Vivan os Pepes.
¡Vivan os Pepes, Fefas, pepiños,...! e todas aquelas persoas que teñen por
nome José, Josefa, María José,... e outras decenas de variantes de nomes
masculinos e femininos que inclúen o nome José, sexan en castelán, galego,
portugués ou noutro idioma.
Hai unha festa na comarca de Trasancos (antigo nome da actual comarca de
Ferrolterra) que exalta o orgullo de ter por nome José; é unha festa moi
descoñecida en Galicia e sobre todo no resto de España. Trátase da “Festa das Pepitas”; decenas de
rondallas polas rúas cantando cancións que exaltan a beleza das mulleres deste
terra, homes traxeados con capas, cantando habaneras,... Neste mundo de Kevins,
Jonatans e Jeniferes (pronunciados coa J de jamón); aínda hai orgullo de ser un
Pepe ou unha Fefa.
No día do Santo onomástico que celebran os Pepes e Fefas, entraba en vigor
a nova Lei do Solo de Galicia; a cal dun xeito directo obriga a revisar tódolos
Plans de ordenación urbanas que están en vigor, ou a reformar os que están en
tramitación,... en certo xeito isto supón voltar ó punto de saída; moitos terán
que ser redactados de novo e voltar a iniciar con todo o procedemento
político-administrativo.
O que non é de recibo, nin entendible, é cada poucos anos trocar toda a
normativa legal sobre un tema; isto é como trocar cada pouco as regras do xogo;
así xenérase inseguridade ós promotores, propietarios, constructores,... e unha
imaxe de tramposos da Administración da Xunta de Galicia.
Imos a deixar algunhas reflexións sobre as importantes carencias dos Plans
de ordenacións dos nosos concellos:
1º) Non entendemos porque as redaccións dos Plans de ordenación urbanos
resultan tan caros; a maioría rondan prezos de 160.000€ a 250.000€.
¿Hai algún problema legal para que non sexan redactados polos técnicos
municipais dos Concellos?
2º) Moitos dos Plans de ordenación que se fagan en Galicia están
baseados en premisas de crecementos demográficos de +40% a un +80%, en períodos
de 10 a 15 anos. IMBECILES. Estas premisas e hipóteses son máis falsas
que un billete de 7€ de madeira; máis do 70% dos concellos galegos levan
décadas perdendo poboación; menos dun 7% dos concellos galegos crecen demograficamente.
Polo tanto, a maioría dos Plans de urbanismo están baseados en premisas falsas
e que descoñecen totalmente a realidade; realmente
os Plans están orientados polos intereses de un reducido grupo de políticos
locais en convivencia con constructores e promotores.
3º) ¿Realmente son necesarias as cantidades de novas vivendas previstas;
cando aínda hai unha gran bolsa de vivendas novas sen vender?. Por
exemplo, no caso da Guarda, +1/3 das vivendas da Guarda están valeiras de
residentes durante gran parte do ano; ¿realmente necesítanse máis vivendas
novas na Guarda?. A irrupción de
novas vivendas construídas, vai facer que haxa máis oferta para a mesma
demanda, polo cal irán baixando os prezos de aluguer e de compra,... o
cal supoñerá unha depreciación da vivenda como activo financiero. Supoñemos que
aínda fican tontos que seguiran pensando que o prezo da vivenda sempre sube,...
¿realmente aínda os hai?.
4º) Realmente estes Plans que aproban nos nosos concellos non ordenan
nada; basicamente o que fan é abrir bolsas de terreo onde construír de
maneira masiva por uns poucos constructores e promotores,... i esquecéndose dos
pequenos propietarios, sen planificar nada de antelación: rúas, prazas,
parques, estacionamentos, sentidos circulatorios, servicios públicos,... Un exemplo disto é a zona de Rosentes na
Guarda (o “beverly hills” dos armadores e novos ricos), toda unha mostra de
desplanificación e desordenación urbana; rúas facendo voltas e
reviravoltas, rúas sen saída, rúas con diferentes anchos,... DESASTROSO.
5º) Coordina-la planificacións
urbanas dos nosos concellos veciños. Carece de sentido que o concello A
planifique no límite do seu termo municipal unha zona industrial, e o concello
B nesa zona contigua crea unha zona de uso residencial e lúdico. ¿Quén quere
ter a casa fronte a unha fábrica?; entendemos que son usos incompatibles, pero
en Galicia hai varias decenas de exemplos como este. O exemplo máis perto o
temos na zona industrial e comercial das Cachadas na Guarda, e a zona
residencial de Pías (O Rosal),.. ¿¿Onde está a coordinación administrativa
municipal??.
Sexamos sinceros, a maioría dos concellos funcionan como pequenos reinos de
taifas, onde cada Alcalde se cree un rei; administrativamente funcionan como
compartimentos estancos sen relación cós seus concellos veciños.
6º) Cando os políticos falan de Plans de ordenación urbana,... realmente
só están falando de construír vivendas novas,... Non están planificando nada
novo para o futuro máis inmediato: ¿onde están as novas estradas e rúas
que imos a necesitar?, ¿onde están as ampliacións das redes de alcantarillado e
de suministro de agua?, ¿onde están as novas prazas de aparcamento?, ¿onde
están as novas zonas de equipamentos comunitarios para escolas, sanidade,
deporte,..? ¡¡NADA DE NADA!!
