Actividades gastronómicas

CHANCHONADA 261º

Actividades gastronómicas.

¿Qué lle acontece a un xoven texano que ven a España a perfecciona-lo seu español?; pois ó igual que ós seus compañeiros de estudio alemáns, británicos, polacos, italianos,... o primeiro que aprendemos son os tacos e outras palabras malsonantes,... isto acontece sempre que inicias o aprendizaxe dun novo idioma. De aqueles anos de estudiante en Salamanca, a palabra que adoptei como descargante de tensión foi: “gilipollas”.

Todos sabemos (polo menos en España) que un “gilipollas” é un tipo de tonto moi concreto i específico, é un tonto cheo de vanidade e autocomplacencia, incapaz de darse conta que é o centro de tódals risas e chistes. O problema surxe cando levas esta palabra española a Texas, onde é descoñecida, pero a usas de tal xeito que a xente pensa, con esta palabra designase a aquela persoa que non sabe adoptar medidas de precaución i é torpe laboralmente. Só moi poucas persoas coñecían o verdadeiro significado.

Pero un día, con esta labor de ir introducindo o idioma español na vida laboral da empresa; certa empregada de orixen non hispano, que fala español, titulada por unha universidade da zona dos grandes lagos,... Resulta ser a persoa adicada a ir incorporando o idioma español na empresa,... e por contacto laboral, adoptou o uso non correcto de gilipollas. Chegas un día ó control de acceso a empregados e atopas o seguinte cartel.

O cartel durou exposto o que dura un caramelo nas máns dun neno. O problema para nos, é que agora non podemos usar esta palabra para descargar certa tensión,... pois a xente xa coñece o seu verdadeiro significado.

O pasado xoves, 29 de maio; certa señora despois de recoñe-los nenas nun colexio, xustamente nesa hora que algúns ollamos para o reloxo de saída, outros rematan a xúa xornada escolar,... Pois esta protagonista, ollou como diante do grupo de nais, cós seus correspondentes nenos, ian varios empregados municipais da Guarda, pero non en actitude de traballar, nin de continuar cóa súa xornada laboral,... ó chegar a certo restaurante que hai nas proximidades da Alameda, con nome en lingua italiana; todos estes empregados entraron no mesmo.

Cando camiñas detrás dunha persoa, as veces é imposible evitar escoita-la conversa; cando o tema non interesa, o cerebro no graba eses datos, pero cando a conversación é interesante, o cerebro si que graba eses datos. Os nosos empregados municipais estaban convidados a un agape pola directiva das Festas do Monte, en sinal de gratitude pola cooperación prestada.

Ata aquí todo semella ser correcto. Pero si esa directiva quer convidar a comer nun restaurante a empregados do Concello, por favor que sexa fora do seu horario laboral; non sabemos si estes empregados tiñan o permiso dos seus superiores, pero se non o tiñan entón estamos ante unha ausencia non xustificada do posto de traballo, o cal é unha infracción en materia laboral. Támpouco sabemos si aquel reducido grupo de empregados foron os máis activos en cooperar coa festa, ou hai empregados que sendo cooperadores non estiveron convidados,... ou detrás do convite había outro interés que descoñecemos.

Aplaudimos a iniciativa da directiva das Festas do Monte en convidar a empregados do Concello en sinal de agradecemento. Pero queridos señores, támpouco estaría nada mal que fixesen publicas as contas da Festa do Monte (a principal festa da comarca do Baixo Miño), para que sexan de coñecemento dos veciños,... pois estas fanse coa xenerosa aportación de veciños, comerciantes i empresarios locais,... Por transparencia deberíamos poder saber como se gastan estes diñeiros; lamentablemente, non temos datos das directivas que organizan festas, das constas das mesmas,..

Non sabemos que está sucedendo, pero nestas pasadas semanas hai moita actividade lúdico gastronómica de persoas con significancia política, de empregados do Concello,... Haberá que facer un estudio moi serio e profundo, para descobrir esta inusitada actividade grastronómica por parte de persoas relevantes na sociedade guardesa.

Mirador do Monte Ancos, a 04 de Xuño do 2.014.

Francisco Jones Gallego (PACO JONES) . Ingeniero de producción y transporte de crudo de la TEXACO JONES OIL (CorpusChristi; Texas, USA).