Ollando o moucho.
Dende fai
varias semanas, poucos días despois do inicio do curso escolar;
despois de recolle-las nenas na escola, unha sempre me decía que no
tellado de certo edificio (que está no centro) hai un moucho (buho)
pousado sobre unha antena. Un está atento ó tráfico, pero pensa
que non pode ser certo, pois esta ave é básicamente de
comportamentos nocturnos; pensaba que a nena ollaba unha foto dun
escaparate, ou era una canción escolar,... Teño que recoñecer que
estaba no certo; no tellado dun céntrico edificio da Guarda,
hai pousado un moucho, pero non é un moucho real; é unha figura que
simula a este animal, semella un elemento decorativo dunha
chimenea, ou está como elemento disuasorio para que outras aves non
aniñen nese tellado.
¿Qué
céntrico edificio de A Guarda ten no seu tellado como elemento
“decorativo” un moneco dun moucho?. Xa o desvelaremos en
poucos días.
“Ollar
como un moucho” é unha expresión moi galega, sobre todo do rural;
para referirse a esas persoas que están moito tempo caladas, ollan
todo con moita atención, e logo actúan en silencio.
Dende este
mes de Setembro, o Sr. Louzán presidente da Deputación de
Pontevedra xa leva realizado 4, ou máis, visitas silenciosas á
comarca do Baixo Miño, todas elas de carácter privado-político,
para trata-lo temas das futuras listas electorais do PP, para as
vindeiras eleccións municipais do vindeiro mes de Maio do 2.015.
Dende logo
as cousas non pintan ben para o PP no Baixo Miño; en Tomiño hai
moito desánimo e poucos voluntarios ante unha previsible derrota. Na
Guarda acontece algo similar, semella que non hai voluntarios para
estar á fronte doutra previsible derrota. En Oia, despois do intento
de situar como cabeza de lista á filla do actual Sr. Alcalde,... e o
amago de revolta do PP oiense, parece que todos dan un paso atrás,
para que continúe o Sr. Alejandro (actual Alcalde),... ¿para que se
entreteña as mañáns trocando o aceite dos coches municipais?
O pasado
venrés 3 de Outubro, gran asamblea do BNG da Guarda aberta ó
público,... asistimos sobre 30 persoas, das cales sobre 25 ou 26
eran da “órbita BNG-CIG”; por decilo de outro xeito, sobre o 85%
dos asistentes eran da casa. Foi unha asemblea aburrida, falta de
contido, sen ideas,... ata que checgou o Sr. Francisco Álvarez
(“Koki”), coñecido poeta guardés, residente dende fai anos en
New York, dende 1.984.
O
Sr. “Koki” foi quen animou a aburrida asamblea aberta;
alegando que se o BNG se abre a sociedade, ós compoñentes de
esquerda da mesma,... terá que escoitar moitas cousas e contidos
contra os cales leva anos o BNG chimpando pestes sobre os mesmos,
sobre esas persoas. Pero sobre todo deberá de ofrecerlle ós veciños
da Guarda contidos e proxectos de futuro, moito máis aló dos
típicos tópicos do BNG: bandeira galega coa estrela vermella,
mono-linguismo,... e nada máis.
A nosa
conclusión; foi unha confrontación entre quen leva 30 anos ollando
mundo, vivindo realidades máis dinámicas, con menos dogmatismo e
ideas moi craras,... noutro lado, o mesmo ollar para o noso embigo, e
o proxecto carece de contido. Semellaba, que de cara ás vindeiras
eleccións locais de Maio do 2.015, dende o BNG da Guarda non hai
ideas, proxecto, persoas,... e o que buscaban era “reclutar”
estes tres elementos carenciais.
Antes de
rematar este artigo; queremos facer unha pequena reverencia ante o
Sr. Francisco Álvarez “Koki”; célebre escritor guardés,
residente en New York, colaborador da “Academia Norteamericana de
la Lengua Española”,... Sabemos que A Guarda é unha cidade galega
moi pequena, pero sempre da importantes froitos no continente
américano.
Mirador
do Monte Ancos, a 7 de Outubro do 2.014.
Luciano
Respeta Nada.
Director adjunto del periódico “Foxnews” de Valdezorras
(Sevilla; España).
No hay comentarios:
Publicar un comentario