Na Guarda levan 37 anos falando da ordenación do tráfico de vehículos no
barrio de Salcidos; que ten unha estructura viaria da Idade Media, pensada para
peatóns, uso de burros e cabalos, con rúas estreitas,... e aínda non foron
capaces de facer un plan para ordena-lo tránsito e facer rúas dun único
sentido.
Logo irán improvisando sobre a marcha, un colexio a pé de monte con mal
acceso, outro colexio na beira do mar, un centro de saúde sobre un vello
vertedoiro de lixo sen uso (centro de saúde da Guarda). A actuación municipal dos últimos 40 anos pode resumirse como:
IMPROVISACIÓN.
7º) Cando se fai un Plan de
ordenación, ademais de redactar ordenanzas para os modelos de urbanización,
tamén hai que ir planificando as necesidades futuras dos novos residentes, ir
planificando as novas infraestructuras comunitarias,...
-
¿Estación
de autobuses da Guarda?; ¿imos a seguir coa mesma parada dos anos 1.960?.
-
¿Ampliación
da EDAR de A Guarda?; ¿ou queremos voltar a verter as aguas fecais sen depurar
ó mar?.
-
¿Creación
dunha rede de alcantarillado en Loureza e Alto Tamuxe coa súa conexión á rede
do Rosal, para tratamento na EDAR da Guarda?; ¿ou queremos que vertan as aguas
fecais sen depurar ó río Tamuxe?.
-
¿Estrada
de circunvalación de A Guarda, Loucenzas-Salcidos?.
-
¿Zonas
de aparcamento de vehículos nas zonas céntricas da Guarda e do Calvario (O
Rosal)?.
-
¿Interconexión
das redes de suministro de agua das comunidades de montes?; así cando hai
reparacións nun depósito, os veciños receben suministro da agua procedente das
redes veciñas.
-
¿Ampliación
e construcción dun cemiterio municipal?; para uso civil e laico, ou de veciños
de outras confesións relixiosas que non son católicos,... Os veciños que
non teñen creencias relixiosas, ou profesan outra relixión, tamén morren; ¿non
son merecedores dun enterro digno?. O tema de cemiterios é unha
competencia municipal,... que fai centos de anos que deixaron en mans dos
párrocos da Igrexa Católica,... excepto Oia e Tui.
-
¿Construcción
dunha EDAR para a zona costeira de Oia?.
-
¿Parque
industrial A Guarda-Rosal?; levan máis de 20 anos publicitando este tema, os
avances cuantifícanse en CERO.
-
¿Áreas
de equipamentos para usos hoteleiros e turísticos?; se pensamos vivir do
turismo, haberá que habilitar ás áreas acordes para estas actividades, e
dotalas de servicios,...
-
¿Un
parque urbano na Guarda?; un parque de +3 hectáreas (1 hectárea é a extensión
dun campo de fútbol), que serva de zona de lecer, paseo, actos recreativos,...
Ollo, cando os políticos falan de zonas verdes, isto son as cunetas
axardinadas, macetas con frores nas rúas, 4 árbores prantadas e nunca
coidadas,... un exemplo de zonas verdes, son as cunetas da rúa de
Circunvalación, no barrio da Cruzada,... unha gran avenida de 22m de ancho, que
non teñen frores, nin árbores,... que son usadas como “caga cans”.
-
¿Área
multideportiva con varias instalacións e outros equipamentos?; agrupando varias
instalacións nunha única área, e sobre todo que sexan instalacións de certa
calidade en relación coa relevancia de nosos equipos e deportistas.
Se tivesemos que puntuar cunha
nota os Plans de ordenación da Guarda e do Rosal; un 3 sería moita nota; polo
tanto: DEFICIENTES. O de Oia nos é descoñecido. Dado que un plan vai dirixido ao futuro, hai que
ser más ambiciosos e ter visión de futuro,.... ¡¡¡Plabnifica-los nosos pobos a
30 ou 40 anos vista!!! De momento a única visión de futuro que lles ollamos ós
nosos políticos non vai máis alá dos máis que xenerosos soldos que algúns se
poñen, maiores que na súa profesión.
Señores políticos preocúpense das cousas serias; apagar durante unha hora
unhas poucas bombillas, mentras mantemos horas e días centos de bombillas
iluminadas sen uso práctico, iso é facer política de paripé,... Cada día A Guarda gasta 1.000€ en enerxía eléctrica;
a actuación de apagar durante unha
hora unhas poucas bombillas poido supoer un aforro de 3€, que respecto a 1.000€
é algo insignificante; e respecto ós 350.000€ anuais é totalmente rídiculo.
Isto é facer política de tonto-bobos.
Mirador do Monte Ancos, a 24 de Marzo do 2.016.
Fernando Idea Cuadrada.
Profesor universitario de Teoría Política en la Universidad de Arroyo
del Cabrón (Zamora; España).
No hay comentarios:
Publicar un comentario