¡¡O Gordo!!

CHANCHONADA 350º

¡¡O Gordo!!.

Nestes días, un dos temas recorrentes na barra do bar tomando o café, como non poder ser de outro xeito é a loteria do Nadal. Dende logo atopamos moita ignorancia no tema; imos a tratar de desfacer erros:

1º) Cando é unha cantidade importante (superior a 2.500€) é obrigatorio cobra-la nunha entidade financiera. O procedemento é entrega-lo documento da loteria, decimo, resguardo, quiniela,... para que a entidade financiera o verifique có organismo de Loterias do Estado, a Once,... Normalmente os premios teñen un período de pago de 3 meses, despois de depositalo, a entidade financiera fará o depósito na nosa conta bancaria entre os 5 días a 20 días posteriores.

2º) Na conta bancaria, imos a ter ingresado o importe do premio, xa descontado o importe dos impostos correspondentes. Atención a todos, esta operación de ingreso está exenta de comisións bancarias. Se a vosa entidade bancaria vos ofrece un adianto a conta do premio, coidado pois seguramente vos ofrecen un crédito a conta do premio como garantía do mesmo. ¡¡¡Ser pacientes!!!

3º) Imos a repartir parte do premio cós familiares, parentes,... Por favor, no intre de face-lo depósito do boleto na entidade bancaria, comunicarlle a esta que o premio pertence a Fulanito, Menganita, Butanito e Benzanita,... cós seus DNI,... para que facenda faga o ingreso i emita un documento acreditando que cada un cobra a súa parte do premio, xa descontados os impostos. En caso contrario, ó repartir o que estamos facendo é unha donación, e isto conleva o pago de novos impostos. ¡¡¡Unha cousa é ser xenerosos, e outra ser tontos!!!

4º) Como somos uns inversores precavidos, non queremos riscos, nin preferentes,... Faise necesario lembrar unha cousa; a concentración de moito diñeiro nunha mesma conta dunha entidade bancaria ten “riscos colaterais”. O “Fondo de Garantía de Depósitos en España” só cubre 100.000€ por titular i entidade financiera.

5º) ¿Podo levarme o diñeiro do premio ó extranxeiro?; SI. Pero é necesario comunicarllo á Facenda, mendiante o modelo de declaración informativa 720; así como facer unha declaración anual das contas bancarias e rendimentos que obtemos no extranxeiro. Non hai normas que me prohiban leva-lo diñeiro a Suiza, o ilegal é non declaralo.

Sinceramente, todos temos a fantasía dun premio de Loteria con varios millóns, para deixar de traballar e vivir nunhas longas vacacións,... ¿Qué cantidade mínima debe ser este premio?, isto non é fácil depende da idade, cargas familiares, saúde, ritmo de vida, expectativas,...

Primeiro temos que ter en conta que o premio non o cobramos integro, Facenda xa desconta a súa parte. Agora xa temos un patrimonio, e non tódalas Comunidades gravan este imposto por igual, polo cal é interesante pasar a residir nas Comunidades onde o tipo impositivo do imposto de patrimonio sexa o menor; non é o mesmo pagar un 0,25% que un 2,5% ó ano.

Se deixamos de traballar, deixamos de cotizar á Seguridade Social e perdemos a cobertura sanitaria. Para contratar unha cobertura sanitaria privada, similar (que nunca será igual) á da Seguridade Social, necesitamos obter unha rentabilidade por riba dos 100.000€/ano. O máis recomendable é crear un pequeno negocio, para cotizar como autonomo, e así mante-la cotización á Seguridade Social; ademáis con esta solución temos prestacións sanitarias e dereito a unha pensión, en caso contrario tamén teremos que cotizar nun plan privado de pensións, polo que necesitamos un rendemento monetario maior.

¿Cánto imos a gastar de golpe ó cobra-lo premio?; este é un dos puntos máis importantes, onde todos queren un coche novo de alta gama, unha nova casa, un chalet para as vacacións, darse unha viaxe por medio mundo,... Aquí o noso premio vai sofrir unha merma moi considerable, canto maior sexa a merma, menor serán as posibilidades de vivir da rentabilidade do mesmo. O mellor consello é non entrar nunha toleira consumista nos primeiros meses; pois este incremento de vida vai atraer a moitos “amigotes”, do mesmo xeito que a mel atrae ás moscas. ¡¡¡Hai que ser discreto e non chama-la atención!!!

Agora xa estamos na recta final, ahi que considera-la nosa idade e a esperanza de vida (anos que posiblemente ainda nos fican por vivir); que cantidade monetaria necesitamos ano a ano,... Esta cantidade ten que ser inferior ó rendimento que esperamos sacar do noso capital, pois en caso contrario comemos o capital. Hoxe con moita sorte e facendo boas inversións, sería un resultado aceptable obter un rendimento despois de impostos dun 2% anual.

Por exemplo, temos ó veciño de todos coñecido “Fulanito Butano Propano”; quere levar unha vida regalada, para os vindeiros anos, a un ritmo de vida anual de 30.000€. Necesita ter unha rentabilidade mínima de 36.000€ para cubri-la depreciación do IPC, pagar impostos, tamén debe obter algo de rendimento para que aumente un pouco o seu capital; o rendimento mínimo está nos 38.000€ por ano.

Polo que necesita un mínimo de 1.900.000€ que debe invertir e non tocar para nada. Antes xa gastou 110.000€ en dous coches para él e a señora, mercaron unha nova casa por 200.000€, compraron un chalet nunha vila costeira de moda por 300.000€; fixeron unha viaxe de turismo por 90.000€,... montaron un pequeno negocio onde invertiron 70.000€, e deixaron dúas contas bancarias para imprevistos con saldos de 100.000€ cada unha; maís impostos por estas adquisicións e gastos derivados das mesmas. Polo cal o premio mínimo para o noso veciño “Fulanito Butano Propano” debería ser de 3.200.000€ (líquido a cobrar, xa descontado impostos).

Se o noso veciño quere trocar de coche cada 4 anos, e outros gastos adicionais,... o capital a invertir debe ser máis alto; polo cal o premio tamén. Como vedes queridos lectores, o noso décimo de lotería do Nadal, se toca o gordo será unha gran alegría, pero ó día seguinte teremos que ir a traballar.

Claro que ós diñeiros que chegan regalados, traen máis problemas que solucións. Así reza o famoso refrán castelán: “Abuelo tabernero; hijo caballero y nieto pordiosero”. Xestionar unha fortuna non é doado, face-la crecer menos, mantela durante xeracións é moi díficil.

Mirador do Monte Ancos, a 8 de Decembro do 2.014.

Amador Felicidade Eterna. Director de Comunicación de la revista de eventos sociales y religiosos, “La Santa Paciencia” (Amadora, Distrito de Lisboa; Portugal).