Diñeiro nos calzoncillos

CHANCHONADA  471º

Diñeiro nos calzoncillos.

Nestes días de finais de Outubro, os responsables organizativos de moitas asociacións que perceben diñeiros municipais, vía subvencións, todos eles teñen estado moi ocupados preparando a documentación precisa para entregar na Administración Municipal: facturas, xustificantes de gastos, NIF, CIF, número de conta bancaria,...

No orzamento municipal existen tres partidas concretas onde están detalladas as diferentes subvencións: deportivas, culturais e de fins sociais. Todo isto, xunto a un cadro onde figura o nome de cada a asociación e a cantidade monetaria que lle corresponde. Toda esta información é de carácter pública, outra cousa distinta é que chegue ó coñecemento do público,... ou sexa que despois de blablear durante a campaña electoral, seguiremos coa opacidade tradicional do triunvirato PP, PSOE, BNG,.... e outros.

Imos a demostrar, que unha cousa é predicar, e outra distinta dar trigo,... Porque, existen cantidades subvencionadas que non están contabilizadas nesas partidas orzamentarias, o cal en certo xeito constitúen subvencións encubertas, que algúns concelleiros ignoran e uns poucos calan.

Supoñamos que temos a asociación cultural denominada “Amigos dos calzoncillos con bolsillos”; os seus socios son coñecidos popularmente como “os calzonazos”, pero non son para nada parvos, nin tontos,... Son persoas cultas e presumen delo; ó longo do ano fan moitas exposicións sobre traballos históricos de escaso valor e relevancia cultural, fan exposicións de fotos vellas e antigas; tamén teñen unha sección de exposición de mostras de lencería autóctona galega,...

Nos orzamentos do Concello hai unha cantidade asignada para os “Amigos dos calzoncillos con bolsillos”, por un importe de XXX€. Ata aquí a parte visible e legal de todo. O Presidente da nosa asociación protagonista é Sir Inga Nalgas Blandas, moi amigo de altos funcionarios locais e de varios cargos electos de longa traxectoria municipal no Concello. Gracias a estes bós contactos que non teñen o resto dos veciños, acadou que o Concello lle cedese un local municipal para uso privativo da asociación “Amigos dos calzoncillos con bolsillos”; así xa teñen un local onde ter os arquivos, as oficiñas, un local de exposición,...

Polo uso de este local, os “Amigos dos calzoncillos con bolsillos” non pagan nada ó Concello, nin aluguer, nin hai documentación que acredite tal cesión; tampouco pagan nada da luz eléctrica que usan, nin da agua, nin do servicio de recollida de lixo, ni do telefono, da internet,... ¡¡¡¡Para isto, xa están outros miles de panduriños que pagan impostos!!!!

Podemos dicir que a citada asociación, “Amigos dos calzoncillos con bolsillos” ten os seguintes ingresos procedentes dos diñeiros municipais:

1º)  Subvención contabilizada no orzamento........ XXX€

2º)  Uso privativo dun local municipal................. YYY€

3º)  Disfrute de electricidade, agua, lixo, telefono. SSS€

Total anual subvencionado polo Concello...... T.TTTT€

Nos orzamentos do Concello só figura a cantidade XXX€; pero o total que perceben os “Amigos dos calzoncillos con bolsillos” é T.TTTT€; que é unha cantidade máis grande e non recoñecida. ¡¡¿¿Son axudas en especie??!!

De ser unha axuda en especie, que é o concepto contable que máis se achega como explicación; estamos ante unha subvención encoberta e non declarada. ¿Por qué?;.... ¿¿para comprar a lealtade, silencio e amizades de certos calzonazos, amigos e outros parásitos?

Isto xa ven dende fai +10 anos. Dende logo, para os nosos políticos locais é moi fácil ser xenerosos cós diñeiros de todos; pero nunca son xenerosos cós seus diñeiros privados.

¿Pensan publicar as declaracións de bens que fixeron para tomar posesión?. Hai Concellos, onde está información xa está publicada dende Agosto.

Mirador do Monte Ancos, a 30  de Outubro do 2.015.

Segundo  Primo  de los Reyes.  “Marqués del Usted no sabe Quien soy Yo” (Manteca; San Joaquín; California; USA.