Falsas ilusións

CHANCHONADA 405º

Falsas ilusións.

Compricado é o papel dos nosos candidatos e alcaldes que se presentan á re-elección neste mes de Maio do 2.015. Moitos cidadáns decimos que as cousas non pintan ben, algúns dos candidatos en círculos privados tamén emiten unha opinión similar.

Moitos dos cidadáns destas terras miñotas non queremos alcaldes que baixen a cabeza ante políticos de niveis superiores, non queremos alcaldes vasallos; os nosos concellos non son os feudos de certos políticos que se creen señores feudais, vivimos no século XXI e xa fai séculos que deixamos atrás a Idade Media.

Un dos efectos desta crise económica é que algúns cidadáns voltámonos máis esixentes e desconfiados; queremos balances en negro sobre branco. Aqueles políticos que pensan: “a culpa é da xente que non nos entende”. Tamén pode ser todo o contrario, que o asco e unha atmósfera irrespirable que sofrimos tódolos días, estes cheiros ainda non chegaron ós despachos que eles ocupan; fai que teñamos perspectivas distintas e mois distantes da realidade. Temos unha clase media totalmente rota i esnaquizada, moitos profesionais sen emprego e castigados duramente polo paro.

Faise necesario un salto adiante en calidade dos nosos políticos locais; unha das primeiras misións é un compromiso serio e realista en cortar co “casiquismo social-ideolóxico” que están en conivencia con moitos especuladores económicos.

Hai que ir a un proceso real de transparencia, onde toda a información muncipal sexa accesible ós veciños, que en todo momento coñezan a realidade do seu Concello;... iso que a información municipal é secreta, nin é legal, e con iso moitos xa non tragamos. Lamentable o do Sr. Xan Lois Lomba defendendo o secretismo da información municipal; isto é ocultismo, unha das fases actuantes do caciquismo. Os cidadáns van querer saber como se gastan os seus diñeiros, que resultados se obteñen neses gastos e inversións,...

Sr. Candidato, se non estás disposto a ser transparente e accesible sempre ós teus veciños; sinceramente deberías de pensar que estas a entrar nun proceso público, onde podes ficar en rídiculo moi amenudo,... ¿tes a suficiente forza de vontade para aguantar isto?

Sr. Candidato, ¿quere voste ser Alcalde?; pois non digas tonterías en público, que a túa comunicación social sexa clara e sinceira, non sexas indiferente ás necesidades dos teus cidadáns, as cales na maioría dos casos non coinciden coas necesidades do teu partido. Explica sen medo os teus acertos, moitos ou poucos; explica tamén sen medo os teus erros,... o político que non erra é un fachendoso, engreido e cheo de mentiras.

As túas propostas deben ser realistas, prima-lo interese social do colectivo cidadán sobre os intereses privativos duns poucos. Nas túas propostas tes que dominar termos tan simples ante os teus cidadáns: ¿por qué?, ¿para qué?, ¿cómo?, ¿onde?, ¿cuando?, pros e contras, beneficios esperados,...

Querido Sr. Candidato, non confundas solucións con reunións. Por moitas reunións que teñas con diferentes colectivos, non lles fagas promesas que non podes cumplir, pois os recursos económicos son escasos e non dan para contentar a todos. Sabemos e somos conscientes que non hai solucións simples a problemas complexos, sabemos que o cancro non se cura con aspirinas,... Sé sincero e non fagas falsas ilusións.

Hoxe hai cidadáns que somos inexorables e non compartimos as bágoas dos nosos gobernantes polos erros cometidos, non aceptamos chimparlle as culpas a outros polos erros propios; somos indiferentes ante esas posturas simuladas de eternos inocentes, pois denotan un infantilismo ainda non superado.

Lamentablemente os discursos que estamos oindo, ainda están cheos deste infantilismo; ¿cando pensan madurar? E seguen reiterando erros do pasado; voltar a repetir erros iso non significa un acerto.

Queremos disculparnos por este intre de silencio, pero as veces as cousas non son posibles, xa sexa por incompatibilidade dos novos equipos informáticos e outras,... pois por que cando o tempo de lecer é tan grato, o normal é esquecerse de moitas cousas. ¡Perdón!

Tamén queremos dar gracias ós moitos lectores leais e sinceros que temos.

Mirador do Monte Ancos, a 8 de Abril do 2.015.

Peter Lomba-Hill. Director de Gestión Técnica del Club de Golf Ponte Vedra Inn&Club; Jacksonville (Florida, USA).