O silencio dos cordeiros 2º

CHANCHONADA 328º

O silencio dos cordeiros 2º.

Lembro que cando era pequeno, miña irmá i eu tiñamos moita afición polas tartas de chocolate con galletas que facía a nosa nai; mamá sempre decía que non tocasemos a tarta, que era o postre para a merenda,... ¡¡¡que dificil é resistir unha tentación tan golosa!!!; non facía falla ser un policía cintífico para saber quen eran os culpables: os dedos pringados en chocolate, os bigotes de chocolate,... e nos negando todas as evidencias que nos acusaban.

Voltamos ó tema da recusación do aparellador do Concello de A Guarda, Sr. Hermelindo Martínez. Dende o mesmo intre que se casou coa súa esposa, a irmá de esta pasou a ser a súa cuñada (familiar en 2º de afinidade), e isto non aconteceu fai uns poucos meses. Pero resulta que a súa cuñada, tamén un técnico profesional do urbanismo (arquitecta técnica), que leva anos exercendo na nosa pequena cidade; xustamente a parcela administrativa que o Sr. Hermelindo Martínez xestiona no Concello.

Polo tanto é máis que evidente que o conflicto de intereses existe, e hai unha posible vulneración do “Principio de Imparcialidade” que debe existir no actuar da Administración. Resulta que a causa para absterse ou ser recusado xa existía dende fai varios anos, que non é un tema que xurdíu fai uns meses. Agora coas seguintes reflexións que nos facemos, imos a entrar en zonas de poucos claros e moitos escuros, cheas de sombras, que levantan moitas dúbidas.

1º) O Sr. Hermelindo Martínez como aparellador municipal estaba obrigado a presenta-la súa abstención, por iniciativa propia, en tódolos asuntos onde estivese interesada a súa cuñada. Pero nunca nestes anos o fixo; ¿POR QUÉ?.

A) Descoñecía que a citada arquitecta técnica era a súa cuñada. Esta posibilidade non é real.

B) Descoñecía a obriga legal de absterse. Non cabe tal posibilidade, pois para un profesional da Administración Pública, a Lei 30/1.992 debe ser de obrigado coñecemento. Ademáis o Código Civil, no seu artigo 6º.1 expresa que a ignorancia das Lei non excusa do seu cumprimento.

C) Existíu unha intención de oculta-la relación de parentesco. Polo tanto, de ser así hai unha intención de vulnera-la legalidade; i estaríamos ante uha forma dolosa de actuar.

2º) A xunta de goberno municipal do Concello de A Guarda nunca exerceu a recusación. Ante a non abstención do empregado municipal, este órgano da Administración municipal ten o deber de exerce-la recusación para mante-lo “Principio de Imparcialidade”. ¿POR QUÉ NON O FIXO?.

A) Descoñecían que a citada arquitecta técnica era a cuñada do empregado municipal. Esta posibilidade non é real, pois A Guarda é unha pequena cidade, con a poboación moi concentrada, onde todos somos coñecidos e as nosas relacións de parentesco tamén.

B) Os membros da xunta de goberno municipal descoñecían a obriga legal de recusa-lo empregado municipal. Non cabe tal posibilidade, pois para estas autoridades da Administración municipal, a Lei 30/1.992 debe ser de obrigado coñecemento, e ademáis contan có servicio de asesoramento xurídico que lles presta a titular do Servicio de Secretaria Municipal. Ademáis o Código Civil, no seu artigo 6º.1 expresa que a ignorancia das Lei non excusa do seu cumprimento.

C) Existíu unha intención de oculta-la relación de parentesco. Polo tanto, de ser así hai unha intención de vulnera-la legalidade; i estaríamos ante uha forma dolosa de actuar; con posible connivencia entre estas partes implicadas.

3º) A oposición municipal do Concello de A Guarda nunca exerceu a recusación. Ante a non abstención do empregado municipal, e a pasividade manifesta da xunta de goberno municipal. A oposición municipal ten o deber de exerce-la recusación para mante-lo “Principio de Imparcialidade”. ¿POR QUÉ NON O FIXO?

