CHANCHONADA 2º
Esta ponte da
Constitución con tanta choiva, fixo que fose unha xornada bastante familiar e
caseira, na sesión de café despois do xantar familiar saíu o tema da calidade
de ensinanza que reciben os nosos fillos, había opinións para tódolos gustos,
pero todos coincidiamos que hai unha serie de puntos comúns:
1º) A falla dunha visión global e conxunta da educación;
aquí cada goberno aplica a súa reforma, que empeora o que xa había antes. Non
hai visión de futuro.
2º) O baixo nivel de
esixencia do sistema educativo. Hoxe comparamos os libros de 4º de ESO, con
algún libro de 2º de BUP; o nivel académico era superior polo anterior sistema,
naquela parte do temario que coinciden era máis esixente o sistema do BUP. En
conclusión fomos para atrás.
3º) Menor número de
horas lectivas có novo sistema. Por desgracia os coñecementos requiren tempo e
práctica adquirilos, aquí non baixa a “inspiración divina” e xa nós fai doctos
nunha materia.
4º) Profesorado;
neste tema a discusión foi moi longa, a conclusión foi que a nivel teórico e de
formación están mellor preparados, pero están menos implicados na súa tarefa,
están máis preocupados polo seu status de funcionarios que exercer de maestros.
5º) Os alumnos, aquí
a parte máis xuvenil non quere asumi-las conclusións as que chegamos: son máis
inmaduros, teñen menos cultura do esforzo, do traballo e sacrificio, teñen un
vocabulario máis curto (nótase a ausencia do Latín). No resto son adolescentes
coma fomos nós, pero todos estamos de acordo, que nós eramos máis educados e
respetuosos coa xerárquia socio-educativa.
6º) Nós os pais, pois
debemos de recoñecer que tamén somos parte do problema, por desgracia moitos
teñen abdicado da condición de pai-nai e educador, deixando todo esta
responsabilidade no profesorado. Por desgracia hoxe hai pais-nais que non
educan, non introducen valores nos seus fillos,... simplemente limitanse a
levalos e recollelos na escola.
7º) A Administración,
todos estamos de acordo que son necesarios medios económicos, colexios,
materiais,... pero non rematamos de ver e entende-la operatividade das APAS,
Consellos escolares,... Por exemplo, o Carnaval non é festivo, porque as
escolas-profesorado o toman como vacacións,... debería existir máis próximidade
entre o calendario escolar e o laboral, despois de todo estámos preparándollos
para acceder nun futuro ó mercado laboral,... ¡¡Tal como están as cousas non
sei se haberá traballo para eles!!
Supoño que outros lectores terán máis visións, opinións e
conclusións sobre o sistema educativo dos nosos fillos,... Nós temos como
conclusión que si o nivel de esixencia académica baixa, o nivel de coñecementos
para o mundo laboral sube, entón cada día é maior a distancia que hai entre a
realidade e a preparación académica, có cal os nosos fillos non estarán
preparados para eses retos, responsabilidades, oportunidades,... quedando
relegados ós peores postos laborais.
Con estas conclusións, despois de ollar este escenario, non
me extraña que moitos políticos e altos cargos teñan os seus fillos na
ensinanza privada ou estudiando no extranxeiro,.... ¡¡Mal asunto cando non se
practica o que se predica!!
Sei
que estamos na ponte da Constitución, que xa ten 34 anos,... naquel ano eu era
un crio que disfrutaba do “Mazinger Z”, estrenado na TVE o 4 de Marzo do
1.978,... lamentablemente dos 92 capítulos da serie, a TVE só mercou 32, logo só
emitíu 27, os outros foron “censurados” e deixou de emiti-la sen previo aviso.
¡Ainda hoxe teño un cabreo por sustitui-lo “Mazinger Z” pola chuscada do
Orzowey!!
Mirador do
Monte Ancos, a 6 de Decembro do 2.012
Marcelo Notable Alto.
No hay comentarios:
Publicar un comentario