Apadriña un asociado

CHANCHONADA  506º

Apadriña un asociado.

Hoxe, nos tamén queremos en solidariedade coas víctimas do accidente de tráfico do pasado sábado, facer un pequeno acto de respeto e cariño para todos eles.

Por desgracia, dende fai uns anos, as estradas da nosa comarca miñota están sendo o escenario onde morren varios veciños afeccionados ó deporte do ciclismo. Por iso, fai falla esas medidas de educación e concienciación da seguridade vial.

Dentro do organigrama laboral das universidades de España, existe a figura do “profesor asociado”, é un persoal docente de relación laboral non permanente coa institución educativa, contratadas para impartir un número reducido de horas lectivas, dunha asignatura moi concreta.

Resulta evidente que o título tan pomposo e altisonante de “profesor universitario asociado” o que esconde é unha situación de precariedade laboral, e unha situación de subemprego mal pagado; iso si todo con un nome moi bonito e politicamente correcto. Outra contradicción que rodea a esta figura do “profesor universitario asociado”; resulta que certos catedráticos e profesores universitarios moi progresistas que critican a precarización do mercado laboral feita pola empresa privada, logo eles non teñen reparos morais en face-lo mesmo cando contratan a outro persoal docente,... ¿? Sempre hai que desconfiar de quen predica, e nunca da exemplo de nada.

No ano 2.014 a Universidade de Barcelona lanzou unha campaña dirixida ó sector empresarial: “Apadriña un asociado”. Para captar recursos e axudas económicas das empresas privadas, ofrecendo a cooperación dos seus profesores asociados en diferentes temas, proxectos,... O fin era aumenta-los ingresos da Universidade e indirectamente tamén mellora-las escasas remuneracións dos “profesores asociados”; que teñen salarios que van de 300€ a 700€ mensuais.

Semella que agora os Concellos de A Guarda e Caminha súmanse a este proxecto da Universidade de Barcelona de “apadriñar un asociado”; e van “apadriñar” ó profesor Sr. Jordi Tresserras Juan, experto en turismo cultural e gastronómico, creador do LABPATC (Laboratorio de Patrimonio, Turismo cultural y Creatividad). Supoñemos que foi o “mellor experto” que atoparon para levar adiante ese proxecto de conquerir que o esteiro do Miño sexa Patrimonio Natural da Humanidade,...

O citado Sr. Jordi Tresserras Juan xa está inmerso en crear unha ruta de localizacións relacionadas có Emperador Carlos V para Villaviciosa (Asturias); crear un proxecto de turismo gastronómico para Tossa de Mar,... Como vemos, o citado Sr. Jordi Tresserras Juan xa ten varios “padriños”, todos eles concellos que desexan levar adiante proxectos turísticos; pero non ollamos nada sobre os seus coñecementos profesionais en materia de protección da natureza e do paisaxe, de ordenación urbanística e protección dun entorno xeográfico e natural,...

Aquí hai algo que non cheira ben; non entendemos moi ben que está a suceder; temos serias dúbidas ó respecto e imos a deixar algunha reflexións, para que os concelleiros da oposición traballen,... que están máis pasivos que unhas estatuas:

1º)  No esteiro do río Miño (Foz do Miño) hai outros concellos dentro desta área xeográfica: O Rosal, Vilanova, Tomiño, Oia, Tui e Valença. ¿Porqué eles non participan?, ¿exceso de protagonismo dos Alcaldes de A Guarda e Camiña?.

2º)  Non comprendemos moi ben os motivos da contratación profesional do Sr. Jordi Tresserras Juan, da Universidade de Barcelona. ¿Non hai profesores e equipos de investigación preparados nas universidades galegas e portuguesas?, ¿contactouse con eles?.

Ficamos cunha dúbida máis, a imos a deixar como reflexión nosa.

Fai uns poucos meses e aínda se contan cós dedos dunha man, o Sr. Antonio Lomba, Alcalde de A Guarda tentou que fose aprobado en Pleno o proxecto de Plan de Ordenación Urbana da Guarda, no cal existían varios proxectos de macro urbanizacións na zona de Camposancos e a Pasaxe, todas elas perto do río Miño.

Tras non ser aprobado este proxecto de Ordenación Urbana, agora ollamos unha viraxe de 180º no posicionamento político do Sr. Antonio Lomba. Agora é un defensor e paladín do medio ambiente, protector da paisaxe do Río Miño, valedor dunha ordenación urbana que respete o Río Miño e o seu entorno,... ¿¿Qué está pasando aquí??.

Sendo, como somos uns mal pensados; podería ser que o LABPATC (Laboratorio de Patrimonio, Turismo cultural y Creatividad) que xestiona o Sr. Jordi Tresserras Juan, da Universidade de Barcelona, tivese moitas similitudes có famoso “Instituto Noos” que está sendo xulgado en Palma de Mallorca. Cobrar por estudios carentes de importancia e relevancia, facer actos que non teñen ningunha relevancia,...

Mirador do Monte Ancos, a 14  de Marzo do 2.016.

Dña. Propuesta Sensata y Sincera. Ingeniera de Estructuras; Directora de operaciones de la empresa “Levanta Piedras” (Setenil de las Bodegas; Cádiz;España).