Victoria pírrica

CHANCHONADA 429º

Victoria pírrica.

Victoria pírrica é aquela que se acada, pero o custe é tan alto que resulta que non é rentable para o vencedor; son victorias que están moi perto da liña que as separa dunha derrota.

Fai algo menos de 20 anos, toda a comarca do Baixo Miño era territorio onde ondeaban orgullosos os emblemas do PP; pero nestes anos de ser a forza hexemónica vai camiño de trocarse en formato de minoria maioritaria; gran parte desta desfeita é consecuencia e culpabilidade directa das propias dinámicas internas do PP.

Entre os anos 2.007 e 2.011 o PP da Guarda semellaba estabilizarse nos 1.930 votos; pero o domingo pasado caíu ata os 1.277 votos (agora novo solo electoral do PP); unha caida de 661 votos, unha perda do 34% dos votantes,... 1 de cada 3 votantes do PP pasou a votar maioritariamente a ex-concelleira do PP e parte detes tamén votaron BNG. A pesar de tan importante perda de 661 votos, a aplicación matemática da lei de D´Hont fai que por sorte a perda sexa de 1 só concelleiro.

Dende aquel ano 2.007 cando o PSOE acadou a maioría absoluta, con 3.009 votos; nos anos seguintes o apoio dos veciños ten minguado de xeito continuo, así nesta última cita acadou 2.020 votos, 989 votos menos que fai 8 anos anos (-32,8%), ou 678 votos menos que fai catro anos (-25%),... Demasíado desgaste para estar no poder; a maioría deste desgaste centrase nas zonas urbanas de A Guarda e Salcidos,... Este tamén é un exemplo onde a aplicación da lei de D´Hont favorece ós partidos con maís votos, pois estas importantes perdas de votos, supoñen perdas pequenas de concelleiros.

Posiblemente, gran parte dos votantes que deixan de apoiar o PSOE non pasan a outras opcións da oposición, posiblemente sobre un 90% deles pasan directamente á abstención.

Tanto BNG, como CCD e Converxencia crecen en número de votantes, pero as súas victorias en número de votos non capitalizan as gañancias en número de concelleiros.

Lamentablemente non sabemos, e posiblemente nunca saberemos, que cantidades de diñeiro gastan nas campañas electorais, cantos son fondos propios, cantos son fondos de empresas privadas,.... Os candidatos nas eleccións falan de facer transparente a xestión do concello, de que sexa próxima ó cidadán,... e son incapaces de facer transparentes as contas dos seus partidos.

De acordo coa Orde 572/2015 do Ministerio de Administracións Públicas; sabemos que por cada concelleiro obtido, os grupos políticos van a percibir do Erario Público 270,90€; así como 0,54€ por cada voto acadado por cada candidatura, cando polo menos un dos seus membros é proclamado concelleiro.

Así serán as subvencións que van a perceber os grupos políticos presentes na nova Corporación Municipal de A Guarda.

PSOE..... 7 concelleiros (270,9€)...... 2020 votos (0,54€)............ 2.987,1€

PP........... 5 concelleiros (270,9€)...... 1277 votos (0,54€)............ 2.044,08€

BNG....... 3 concelleiros (270,9€)...... 997 votos (0,54€).............. 1.351,08€

C.G. ..... 1 concelleiro (270,9€)...... 495 votos (0,54€)............ 538,2€

CCD....... 1 concelleiro (270,9€)...... 366 votos (0,54€)............ 468,54€

I. Vñal..... 0 concelleiro (270,9€)...... 179 votos (0,54€)............ 0,0€

Nos pensamos que con isto, posiblemente non cheguen a cubrir nin 1/3 dos gastos que fixeron durante a campaña.

Mirador do Monte Ancos, a 28 de Maio do 2.015.

Heliodoro Trigo Duro. Empresario panadero (Pancrudo; Aragón; España).