¡¡Que desfeita!!

CHANCHONADA 293º

¡¡Que desfeita!!.

O Sr. Germán Martínez é un político peruano, dende logo nada usual; é candidato á alcaldía da cidade de Pucallpa; non imos entrar no seu ideario político, nas súas promesas, na súa honradez,... dende logo o que resultan moi vistosos son os seus carteis de propaganda electoral, os cales están moi lonxe dos típicos e tópicos de todalas campañas,...

Hai carteis como este de cabaleiro Jedai, outros de Son Goku (debuxos animados xaponeses para o público infantil), de Neo un dos protagonistas da película Matrix,... Hai que recoñecer que ó Sr. Germán Martínez ten unha imaxinación moi desbortande e ilusionante.

Polo menos, este Sr. Germán Martínez non ten sentido do rídiculo; rídiculo e bochornoso foron os fogos de lucería que pecharon esta edición das Festas do Monte 2.014, foron moi escasos de tempo (sobre 7 minutos), foi un espectáculo moi cutre que defraudou a miles de guardeses, rosaleiros, oienses, tomiñeses, tudenses,... e turistas que acuden A Guarda para disfrutar deste espectáculo pirotécnico. ¡¡¡Quedamos todos moi defraudados!!! Dende logo, isto é unha mancha no prestixio que teñen as Festas do Monte.

Durante moitos anos, as diferentes comisións de festas da Guarda sempre tiveron un prestixio e crédito coas empresas que contrataban para certos servicios e actos,.. Pero semella que duns anos a esta parte; este prestixio vaise perdendo a pasos axigantados; con isto, quen máis perde é a imaxe pública de todo o conxunto social que é a Vila da Guarda.

Era o sábado pola noite; como moitos pais novos, saimos a darlle un paseo nocturno a unhas nenas que ainda son pequenas, ollan abraiadas as atraccións do parque de festas, disfrutan con un globo,... Ese sábado pola noite atopamos a uns avós aburridos, pois a orquesta xa finalizara a actuación, e como eles, a outros centos de parellas maiores que andaban aburridas polo recinto de festas,... A actuación desa noite non foi do gosto de ninguen, foi un cutre espectáculo de “pseudo-karaoke”, uns rapaces cantando, soando música grabada de fondo,... Unha das verbenas máis importantes da festa, resultou ser o espectáculo máis cutre que houbo en moitos anos.

Falaremos un pouco do Libro das Festas do Monte; por unha ou varias razóns que descoñecemos, este libro comenzou a aparecer xa nos días da festa; de feito ainda hai locais que hoxe non o teñen,... nós non o ollamos á venta. Tradicionalmente, o Libro das Festas do Monte sempre estaba cun mes de antelación á venta, para que fose adquirido polo público, pois o mesmo é unha fonte de ingresos para a festa,... Pero este ano, o Libro das Festas do Monte chega tarde, mal i en escasa cantidade. ¿¿Qué aconteceu aquí??

O outro día xa falamos das malas relacións con outras comisión de festas; especialmente a de San Caetano (Barrio da Cruzada) e San Roque (Sálcidos); que se sinten ninguneados pola comisión que organiza as Festas do Monte; pois esta organiza actos nos días festivos das outras festas. Temos que recoñecer que teñen razón, cada festa debe ocupar os días festivos que lle corresponden e non invadi-los días das outras; porque con iso xeramos unha competencia desleal para outra festa local, máis pequena, pero que se merece todo un respeto.

Tamén moitos directivos das “Bandas” non están de acordo có proceder desta comisión das Festas do Monte; o malestar xa comenzou o ano pasado, cando membros da comisión das Festas do Monte lles solicitaron unha axuda para paga-lo servicio de ambulancias,... pero meses despois algúns deses directivos das “Bandas” descubriron que ese gasto vai a cargo das contas do Concello; con iso non poideron evitar facerse a seguinte pregunta: ¿¿a onde foi o diñeiro que demos en axuda??.

Non sabemos para onde foi o diñeiro; pero hoxe a gran maioría deses directivos de “Bandas” sintense engañados; este sentimento foi reforzado pola actitude da comisión das Festas do Monte de desentenderse da organización do “Domingo do Monte”, día no que ten lugar a tradicional romeria do Monte. Eles pensan, e nós tamén, que cando unha comisión colle o encargo de organiza-las Festas do Monte, o que colle é todo o conxunto das Festas do Monte, con tódolos actos, verbenas, eventos, actos,... o que se colle é todo o conxunto enteiro.

Sabemos que somos críticos; pero o pasado luns pola noite, as críticas eran das persoas que estaban ó noso carón ollando os fogos de lucería; logo a xente que mandaba mensaxes polo teléfono móvil,... Nós non temos experiencia organizando festas; pero o Sr. Elías Rebollar (“Bixurro”) foi durante varios anos presidente da comisión das Festas do Monte, na súa páxina de “Facebook” fixo públicas as súas críticas sobre a organización das Festas do Monte do 2.014; en moitas cousas coincidimos, noutras como non sabemos, non opinamos, outras coinciden con outras persoas,... ¡¡¡Cando o río soa, e porque leva agua!!!

Imos acabar con este tema. Ó noso entender, as Festas do Monte son un dos activos más importantes da promoción e atracción turística da Guarda, que repercute dun xeito directo na economía guardesa e da comarca miñota. ¡¡¿¿Qué repercusión económica e turística pode traer isto no futuro máis próximo??!!. O mal feito, mal está; o que malo está, malo traerá,.. ¿Merecemos os veciños da Guarda unhas Festas do Monte tan mal organizadas?

Algo haberá que facer; a nosa proposta: Municipaliza-la organización das Festas do Monte; para evitar que mans ineptas e confilctos de intereses privativos-lucrativos de algúns directivos entren nas Festas do Monte.

Mirador do Monte Ancos, a 13 de Agosto do 2.014.

Umberto Vino Nuevo. Maestro destilador y enologo de Cajón de Ginebra Grande (Chubut, Patagonia; Argentina).