Cursiños de formación carisimos

CHANCHONADA  123º

Cursiños de formación carisimos.

Algo máis de 2.000 millóns de € ó ano recibe España da Unión Europea para facer cursos de formación; unha cantidade que é moito máis grande que os orzamentos das universidades públicas,... todo elo para financiar cursos de peluquería, xardinería, iniciación á informática, cantería,... e así ata algo máis de 10.000 cursos de formación que se imparten ó longo de todo o ano,... pero que logo non teñen un efecto positivo nas estadísticas de paro,... Cantos máis cursillos de formación facemos, máis parados hai, polo tanto é evidente que estes cursillos de formaicón non valen para insertar persoas no mercado laboral e que abandonen o mundo do paro. Aquí hai algo que non funciona.

Claro que, ó redor destes cursillos hai moitos “chupóns prefesionais” que viven do conto, organizan un cursillo, ou varios,... montan unha academia, un escola taller municipal,... e xa irán chegando cartos ós seus petos. Agora ben son cursillos chusqueiros como de manipulador de alimentos, embasador de peidos coloreados,... ou sexa cusillos dos que hai miles pero que non valen para nada. Se presentas unha boa proposta para facer un curso con futuro e demanda profesional, o normal é que o funcionario de turno vaite tourear con mil e un papeis, formularios,... e logo o político de turno firma unha resolución denegatoria, pois ti non formas parte do seu círculo de “chupóns prefesionais”. Sobre este tema, sabemos algo, pois varios amigos presentaron a proposta ás autoridades autonómicas de realizar un curso especializado para formar mecánicos de competición, con bolsa de traballo incluida; ¿sábedes cal foi a resposta da autoridade autonómica?, pois mismamente ese monosilabo: NON.

Facendo unha media dos custes de varios cursillos sobre a mesma materia, como por exemplo un curso de peluquería, una profesión complicada, que requere un alto coñecemento de idiomas, matemáticas, física, química, bioloxía,.... pois vemos que a maioría deste cursos teñen un custe por alumno de 4.000€. (no caso do País Vasco van a 6.000€); case que o mesmo custe que ten un alumno dunha carreira de medicina, ou unha enxeñería de nivel superior; só que estes alumnos estudian, e os primeiros fan que estudian e cobran. ¡¡¡Isto non é serio!!!. Nós pensamos que alguen engorda as contas deses cursillos, para quedarse con diñeiro,... e ó mesmo tempo, hai moito funcionario e político que non controla nin fiscaliza estas contas; pois ambos non teñen interes en exercer tal función.

Temos un coñecido, dende a época de infantario (guarderia) na vella escola das Carmelitas,... nunca foi un alumno brillante, pero si moi espabilado e listo en facer amigos e amigotes. Hoxe ten una academia de formación laboral en Vigo,... e gracias a estes cursillos o seu negocio marcha ben, nunca lle faltan cursos da Xunta, da Deputación, do Concello de Vigo, dos Sindicatos, das Asociacións de comerciantes,... Con todo descaro, él nós dí que cobra sobre 55€/hora lectiva de curso, isto non o cobra un académico ou doutor na Universidade; claro que o profesor que imparte o cruso malamente levará 12€/ hora. Así o director dun curso de limpeza de edificios e locais, pode cobrar sobre 5.000€/ mes, e o único que fai é face-lo control dos alumnos, fotocopias, tomar cafés e dar un par de clases á semana.

Aquí hai moito pastel, que niguen quere soltar; pensemos que a Fundación Tripartida (Goberno, Sindicatos e Patronal) xestionan +770 millóns de € ó ano en cursos de formación. Tomemos o exemplo da CIG, somos uns sindicato moi nacionalista, somos anti-europa,... pero estamos dentro da Fundación e non lle facemos ascos a este diñeiro, nin os cursillos chusqueiros que organizamos, que non valen para nada; xa que os bós quedan reservados para os nosos amigos, e non para os proletarios de base. ¡¡Nacionalistas, si; pero ainda hai clases, eh!!

Para finalizar imos a poñer algúns exemplos:

Curso de Limpeza de superficies e mobiliarios de Edificios; Castilla León: subvención de 20.880€, para 15 alumnos (custe por alumno de 1.329€). ¡¡Ensinar a barrer, pasa-lo pano, e fregar quere de moitas horas de estudio!!

Curso de Peluqueria  en Cantabria: subvención de 60.480€, para 15 alumnos (custe por alumno de 4.032€).

Curso de Peluqueria  no País Vasco: subvención de 97.300€, para 15 alumnos (custe por alumno de 6.486€).

¡¡Señores políticos nós tamén queremos organizar e ser profesores en cursillos de formación!!, somos expertos en controladores de tráfico aereo mosqueril, tamén temos coñecementos en control alfa-númerico de angulas, técnico en encher sobre-soldos nas sedes centrais de partidos políticos,...

¿De qué serviron as Casas de Oficios do Rosal, da Guarda, de Tui, de Tomiño?,... das decenas de cursos que impartiron de carpinteria, xardineria, canteria,... Non valeron para nada, ou moi pouco,... só para que uns amigos tiveran durante anos un emprego de profesor, e moitos destes con formación académica moi inferior ós seus alumnos,... Lembro a un profesor de canteria na Escola Taller da Guarda que non sabía usa-lo escalímetro, ollaba intrigado a aquela regla con cores, diferentes medidas,... ¡¡pero non sabía para que servía!!; despois de todo, tiña o máis importante: era primo da Sra. Alcaldesa (Sra. Purificación).

Mirador do Monte Ancos, a 22  de Agosto do 2.013.

Susana  Horia  Conejo.  Profesora y Veterinaria (Perros Bravos; Nuevo León; México)