Realidades paralelas

CHANCHONADA 409º

Realidades paralelas.

En física cuántica cando se fala de realidades ou universos paralelos, existe a paradoxa do “gato de Schrödinger”, donde un realidade a partir de certo intre temporal pode ter dúas realidades distintas ó mesmo tempo. Temos un gato dentro dunha caixa, nunha realidade o gato está vivo dentro da caixa, e noutra realidade simultanea o gato está morto,... son dous universos paralelos e igualmente reais; pero non poden interactuar un universo có outro, por ter realidades distintas e contradictorias.

O pasado venrés día 10, tivemos a ben asistir á presentación da candidatura do PSOE de A Guarda; debemos recoñecer que fixeron unha boa posta en escea da presentación do candidato e dos membros da súa lista. Recoñecemos que había un cheio, pero máis da metade do aforo non eran veciños guardeses, había moitos rosaleiros e outros veciños miñotos.

Non gostamos, para nada, do discurso triunfalista e con ausencia de autocrítica destes 8 anos de goberno municipal do PSOE. Como en tódalas cousas humanas, hai acertos e tamén hai erros, hai logros e cousas que fican sen facer,... Tanto triunfalismo é irreal, está moi alonxado da realidade.

Hai problemas moi graves que estiveron ausentes. Señores e señoras do PSOE todos estes 8 anos de goberno municipal do PSOE tivo lugar baixo a crisis económica, na cal ainda seguimos inmersa, con graves problemas sociais e económicos que está a producir,... i este tema casi estivo totalmente ausente nos seus discursos.

Imos a facer un pequeno exercicio matemático comparativo entre os diferentes concellos miñotos. Cada ano hai empresas e negocios que inician a súa actividade, pero ó mesmo tempo hai outros que pechan por diferentes motivos,... Normalmente, cando as cousas marchan ben, o saldo está a favor dos negocios emprendidos (saldo positivo), cando as cousas van mal dadas, é maior o número dos negocios que pechan (saldo negativo).

A seguir está un cadro cós saldos dos negocios abertos menos os negocios que pechan; referidos ó período comprendido entre os anos 2.007 ó 2.013.

                A Guarda            Oia     O Rosal       Tomiño          Tui

2.007............ +18 ............. +7 ........ +28 ............. +71 ............ +89

2.008............ +26 ............. +8 ........ +2 .............. +29 ............ +51

2.009............ -15 .............. -9......... -19 .............. -33 ............ -10

2.010............ -25 ............. +5 ........ +15 ............. +14 ............ -22

2.011............ 0 ................ -3 .......... 0 ................. +1 ............ -18

2.012............ -1 ............. +3 .......... -3 ............... -14 ............ -46

2.013............ -32 ............. -9 ........... -7 ............. -10 ............ -45

Saldo final... -29 ............. +2 ........ +16 ............. +58 ............ -1

Ninguen dubida que Tui e A Guarda son os motores económicos da comarca do Baixo Miño; ollamos como en ambos hai unha forte destrucción de empresas e negocios; pero o saldo final de A Guarda é moi negativo, realmente presenta o pior dato dos nosos concellos miñotos. Polo tanto nestes anos as cousas económicamente van moi mal.

¿Qué non hai unha mala situación económica na Guarda?, falen cós comerciantes i empresarios; hai horas en que a Vila semella ser un decorado de cine, rúas valeiras de persoas, rúas tristes,... Semella que a realidade que ollan dende o PSOE guardés é moi diferente da que ollamos nós, ou vivimos en lugares distintos, ou vivimos realidades paralelas que son diferentes,... ¿ou alguén vive alleo á realidade?

Mirador do Monte Ancos, a 16 de Abrilo do 2.015.

Johannes Freitag Feierabend (“Juan Viernes Tiempo libre”). Profesor de Hacienda Pública de la Universidad de Pölla (Baja Austria; Austria).