Los Pinochos 1º

CHANCHONADA 314º

Los Pinochos 1º.

O pasado día 24 de Setembro do 2.014, a “Asociación veciñal, cultural e deportiva O Cancelón” (Comisión organizadora das Festas do Monte) presentou un escrito ante o Concello da Guarda, con rexistro de entrada Nº 5.556; solicitando nese escrito o seguinte:

“Asígnese a esta asociación unha partida para a realización das súas actividades de 20.000€, como nos anos anteriores, e sexa pagada con carácter urxente, para realiza-los pagos pendentes desta asociación.”

Para que os nosos lectores entendan a finalidade do escrito. Esta asociación (Comisión organizadora das Festas do Monte), o que solicita é o pago dos 20.000€ da subvención que ten asignada por parte do Concello da Guarda. ¿Qué acontece aquí?; pois imos a facer un pouco de historia do acontecido nestes últimos anos, son datos que a inmensa maioría da xentes descoñece, ¡¡incluso concelleiros!!

1º) Entre os meses de Febreiro e Marzo do ano 2.012 non hai comisión organizadora das Festas do Monte. Os Sres. José Manuel Domínguez Freitas (Alcalde de A Guarda), Miguel Español Otero (1º Tenente de Alcalde) e a Sra. Montserrat Magallanes (concelleira de Facenda e turismo) convocan varias reunións con diferentes colectivos cidadáns, as cales non teñen resultados positivos.

2º) O 29 de Marzo do 2.012 constítuese a “Asociación veciñal, cultural e deportiva O Cancelón” (Comisión organizadora das Festas do Monte). As persoas anteriores en “nome do goberno municipal de A Guarda” aseguránlle a esta nova comisión un apoio económico, material e persoal igual ós anos anteriores: policía local, persoal municipal, ambulancias, palco, baños públicos, dúas bandas de música,... e 20.000€ como aporte económico. Ademáis, en caso de problemas na recadación, actuaría o Concello como avalista.

¡¡¡Atentos todos a este punto 2º!!!; pois non existe documento contractual escrito entre o Concello da Guarda e a Comisión organizadora das Festas do Monte. Pois esta non existencia contractual escrita é onde nace o problema actual.

3º) En Xaneiro do 2.014 hai unha reunión entre a Comisión organizadora das Festas do Monte e a Sra. Montserrat Magallanes (concelleira de Facenda e turismo), quen expresa que pola mala situación económica do Concello,... “tendremos que rebajar el aporte económico en 2.000 o 3.000€”. No mes de Maio deste ano, o concelleiro de cultura xa lles comunica que o Concello non aportará as dúas bandas de música (custe estimado de 3.800€).

4º) O día 22 de Setembro do 2.014, a Comisión organizadora das Festas do Monte ten coñecemento que o goberno municipal do Concello de A Guarda levará a pleno ordinario do día 26 de Setembro do 2.014 unha modificación do orzamento municipal, onde adxudica 12.000€ á Comisión organizadora das Festas do Monte.

Polo tanto no aporte económico do Concello hai unha reducción do 40%; moi superior ó expresado pola Sra. Montserrat Magallanes en Xaneiro do 2.014. Ademáis non hai unha comunicación previa por parte do goberno municipal á Comisión organizadora das Festas do Monte.

Ó noso entender, hai unha modificación unilateral por parte do goberno municipal do Concello de A Guarda das condición pactadas o 29 de Marzo do 2.012; tal como describimos no apartado 2º. O problema máis importante está na non existencia dun acordo contractual escrito e suscrito polas partes interesadas; os acordos verbais basanse na boa vontade das partes actuantes, e aquí unha desas partes traicionou a boa vontade da outra parte, rompendo unilateralmente o pacto verbal.

Este é un tema importante, que ten outras ramas laterais, que iremos tratando en vindeiros artigos. A nosa conclusión só pode ser unha: o goberno municipal do Concello de A Guarda, có seu Alcalde ó frente (Sr. José Manuel Domínguez Freitas) non son persoas de fiar, pois non cumplen coa palabra dada libre e voluntariamente. Dende este “Mirador” xa temos comprobado en diferentes temas que o goberno municipal de A Guarda dí unha cousa, e remata facendo outra distinta,... isto é unha forma de mentir,... ainda que se trate de cubrir cun fermoso e sonoro discurso auto-laudatorio.

Mirador do Monte Ancos, a 27 de Setembro do 2.014.

Bernardo Rico Tesoro. Director ejecutivo de Bancorico en la ciudad de Dólar (Granada; España).