Bens públicos ou privados.

CHANCHONADA  23º

Bens públicos ou privados.

                O Domingo estivemos mirando a final do Mundial de balonman con certa persoa que é directiva do Athl. Guardés; como non podía ser de outro xeito vibrou coa gran victoria da Selección Española. Como as persoas deste “mirador” somos ben educadas, fixemoslle chega-las nosas felicitacións por acada-la organización da Final da Copa de Raiña, de balonman feminino; chegados a este punto este persoa dixonos as súas verdades sobre este tema en cuestión.

            1º) Durante todo o proceso de xestión para acada-la organización do citado evento, para nada contaron có apoio do concelleiro de deporte do Concello da Guarda; é máis os mandatarios do Concello estiveron ausentes.

            2º) Saben que o pabillón da Sangriña está obsoleto, ten deficiencias importantes para a categoría na que está o Athl. Guardés,... que a imaxe que da perxudica ó equipo e á Vila. Pero non entenden a postura de “non cooperación” coa directiva, cando fixeron pública as deficiencias que ten o pabellón.

            3º) Esperan e desexan que os mandatarios locais traballen en serio, para lograr facer deste evento deportivo unha gran campaña de imaxe e promoción da nosa localidade, prestando unha boa atención ós equipos, directivas, visitantes, medios de comunicación,... É unha gran ocasión que non se debería de desperdiciar.

            Reiteramos os nosos parabéns para o Athl. Guardés é a súa directiva, xogadoras e seguidores. Pero lle explicamos ó noso interlocutor que se non hai 1.000€ na partida de deportes para pagar unha cea coas xogadoras do fútbol feminino, que o Athl. Guardés non se faga moitas ilusións sobre a aportación do Concello.

            Nós tamén queremos que se cumpran os desexos do punto 3º, pero moito nos tememos que se faga mal; por desgracia as formas deste goberno municipal non están á altura do pobo. Fai uns meses a sede do PSOE guardés tivo un problema de inundación, e os nosos mandatarios do Concello fixeron uso dun camión e de persoal municipal, para face-la “mudanza” dos bens privados que teñen na súa sede, para evitar estragos a tan importantes bens.

            Preguntada por isto, a Sra. Montserrat Magallanes resposta: “un partido político no es menos que un ciudadano”. Imos paso a paso Sra. Magallanes; primeiro os bens do Concello son para fins públicos e non para un uso privativo e a beneficio dun particular; puntualmente e en caso de emerxencia, calamidade,... pode darselle un uso privado para socorrer a alguen, pero xa que a esa persoa se lle salvan as súas propiedades, vidas, enseres,... que menos que debería obonar un certo prezo polo servicio prestado.

            Claro que este tipo de actuacións non son exclusivas dos mandatarios guardeses; certo concelleiro de Oia tamén pon a disposición dun particular certos medios materiais do Concello, para facer un uso privado dos mesmos: valeirar unha fosa séptica. A Secretaria do Concello xa lle advertíu a tal municipe que esta forma de proceder está raiando o delito de prevaricación. Pero o concelleiro protagonista nunca aclaraou que fixo cós elementos orgánicos retirados da fosa séptica, ¿onde foron verquidos?.

            Estaría moi ben que os nosos mandatarios puxeran un prezo público, para estes casos puntuais nos que hai que facer uso de maquinaria, ferramentas, persoal,... municipal que se pon a disposición dunha persoa ou entidade privada. Ademáis debemos aclararlle á Sra. Magallanes, nós pensamos que vostede está errada no seu argumento de resposta. Para nós son máis importantes os cidadáns que os partidos políticos; os elementos constitutivos básicos dun Concello son o territorio (termo municipal) e os seus veciños (cidadáns), os partidos políticos son un instrumento da participación dos veciños na vida política e social do seu Concello. Un dos problemas deste país é que os actores secundarios (partidos políticos) adquiriron tal protagonismo, que se creen estrelas de Hollywood, e non queren devolverlle o papel principal ó protagonista.

Mirador do Monte Ancos, a 29  de Xaneiro do 2.013.

Ignacio Cuento Largo.  Profesor de la Facultad de Literatura de la Universidad de Las Torres de las Cotillas (Murcia; España)