociedade humana, existe unha organización que ten unha xerarquía, ou cadea de mando,... Cando na cima da mesma hai un relevo, ascenden os inmediatamente inferiores, e todos os que están por debaixo van ascendendo un escalón. Se xubilamos a uns xenerais, ascenden os coroneis a xenerais, os capitáns ascenden a coroneis, os tenentes a capitáns,...

Pero se a Sra. Montserrat Magallanes xa era unha coronel con grandes expectativas de ascender a xeneral, cunha folla de servicios chea de destiños con mando en praza, con altas responsabilidades nos últimos 7 anos e medio. Sorprende moito que ascendan a xeneral a un sarxento, que apenas ten méritos de servicio, e con poucas responsabilidades.

Non sabemos que aconteceu dentro do PSOE guardés; para nós a decisión interna fuxe do que sería normal e usual. ¿Por qué? As veces as élites que dirixen un partido político toman decisións que para o público non son normais; eles teñen unha visión distinta e moi diferente da nosa.

Un exemplo desas decisións que sorprenden ó público, é a decisión do BNG guardés de poñer como candidato propio ó Sr. Angel Baz. Os nosos espías bloqueiros xa nos tiñan informados desta opción; por iso na “porra electoral” que temos, hai tanto consenso e confianza nesa opción, era unha aposta sobre un valor seguro. ¿Pero por qué decimos que esta decisión é sorprendente?. Pois, o noso Sr. Angel Baz, fixo que dous membros deste “Mirador” traballaran no seu dosier, que tiveron como materia reservada e secreta ata hoxe.

O Sr. Angel Baz non é novato, nin inédito en cuestións da política local; na súa mocidade, aló polos primeiros anos 90, xa formaba parte da dirección local das “Novas Xeracións” de A Guarda (mocidades do PP); máis ou menos cando cesou na dirección desa entidade, a Sra. Montserrat Mariño (actualmente funcionaria municipal). Nos primeiros anos deste século, foi directivo da asociación de comerciantes ABACO; que chegou á súa extinción e desaparición baixo o seu mandato.

Hai que recoñecer que o Sr. Angel Baz é todo un pioneiro; pois abre un camiño para facer carreira política ós mozos e mozas que se forman nas “Novas Xeracións” de A Guarda (mocidades do PP), así teñen a opción de crecer no PP ou facer carreira no BNG. Claro que tamén cabe outra opción; é a dirección local do BNG quen ficha ós “novos líderes nacionalistas” procedentes da canteira do PP guardés.

Non sabemos cal das dúas opcións é a verdadeira. Pero nós, os membros deste “Mirador” estamos ¡¡¡abraidos!!!. Unha cousa é abrir os partidos políticos á sociedade, outra cousa distinta é fichar a unha “figura” do partido rival e facer dela a estrela mediática do noso partido. ¿¿¿Qué pensaría disto o Sr. Antonino Torrón???.

Mirador do Monte Ancos, a 9 de Febreiro do 2.015.

Fernando Idea Cuadrada. Profesor universitario de Teoría Política en la Universidad de Arroyo del Cabrón (Zamora; España).