Exhibicionismo político

CHANCHONADA  507º

Exhibicionismo político.

Coa chegada da primavera, comeza o primeiro período vacacional do ano: “Semana Santa”. Resulta ser un período vacacional que deixa ó descuberto moitas discordancias das Administracións Públicas, funcionarios e autoridades.

Resulta obvio que a Semana Santa é unha festividade relixiosa, especialmente católica; non imos a valorar esta crenza relixiosa, nin os seus actos públicos, nin as súas obras de arte barroco. Cada un é libre de profesar a relixión que elixa, ser ou non practicamente ou activo na mesma,... ou todo o contrario.

O anterior sería o normal; resulta sorpresivo e abraiante que membros da Administración Pública Educativa que tanto predican por unha ensinanza laica, logo cando chegan estas festividades, son uns acérrimos defensores de manter estes días festivos católicos como non lectivos e días de vacacións para todo o sistema escolar,... ¿? Isto é toda unha hipocresia e incoherencia; non queremos a relixión católica, pero queremos vacacionar nos seus días festivos. Se fosen coherentes có seu ideario, tamén solicitarían a retirada dos días festivos católicos do calendario escolar, pasando a ser estes días lectivos; excepto para aqueles nenos que os seus pais soliciten facer un uso non lectivo dos mesmos por uso de crenzas relixiosas concretas.

Cando votamos ás nosas autoridades político-administrativas, o facemos por ideario, por confianza, por proximidade persoal, por propostas concretas,... supoñemos que poucos o farán por compartir un mesmo credo relixioso. España non son os USA, onde os políticos deben facer acto público de profesar unha crenza relixiosa,...

¿É obrigatorio que as nosas autoridades municipais acudan ós actos públicos de carácter relixioso?, NON, non é obrigatorio. A asistencia é un acto de mera cortesía social.

A asistencia, ou non, debe ficar á libre vontade de cada autoridade municipal; tanto na asistencia, como na non asistencia, ambos deben de facerse con respeto para quen convida e para os veciños que profesan publicamente esa relixión. Non ollamos coherente que unha autoridade municipal publícite publicamente o seu ideario laicista e contrario á Igrexa Católica (o cal é lícito), pero logo acoden ós actos relixiosos públicos católicos (procesións), có único fin de auto promocionarse publicamente como autoridade local,... ¡¡¡¡COHERENCIA!!!!

Sobre a asistencia a estes actos de certos funcionarios policiais ou militares; cabería facer a mesma reflexións anteriores; son actos de cortesía social ós que non están obrigados legalmente a acudir.

Unha cousa é acudir en sinal de cortesía como autoridade civil, municipal, policial, militar,... onde todo acto debe de reducirse a estar presente e acompañar sen mais. Se desexan participar máis activamente no evento relixioso, o proceder máis correcto sería declinar a asistencia como autoridade e participar a título de cidadán privado no acto relixioso.

Por desgracia, aínda existen autoridades que confunden o seu papel, có seu rol e dereitos como persoa privada. Isto acontece sobre todo en dous eventos, no Domingo de Ramos e no Venres Santo. Na procesión do Domingo de Ramos, as autoridades non deben de portar elementos como palmas, ramos, ponlas de oliveira ou laurel,... pois así están participando de xeito activo no acto relixioso.****

Algo similar acontece na procesión do “Santo Enterro” da noite de Venres Santo; unha cousa é ser educado e respetuoso no vestir como convidado,... é outra cousa distinta é vestir coa indumentaria propia dunha Irmandade ou dunha Cofradia relixiosa,... pois hai concelleiras que a título de autoridade, visten como as “Damas da Cofradia da Virgen Dolorosa”,...

Isto denota unha certa confusión mental que algúns teñen. Podemos estar convidados a unha voda; pero nunca iremos vestidos como os novíos,... pois eles son os protagonistas do evento social.

Aquí, antes de rematar, facemos unha pequena propostas para o percorrido da procesión do “Santo Enterro” do Venres Santo na Guarda. No seu actual percorrido, ascendendo pola rúa Concepción Arenal, logo desvíase por Brasilino Álvarez, seguindo o seu percorrido tradicional,... Pero a rúa Concepción Arenal está pechada ó tráfico dende a zona da Praza de Avelino Vicente; ficando un gran tramo da rúa sen uso.

Propomos que se estudie, que a procesión continúe ascendendo por Concepción Arenal, ata alcanzar a Praza de Avelino Vicente e logo xirar para Cánonigo Domínguez Fontenla e tras cruzar esta rúa xa retomamos o mesmo tramo final. Así a procesión percorre máis rúas principais, é máis vistosa neste tramo ascendente da rúa Concepción Arenal; percorre rúas máis anchas e espaciosas,...

****  A partida orzamentaria do Concello de A Guarda para pagar palmas ós membros da Corporación Municipal que acoden á procesión do Domingo de Ramos é de moi dubidosa legalidade. Pois o acto non forma parte das actividades legais que teñen asignadas os concelleiros; ademais isto podería supoñer un ingreso (vía regalo) que non está contemplado na lexislación. Ademais acudir a actos relixiosos non é unha competencia municipal, nin sufragar gastos por esta asistencia. Dado que o Alcalde da Guarda, Sr. Antonio Lomba é tan predicador e promotor da laicidade na sociedade, actuará consecuentemente có seu ideario.

Mirador do Monte Ancos, a 17  de Marzo do 2.016.

Amador  Felicidade  Eterna.  Director de Comunicación de la revista de eventos sociales y religiosos, “La Santa Paciencia” (Amadora, Distrito de Lisboa; Portugal).