Alcaldes de quita i pon

CHANCHONADA  124º

Alcaldes de quita i pon.

Apenas levamos 2 anos de lexislatura municipal, e temos un pobo que remata de elexir ó seu 5º Alcalde dentro desta lexislatura; realmente o pobo non, os membros da Corporación Municipal,... Tranquilos, estamos a falar de Cudillero en Asturias. Imos a relata-los acontecementos para que sexan entendibles por todos, dun xeito algo resumido:

1º)  En Xuño do 2.011, despois das eleccións locais, resulta elexido como Alcalde, o Sr. Francisco González, cabeza de lista do PSOE, partido que ten a maioría absoluta na Corporación Municipal en Cudillero.

2º)  Meses despois, o Sr. Francisco González deixa a alcaldía, para ser deputado na Asamblea Rexional do Principado de Asturies; nese intre toma o relevo na alcaldía o Sr. Gabriel López, que era o seguinte na lista do PSOE de Cudillero.

3º)  Por motivos de índole persoal, o Sr. Gabriel López deixa as responsabilidades públicas e dimite de todo cargo municipal. Pasa a ser elexido como Alcalde, o Sr. Ingacio Fernández; con esta elección é onde se inicia o lío xurídico e legal no que está sumido o concello de Cudillero.

4º)  O Sr. Ignacio Fernández é militante do PSOE, pero non formaba parte da Corporación Municipal de Cudillero elexida nas eleccións de Maio de 2.011. Legalmente non pode ser elexido alcalde,... pero os señores concelleiros do PSOE de Cudillero fan oidos xordos a todos, apartan a Lei, e outras normas legais,...  Así que unha sentencia do Tribunal Constitucional anula o nomeamento deste Alcalde.

5º)  Despois deste lio, elixen ó Sr. Luis Fernández Garay; un dos concelleiros que renunciou a ser alcalde de Cudillero, para que o Sr. Ignacio Fernández ocupase a alcadía de Cudillero. Pero logo o Tribunal Constitucional volta anular esta elección, pois o citado señor xa tiña renunciado antes a ser Alcalde de Cudillero.

6º) Voltase a facer outro pleno da Corporación para elexir alcalde, e volta a sair elexido o Sr. Luis Fernández Garay.

Dende logo isto é todo un sainete, un quitate ti que me poño eu, logo llo paso a Fulano, que despois llo pasa a Mengano e este a Metano, para despois pasarllo a Zutano,... e o pobo que se foda e pague a bombona de butano. Nós pensamos que os candidatos a certos cargos públicos primeiro deberían pasar por un cursillo e posterior examen para adquirir coñecementos legais básicos,... se non aproban o examen,... ¡¡pois a seguir estudiando!!,... Por desgracia, hai moito analfabeto xurídico con mando en praza, e algúns pensa que por ser concelleiro de obras, chapuzas e similares,... xa está por riba da Lei, e que os demaís lles debemos pleitesia e obediencia,...

Pero unha cousa está máis que clara, as sentencias xudiciais son de obrigado cumprimento, máxime por unha autoridade que debe de dar exemplo e cumplir coa legalidade,... Non vale iso de dicir acato a sentencia, pero non a comparto, non a executo,.... e pago unhas multiñas,... ¿Será tan valente cando chegue a sentencia de inhabilitación para cargo e empleo público?

¿A qué ven todo isto do lío da Alcadía de Cudillero?;... Pois nada, que durante as Festas do Monte, as veces non podes evitar ter como veciño de mesa nunha terraza, na sesión nocturna das Festas, ó Sr. Alcalde (non imos a especificar) si era o da Guarda, ou o do Rosal,... pero con outros interlocutores comunicou que xa lle quedan poucos meses ó frente da Alcadía,... que tiña pensado renunciar uns meses antes para que a sucesora fose tomando contacto có cargo, có mando, dós deberes e responsabilidades,... pero que non miraba a sucesora moi preparada para asumir tantas responsabilidades, debería de ter outra persoa máis preparada, pero por desgracia non ten a un substituo/a que poida reemprazar á sucesora con máis posibilidades de éxito,....

Querido Alcalde; ¿e se a sucesora non ten o control, nin apoio do resto do grupo municipal, nin do grupo político local?;... Poidera suceder que esta sucesión non fose polo camiño ideado, e logo tivesemos os problemas que teñen en Cudillero; e en vez de sucesión tivesemos unha secesión.

Mirador do Monte Ancos, a 25  de Agosto do 2.013.

Aldo  Loroso  Picor.  Doctor y Profesor Universitario de Dermatología (Hygiene; Colorado; USA)