A) Descoñecían que a citada arquitecta técnica era a cuñada do empregado municipal. Esta posibilidade non é real, pois A Guarda é unha pequena cidade, con a poboación moi concentrada, onde todos somos coñecidos e as nosas relacións de parentesco tamén.

B) Os membros da oposición municipal descoñecían a obriga legal de recusa-lo empregado municipal, ante a pasividade do mesmo e da xunta de goberno municipal. Non cabe tal posibilidade, pois para estas autoridades da Administración municipal, a Lei 30/1.992 debe ser de obrigado coñecemento, é unha norma xurídica que deben usar en moitas funcións político-administrativas e ademáis contan có servicio de asesoramento xurídico que lles presta a titular do Servicio de Secretaria Municipal.

C) Existíu unha intención de oculta-la relación de parentesco. Polo tanto, de ser así hai unha intención de vulnera-la legalidade; i estaríamos ante uha forma dolosa de actuar; con posible connivencia entre estas partes implicadas.

Respecto ó apartado B do punto 3º imos a explicar varias cousas. Os membros da oposición, cando acceden á condición de edil por vez primeira na maioría dos casos carecen de moitos coñecementos legais e administrativos. O normal é que có tempo vaian aprendendo as normas legais e administrativas más básicas; non existe ningunha normativa legal que lles obrigue a pasar por un curso acelerado de formación, nin nada similar.

A Sra. Fátima Iglesias (PP) xa leva +7 anos como concelleira, foi deputada no Parlamento Galego,... e debería ter certos coñecementos legais e administrativos básicos ben claros. O Sr. Xan Lois Lomba xa leva +11 anos como concelleiro, e tamén debería ter uns bós coñecementos legais e administrativos. O Sr. José Manuel Domínguez Freitas leva +27 anos como concelleiro, tempo máis que suficiente para ter atesourados coñecementos legais, administrativos, experiencia,... Pero quen exerceu a recusación é unha concelleira novata; polo cal demostra que en apenas 3 anos aprendeu máis que os seus compañeiros.

Temos a dúbida, un non aprende porque carece da capacidade intelectiva para aprender,... isto non é creible, pois incluso os máis zoquetes aprenden. Ou non existe a intención de aprender; de ser así, ¿por qué imos a deixa-la nosa representación en persoas tan pouco capacitadas?.

O anterior sería a conclusión máis leve e suave; pero de existi-la posibilidade de acumular varias opcións C, entón o panorama voltase moi escuro e tenebroso;... pois poderíamos estar ante unha situación conspirativa para delinquir, de maneira intencionada e prolongada no tempo. Non gustaríamos nada ollar nun telexornal como a Praza do Reló está chea de coches da Guardia Civil que levan detidos a case que toda a Corporación Municipal, para que pasen unha tempada no Centro Penitenciario de A Lama; isto sería unha vergoña que os veciños da Guarda non merecemos.

Tanto cordeiro mudo, tanto silencio non é bó. Por moito menos, no pasado Pleno o Sr. Alcalde fixo unha declaración institucional, para alegar porque non cumple unha sentencia, facerse a vítima,... e a titular da Secretaria ficou tan contenta, porque non lle explicou que as sentencias son de obrigado cumprimento. Tal como sinala o artigo 118º da Constitución: “É obrigado cumpri-las sentencias e demais resolucións firmes dos Xuices e Tribunais”.

Así non lle extraña a ninguen que un concelleiro do goberno municipal diga na páxina do seu “Facebook” que non entende porque debe cumpri-la sentencia,... ¡¡¡¡IGNORANTE!!!!

Mirador do Monte Ancos, a 24 de Outubro do 2.014.

Emilio Garrote Fuerte. Subdirector de la Oficina Jurídica del “Centro Penitenciario El Calabozo 1º” en Los Peligros (Granada; España).