Día de Santa Lucia

CHANCHONADA  483º

Día de Santa Lucia.

O vindeiro Domingo día 13, teremos en Koszki, no salón de actos da fábrica un evento social, celebraremos o Día de Santa Lucia; unha festividade moi querida polos suecos, e dado que a fábrica pertence a un grupo multinacional sueco,... festexaremos con eles este día tan especial. Así da inicio ós actos previos ó Nadal. Neste Día de Santa Lucía é tradicional que una nena porte unha coroa chea de velas, ataviada cunha vestimenta branca e unha cinta vermella na cintura, e probaremos os doces típicos deste día: “lussakatter” e os “pepparkakor”; son uns boliños de azafrán o galletas de xenxibre.

Tamén hai comunidades de residentes suecos en España que festexan este Día de Santa Lucia.

Polas novas que chegan dende A Guarda, o resultado do Pleno extraordinario para a aprobación do Plan Xeral non saíu do agrado do Alcalde e do grupo de goberno do PSOE; ou sexa, toda a oposición votou en contra. Meses despois de iniciar este Mirador, sempre posicionámonos en contra do citado PXOM; para nós é unha pequena victoria, polo cal sentimos ledicia pola nova.

Lamentamos a actitude de soberbia, chulería e falla de deportividade democrática do actual Alcalde de A Guarda; querido Sr. Lomba debería vostede de troca-los modais e ser máis dialogante e sinceiro cós seus compañeiros de Corporación.

1º)  Un PXOM non é un documento administrativo calqueira; vai marca-las regras de concesión de licencias urbanísticas e o crecemento da trama urbana para os vindeiros anos. Para elo debe de ser preciso o maior número de consensos posibles.

2º)  O PXOM que vostedes levaron a pleno foi cociñado pola empresa “Consultora Gallega”, seguindo as directrices sinaladas baixo o 1º mandato municipal do Sr. Freitas; cando o PSOE tiña maioría absoluta. Nese mandato vostedes estaban cegados pola prepotencia e a soberbia, o fixeron vostedes soiños, sen contar coa oposición,... O tempo e as eleccións locais foron quitándolles votos e concelleiros ó PSOE, pero seguiron mantendo a actitude de soberbia e prepotencia. ¿Onde está o talante de dialogo que vostedes propugnan e presumen?.

3º)  O PXOM pode definirse de maneira simple, como un menú cociñado e preparado ó gusto do PSOE; ofrecido á oposición baixo o lema: “estas son nuestras lentejas, o las tragas o las dejas”. Pois, toda a oposición colleu a perola có potaxe de lentellas e verteullo sobre as cabezas dos cociñeiros do PSOE,... ¡¡¡¡Non queremos lentellas!!!

4º)  Moitos dos nosos lectores deberían de saber que a empresa redactora do PXOM, “Consultora Gallega” é unha empresa especializada en redactar proxectos de planeamentos urbanísticos; coa crise económica e do sector inmobiliario, a citada empresa estivo más de un ano en concurso de acredores,... pero aínda hoxe pasa por foi penurias económicas,... Para saír das mesmas, necesita que sexa que sexan aprobados os PXOM,... pero moitos concellos non están pola labor e prefiren resolve-lo contrato, devolve-la garantía,... Hai concellos que non se fían da capacidade técnica e laboral de empresa e están rescindindo os contratos, como é co caso de Cangas.

5º)  Se “Consultora Gallega” desaparece ou con tan escaso persoal como o que hoxe ten,... Unha vez aprobado o PXOM ven unha etapa de moito traballo de revisión, contestar alegacións, incorporar alegacións ó PXOM,... ¿Con qué persoal ía a facer esta tarefa?

6º)  Se o número de alegación fose alto, e as incorporación das alegacións supuxesen importantes modificacións no PXOM, entón debería de voltarse a facer un novo PXOM, pois o proxecto base estaría practicamente invalidado.

7º)  En poucos meses entrará en vigor a enésima Lei do Solo de Galicia,... a cal vai deixar moi desfasado o proxecto de PXOM que vostedes presentaban a aprobación,... Ou sexa, agora aprobamos un PXOM que en poucos meses debemos de revisar en gran parte para facerlle adaptacións legais,... Querido Sr. Lomba aquí o que estaríamos a crear é unha total inseguridade xurídica ós veciños, promotores, constructores,... e teríamos máis problemas xurídicos no Concello.

8º)  Entendemos que a aprobación do PXOM era a súa liña preferente e prioritaria do seu goberno. ¿Agora qué?; ¿vai dimitir?; pois o motivo principal do seu goberno ficou deitado no chan,... ¿ou resulta que o seu plan de goberno e estar 4 anos cobrando un soldo?.

9º)  Un PXOM debe definir un modelo de crecemento urbano, de cidade a crear, un modelo de convivencia dos cidadáns,... O citado PXOM, o modelo que presentaba era crear un novo marco urbano en “Neo Kamposakos”, na zona de Suarribe,... esquecendo totalmente A Guarda, Camposancos, Salcidos, Buxán, O Castro,....

10º)  Gobernar non é impoñe-los nosos desexos; é buscar o maior número de apoios e consensos para quitar adiante proxectos e plans en común,... Varias veces lle temos escoitado a vostede Sr. lomba cando era concelleiro de Cultura, dirixirse ó Sr. Xan Lois Lomba e decirlle: “a mí nadie me marca la agenda”.

Querido Sr. Lomba vai vostede sobrado de prepotencia, de soberbia e de chulería,... na fábrica temos un compañeiro español, dunha zona do sur,... na súa terra natal, ós chulos, creidos e imbéciles chámanlles: “pollabobas”. Imos a darlle uns consellos sinceros:

A)    Deixe o seu coche aparcado na rúa da Cal, alí na zona do Pirún- Lagartosa; e camiñe máis a pé, pare a falar cós veciños, interésese polas súas vidas, polos seus problemas,....

B)     A realidade do Concello de A Guarda está fóra do despacho da Alcaldía; está nas rúas, nas prazas,....

C)    Hai máis vida alén do PSOE, fale e contraste as cousas cós outros compañeiros de Corporación, ¡¡non son antropófagos!!. Ten vostede moitos prexuízos inoculados por algúns compañeiros de partido.

O vindeiro Domingo, Día de Santa Lucia, prenderémoslle unha vela á Santa, pedíndolle que o ilumine coa luz da sabiduría.

Mirador do Monte Ancos, a 12  de Decembro do 2.015.

Aquiles Cuatro Verdades. Profesor de Derecho Fiscal Internacional en la Universidad de Joder (Condado de Sioux, Nebraska; USA).