Menos falar, e máis facer

CHANCHONADA  14º

Menos falar, e máis facer.

           Nestes días o noso compañeiro “Johannes  Kuhn Pfeiffer” ten exposto os seus traballos sobre os diversos estudios comparados dos orzamentos municipais, dos impostos locais,... da Guarda, Oia e Rosal.

Imos a explicar unha cousa para que todos a teñamos moi clara, todo orzamento non é máis que unha previsión económica; o realmente importante é a liquidación das contas a final de ano, pois é o documento administrativo onde quedan refrexadas a realidade contable final, pois unha cousa son as previsións e outra a realidade. Pero os nosos políticos locais pelexan e discuten polo orzamento, sobre o mesmo fan debates esteriles e inutiles, onde evidencian os escasos ou nulos coñecementos económico-contables que teñen,...

Para que en entandamos a importancia da liquidación das contas, imos a expoñe-lo exemplo do presupostado polo Concello da Guarda para o ano 2.011 e como quedaron as contas a final de ano. O que primeiro vemos é que o orzamento dese ano tivo 30 modificacións, polo tanto temos que ir adaptando o orzamento á realidade, pois o máis importante é a realidade. Outro exemplo, nese orzamento había unhas previsións de ingresos de 6.401.210€, pero logo o finalmente ingresado foi de 5.574.459,62€; ou sexa só ingresouse o 87% do previsto, sobre isto quitamos as seguintes conclusións:

A)         Os ingresos previstos no orzamento estaban inflados, non había correspondencia entre a previsión coa realidade económica e social.

B)         Para que os ingresos sexan baixos, supon que hai contribuintes que non aportan a súa parte correspondente á facenda municipal.

C)         En base ó apartado anterior, entón falamos dunha mala xestión tributaria da facenda municipal.

A ese documento de liquidación das contas do Concello, hai un documento anexo, é o informe do Servicio de Intervención municipal; este informe posúe varias “xoias” que imos a destacar para que todos as coñezan:

1º)  Páxina 8º. Fala da estimación dos saldos de dubidoso cobro, ou sexa aquelas cantidades que están pendente de ser cobradas pola facenda municipal, pero que pasan os anos e non son cobradas. “O criterio para dota-la provisión de insolvencias, realizase de forma moi pouco rigurosa”. Isto quere dicir que os 2.016.793€ deste apartado, non hai por parte da facenda municipal un actuar para que sexan cobrados.

2º)  Páxina 9º. “O resultado orzamentario axustado foi de -363.875,21€”. Ou sexa as contas ó final de ano tiveron unhas perdas por ese importe, foron maiores os gastos cós ingresos; evidentemente para asumir estas pérdas hai que recurrir a xerar débeda con terceiros.

3º) Páxina 13º. “O funcionario da Intervención observa unha estructura administrativa moi deficitaria, tanto en recursos materiais como persoais, o que dificulta as tarefas administrativas propias do control interno, encargada de fiscalizar todo acto económico-administrativo”. Se non hai control, entón temos o contrario (descontrol); se non controlamos moi ben como gastamos os nosos diñeiros públicos, ó final sempre imos atopar con máis gastos dos esperados, máis débedas,... e polo tanto un empeoramento da situación económica. ¿Qué é o responsable deste descontrol?, en primeiro lugar o goberno municipal e en segundo os funcionarios da área da facenda municipal.

4º)  Páxina 15º. O responsable do Servicio de Intervención expón unha serie de pautas a seguir no control, execución e previsión das contas do Concello. “Achega-los ingresos obtidos pola prestación de servicios a cargo do Concello ó seu custe efectivo”, todos entendemos que isto supón que os servicios que presta o Concello deben ter un ingreso que se axuste ó custe real; ¡¡non hai servicios gratis, pois todos teñen un custe económico de diñeiro público!! Polo tanto quere dicir que agora estánse a prestar servicios moi por debaixo do seu custe, ¿porqué o responsable da facenda municipal non explica isto?. “Actualiza-los padróns e as ordenanzas fiscais, modificando os tipos có fin de axusta-los ó precio de mercado”. O Servicio de Intervención suxire que hai marxen para subir impostos (nisto nós discrepamos), pero tamén dí que hai apartados das ordenanzas fiscais para cobrar, pois hoxe hai cousas polas que non se cobra, e os servicios que presta o Concello non son gratis (nisto estamos de acordo).

5º)  Páxina 16º. O responsable do Servicio de Intervención expón unha serie de pautas para aumenta-lo control sobre os gastos. “Implementar medidas tendentes a racionaliza-lo gasto e a sua optimización, en especial no referente ó gasto de persoal”. Quero entender que hai que facer un control sobre os horarios de traballo do persoal municipal, sobre as remuneracións extras que perciben, pluses de productividade,... ¡¡Meu Deus!! En 30 anos ningún concelleiro, alcalde,... osou poñer disciplina a estes empregados, fai pouco falou disto un concelleiro novato recén chegado ó Concello e todos o morderon como cans rabiosos. Pois os cans con rabia, ou se curan ou se sacrifican. “Implicar a tódolos centros de xestión no seguimentos das prestacións que fai o Concello, para optimizalos recursos”. Que quere dicirme o Servicio de Intervención, que os centros de xestión do Concellos non están implicados cós servicios que prestan, non administran os nosos diñeiros con dilixencia, que non prestan atención ó seu traballo,... Eu digo que si non fan ben o seu traballo, non se son utís, polo tanto deberían deixa-lo seu posto a outros máis competentes.

6º)  Páxina 16º. O responsable do Servicio de Intervención expón unha serie de pautas para aumenta-lo control sobre os gastos. “Reducción dos gastos superfluos”. Isto quere dicir que cós anos de crisis que levamos, ainda hai gastos innecesarios nas contas do Concello; ¿cales son?, ¿qué contía teñen?,... Para aqueles que descoñezan estes datos, poden e deben lee-lo ortigo que temos sobre os gastos innecesarios da Festa da Langosta. Pero por exemplo un gasto innecesario é por un monumento novo alá na zona de fonte quente, os continuos agapes, pinchos solicitados,...

Agora os nosos lectores entenden que un orzamento é importante, pero moito máis é que o din a liquidacións das contas; por facer un simil con estas datas nas que estamos, o orzamento son os compromisos que fago a primeiro de ano de ir ó ximnasio, de camiñar máis, deixar de fumar,... pero a liquidación de contas é o documento que demostra dun xeito clariño que parte cumprín e que parte non cumprín. Lamentablemente obter esta información dos Concellos do Rosal e Oia é moi dificil, ali ainda queren que estas verdades non sexan do coñecementos dos veciños, pois saben moi ben que os veciños ignorantes son máis fáciles de manipular.

Mirador do Monte Ancos, a 07  de Xaneiro do 2.013.

Alberto Mate Maduro. Inspector en prácticas del Consello Galego de Contas, Delegación comarcal de Vilapene (Lugo; España)