¿SON RESPONSABLES OS NOSOS POLÍTICOS MUNICIPAIS?

CHANCHONADA  1º

¿SON  RESPONSABLES  OS  NOSOS POLÍTICOS  MUNICIPAIS?

            Quero confesar que nas anteriores eleccións ó Concello, de Maio do 2.011, tiña moitas dúbidas se votar ou non, finalmente exercín o meu dereito ó voto. Pero hoxe creo que foi un erro, nada trocou, nada fan por nós, e sobre todo non coincide para nada o que certos cargos municipais me din, có que logo fan (¿minten?).

                Teño un amigo (Sr. Francisco Lorín Colorado) que este fin de semana entregoume un copia de certos documentos do Concello da Guarda, él xa me advertira que teñen un certo efecto “laxante”, i é verdade. Pero por respeto a todos imos a deixar iso do escatolóxico para as intimidades persoais, para proceder a visualizar certas verdades que uns non contan e outros calan.

            Resulta que na pasada “Festa da Langosta 2.011”, o noso querido Concello da Guarda gastouse 13.018,21€ en publicidade; estamos en crise, i eu creo que este gasto non era para nada necesario. Pero a cousa non queda ahí, hai outro capítulo de gastos para o mesmo evento, para cubrir gastos varios, onde gastaron 13.838,00€.

                Repasando estes gastos varios, leveime varias sorpresas e surxironme varias dúbidas:

                1º)  No Decreto 414/2.011 paganse 1.600€ por travesias en catamaran. ¿Para quen foron estas travesias?, ¿cantos disfrutaron deste evento?, para así sabe-lo custe por pasaxeiro; ¿cal era o fin desta actividade?,... ¿qué relación ten estas travesias en catamaran coa Festa da Langosta?, ¿qué gañamos os veciños con esta actividade?

                2º)  A Festa da Langosta ten lugar durante un fin de semana como todos sabemos (como máximo 3 días); no Decreto 412/2.011 paganse 2.306,90€ pola limpeza do recinto portuario onde se fai a festa, á empresa L2 limpezas. No Concello temos persoal para a limpeza, ¿porqué contratase a unha empresa externa?, ¿non saben limpar e barrer os nosos empregados municipais?. Por ese prezo e supoñendo a limpeza de tres días de festa, cada día tivo un custo de 768€; creo que o recinto de festas en menos de 3 horas pode estar limpo, ou sexa cada hora é facturada a 256€,... Eu persoalmente creo que son prezos excesivos e para nada xustificados,... Na miña modesta opinión de cidadán que paga os seus impostos, o máis normal era ou usa-los empregados do Concello adicados a estas labouras, ou contratar a varias persoas do desemprego para que fixeran este traballo.

            3º) Na documentación que me aporta o meu amigo para nada aparecen os gastos do que cobra o pregoeiro, atencións a outros cargos, comidas e convites a estes,... Todos vemos como certos cargos electos do Concello beben, comen e convidan a certos amigos sen abri-la carteira, ¿quen paga isto?.

                Como conclusión final, a parte dos gastos operativos da Festa da Langosta, o noso Concello da Guarda gastouse na mesma en cousas innecesarias, inutiles,....  26.856,21€. Logo me falará o Sr. Miguel Español a min e outros parroquianos do ben que xestionan o Concello, da gran laboura de xestión e control dos gastos que fan,... todo iso soa moi ben có vaso de albariño na man, pero logo os papeis oficiaís do Concello amosan todo o contrario; entón surxeme a dúbida: ¿ou me está a mentir, ou non me está a dici-la verdade?.

                Cada día estou máis convencido que estamos gobernados por uns irresponsables.

Nota: Estás lector no teu dereito de dúbidar de min, tamén podes pedir no Concello os Decretos dos números 402 ó 417 do ano 2.011; por Lei non deben negarte unha copia dos mesmos.

                Mirador do Monte Ancos, a 4 de Decembro do 2.012

Aquiles Cuatro Verdades.