Un Vigo valeiro

CHANCHONADA 326º

Un Vigo valeiro.

Pola ubicación da nosa comarca do Baixo Miño dentro da área metropolitana de Vigo; para os miñotos esta cidade é o noso punto de referencia para temas sanitarios, hospitalarios, administrativos, xudiciais, laborais,... Vigo é unha cidade que ronda os 300.000 residentes, habitantes moi posiblemente sexan máis; medio en broma, medio en serio, a compañeiros de traballo que son oriundos de pobos ourensáns, moitas veces lles decimos que Vigo é a maior cidade da provincia de Ourense. Pois de todos é sabido que miles de ourensáns viven en Vigo, pero oficialmente son residentes nos seus concellos de orixen.

Todos sabemos que Vigo é a cidade máis populosa de Galicia, e está entre as 20 primeiras de poboación de España. ¿Qué acontecería si en poucos anos, Vigo ficase totalmente valeira de residentes e habitantes?.

Prenderíanse tódalas luces de alarma no goberno da Xunta, habería unha gran crisis política nesta Administración. Tamén prenderíanse as luces de alarma no Goberno Central,... ¿qué acontece para que unha das cidades máis populosas ficase totalmente despoboada?.

Non imos a facer “xogos mentais” sobre o que podería acontecer si Vigo ficase despoboada. Pero eses 300.000 residentes de Vigo, son unha cantidade igual ós 300.000 españois que dende o ano 2.008 levan saido de España con destiño ó extranxeiro en busca de oportunidades laborais que aquí non atopan. 

O proceso migratorio está acelerandose nestes últimos anos; hoxe xa é moi fácil topar con familias miñotas que teñen a fillos, o outros familiares, residindo no extranxeiro. Son mozos que teñen saido nestes últimos anos; a maioría dos mesmos con estudios universitarios, polos nosos datos sobre un 58% dos mesmos. Non hai que ir moi lonxe, dende fai uns anos, a maioría dos integrantes das promocións das escolas universitarias de enfermería rematan en Gran Bretaña, Alemania, Suecia, Dinamarca,... Pero os nosos gobernantes seguen cegos ante este tema; será porque ós seus fillos xa teñen as saídas laborais “aseguradas” polas influencias dos proxenitores,.. ¿¿??

Ano Nº de españois que emigran        %crecemento

2.008 34.000

2.009 36.000                                  +5,88%

2.010 40.000                                   +11,11%

2.011 55.000                                   +37,5%

2.012 57.000                                  +3,64%

2.013 79.000                                  +38,6%

total 301.000 españois emigrantes.

O primer destiño en cantidade é Francia, logo os USA, Argentina, Alemania e Gran Bretaña.

Cando revisamos os nosos datos de emprego e paro que publicamos mensualmente; xa tiñamos detectado certas baixadas no número de desempregados que non correspondian cós datos de creación de emprego; no caso de A Guarda e Rosal, neste ano 2.014 tense producido unha forte saida de poboación xoven con destiño á emigración.

Para nos isto é un problema moi grave; pero para os dirixentes do PP, PSOE, BNG e outros,... é un tema que carece de importancia. De seguir por este camiño, imos a ir perdendo poboación; teremos menos habitantes en idade de ter fillos, teremos unha poboación máis reducida en idade escolar,... en troques teremos máis maiores, e moitos destes cós netos nacendo e vivindo no extranxeiro,... Estamos entrando no camiño de converternos en pobos de vellos.

¿Quéredes este futuro para os nosos concellos miñotos?

Mirador do Monte Ancos, a 20 de Outubro do 2.014.

Aquiles Pinto Paredes. Director del Museo de Arte Moderna de la Antigüedad, en Guarroman (Jaén; España).