¡Ánimo amigo!

CHANCHONADA 382º

¡Ánimo amigo!.

Ibán Uriarte Rivero, é un avogado presidente de Urirate e Asociados; por diversas cuestións profesionais, xa fai uns poucos anos que o coñecemos. Dende fai un tempo está inmerso nunha loita legal contra dous grandes “monstruos”: a Administración Municipal e a Banca.

Ibán Uriarte Rivero ten unha vivenda, a cal está hipotecada e puntualmente cada mes paga a mensualidade do crédito que ten contratado có banco. Ata aquí o normal, igual que milleiros de cidadáns. Pero Ibán Uriarte Rivero decidíu demandar ó Concello de Las Palmas de Gran Canaria polo cobro do IBI (Imposto de Bens Inmobles) pola vivenda que ten hipotecada e solicitar a devolución con carácter retroactivo que xa leva pagado. Alega para isto, que legalmente a vivenda ainda no é da súa propiedade, legalmente ainda é da entidade bancaria e polo tanto o imposto do IBI debería ser pagado por esa entidade bancaria.

Legalmente, mentras paga o crédito hipotecario, Ibán Uriarte Rivero non é propietario da vivenda, ata que finalice o pago da totalidade do mesmo; polo cal debería ser a entidade bancaria a pagadora; e o Concello de Las Palmas de Gran Canaria debería xirarlle a correspondente liquidación de impostos a esa entidade bancaria.

Ibán Uriarte Rivero non é un anarquista, nin é un anti-sistema,... durante moi anos foi militante do PP de Gran Canaria, conselleiro no Cabildo de Gran Canaria,... pero como moitos cidadáns normais “está asqueado” do mundo que rodea ós grandes partidos xa establecidos; do baixo nivel dos seus políticos, preocupados en acata-las ordes dos de arriba, que viven alleos á realidade dos seus concidadáns.

Tanto Ibán Uriarte Rivero, como nós, temos as nosas dúbidas sobre este imposto, o IBI; grava a vivenda de cada cidadán, pero o Concello non ofrece a cambio ningún servicio. Polo que nós sabemos o imposto do IBI soamente existe en España i en Bulgaria. ¿Por qué o temos que pagar?, xa pagamos a licencia de obra, o IVA pola adquisición da vivenda,...

Preguntamos o seguinte, cando unha familia é obrigada pola Policía a abandona-la súa vivenda por impago da hipoteca, por petición xudicial do Banco; comunica a entidade bancaría ó Concello que lle xire o imposto do IBI como propietaria, actúa de oficio a Administración Municipal,... ¿¿??

Hai que saber que o IBI é a “columna vertebral” dos impostos municipais dos nosos Concellos; sobre un 60% dos ingresos por impostos municipais veñen polo IBI. Polo tanto o tema non é menor, nin carente de importancia. En España, os concellos veñen ingresando polo IBI uns 9.000 millóns de € por ano.

Aló polo ano 2.012; o Sr. Montoro (Ministro de Facenda), aprobou unha modificación na Lei de Facendas Locais, para bonifica-lo IBI dun xeito arbitrario ata un 95% da cuota. Claro, había que facer un guiño atractivo ó proxecto das “Eurovega”, que ó final ficou en nada; isto é abrir unha porta á corrupción. Fai dous ou tres anos, o PP opuxóse a que as confesións relixiosas (sobre todo a Igrexa Católica) pagase o IBI polos bens que no están relacionados có culto relixioso.

¡¡¡Transforma a túa familia nunha agrupación relixiosa e así non pagas impostos!!!

Mirador do Monte Ancos, a 19 de Febreiro do 2.015.

Johannes Kuhn Pfeiffer (“Juan Concejal Gaitero”). Profesor de Hacienda Pública de la Universidad de Kagarsee (Rheinsberg, Brandemburgo; Alemania).