Caramelo envenenado

CHANCHONADA  467º

Caramelo envenenado.

“Vovochka” (Во́вочка) poderíase decir que é o “Jaimito” dos chistes en Rusia; esa persoaxe que é mal estudiante, que sempre ten unha saída graciosa.

Hoxe non imos a falar de chistes, pero si que imos a contar un conto que ten moitas cousas de verdade, veracidade e outros elementos que seguen ocultos. Cando un Faraón  ascendía ó poder no antigo Exipto tiña dúas grandes preocupacións: construír unha tumba no Val dos Reis e deixar unha gran obra que perdurase no tempo, para así entrar na Historia. Estas dúas obras debían de mante-la memoria do Faraón ó longo de centos de anos, de miles de anos,... todo isto sen importar que custe tiña para o erario público.

Isto acontecía no antigo Exipto, pero varios miles de anos despois da construcción das pirámides de Giza, aínda hai gobernantes que seguen practicando esta mesma pauta: “Construír unha gran obra faraónica, sen moita utilidade practica, que perdure no tempo e sen reparar nos custes que ocasiona no Tesouro Público”.

Dado que hoxe estamos con chistes; nos tamén imos cun pequeno conto, o noso Jaimito, “Vovochka” e outras variantes nacionais, rexionais é o “Alcalde Faraón Tuhtankmamón”.

Despois de 20 anos na Corte Municipal de A Guarda á sombra de outros, por fin lle chega a oportunidade ó “Alcalde Faraón Tuhtankmamón” de ocupa-lo trono do Faraón, de colle-lo bastón de mando, presidir procesións,... Pero o ascenso do seu reinado coincide cunha gran e prolongada crise económica, que vai marcar todo o seu reinado, a situación económica e laboral e tan mala que vai facer imposible a realización o seu gran proxecto e a súa gran obra:

Gran proxecto: facer un gran plan urbanístico, para construír unha nova cidade: “Neo Kampos-Ankos”.

Gran obra: construír un teleférico dende “Neo Kampos-Ankos”, para subir ó monte sagrado “Tkla”.

Pero os anos de reinado do “Alcalde Faraón Tuhtankmamón” chegaron ó seu final, nada foi feito nin concretado; o seu gran proxecto está sen aprobar e con isto tamén a súa gran obra,... dos seus 8 anos de reinado deixou como obra un obelisco de pau na zona de Fonthe-Kenthe (algúns hititas malvados din que só é un tronco dunha árbore),.. ¡¡¿¿qué saben eles de obras faraónicas??!!

Imos desfacer contos e ilusións sobre a súa gran obra, o teleférico dende “Neo Kampos-Ankos” para subir ó monte sagrado de “Tkla”. Queremos dar as gracias ós nosos amigos e lectores de Portugal por achegarnos varios documentos e informes do Tribunal de Contas de Portugal sobre a fiscalización das contas da Cámara Municipal de Guimaraes, e especialmente da sociedade municipal “Cooperativa de Turismo Turipenha”. Esta cooperativa nace o 31 de Outubro de 1.989, a Cámara Municipal participaba cun 25% do capital; o seu obxectivo era a construcción, administración e xestión dun teleférico entre a cidade de Guimaraes e a Montaña da Penha; teleférico que comenzou a funcionar o 11 de Marzo de 1.995.

“A Turipenha, mercé ós seus resultados negativos acumulados e das sucesivas inxeccións financeiras polo Municipio, a título de aumentos do capital da cooperativa, fai que hoxe sexa unha sociedade posuída en exclusiva polo Concello de Guimaraes” (escrito na paxina 59 do Informe do Tribunal de Contas de Portugal). O informe do Tribunal de Contas di moi craro, e demostra, que o servicio do teleférico da Turipenha é ruinoso, acumula perdas constantes que deben ser tapadas continuamente polos fondos públicos do Concello de Guimaraes.

Perdas do teleférico da Turipenha.

1.996...... 58.520.000 escudos....... 292.600€

1.997...... 68.684.000 escudos....... 343.420€

1.998...... 72.127.000 escudos....... 360.635€

1.999...... 15.288.000 escudos......... 76.440€

2.000...... 62.604.000 escudos....... 313.020€

Final...... 277.223.000 escudos....... 1.386.115€

O anterior acontecía nos anos de bonanza económica,... Por facer unha traslación ó caso da Guarda, estas perdas suporían sobre o 100% do orzamento anual do Patronato do Monte. Nas contas do teleférico da Turipenha nunca hai anos con beneficios.

Cada 5 anos hai que facer una parada técnica, para facer traballos de inspección, de seguridade, de mantenemento,... con custe de +300.000€ (custe estimado polo Sr. Paulo Barbosa, Secretario de Dirección da Turipenha, da revisión xeral do 2.015). Ollamos que este servicio de mantenemento técnico é moi caro; ademais as poucas empresas que existen son suízas, francesas, austríacas,... e man de obra que teñen non é barata. Está cantidade, é superior ó que adica ó Concello de A Guarda no seu orzamento para facer obras,... ¿Como financiamos estas revisións?.

Nas páxinas 61 e 66 do informe do Tribunal de Contas de Portugal, demostran que o Concello de Guimaraes ten aportado a Turipenha como incrementos do capital 345.500.000 de escudos (1.727.500€), pero nas entradas de diñeiro das contas da Turipenha figuran 265.000.000 de escudos (1.325.000€),... ¿Onde están os 402.500€ que faltan?.

No informe de Tribunal de Contas, hai unha cita sobre un informe de viabilidade do teleférico do Banco Portugués de Investimentos; a súa conclusión que non é viable, e os custes de desmantelamentos son máis altos que os de construcción; difícil venta do material desmantelado,... ¡¡¡Ruinoso, óllese por onde se olle!!!

Non fai falla ser un Doctorado de Economía; que de facer realidade o proxecto de nova cidade de “Neo Kampos-Ankos” e o seu teleférico para subir ó monte sagrado de “Tkla”. Polas nosas estimacións as perdas anuais rondarían os 100.000€; cada 5 anos teríamos que abonar unha factura de 300.000€ polo servicios de inspección e mantenemento técnico, que necesitan unha parada de 2 a 3 meses; por non falar das paradas por ventos do suroeste tan típicos na zona. ¿Está a nosa Facenda Municipal na situación de manter esta situación?; ¿qué estamos dispostos a sacrificar para manter este luxo?

As obras de construcción do teleférico dende “Neo Kampos-Ankos” para subir ó monte sagrado de “Tkla” podería ter un custe de 10 millóns de €; todo isto para a eterna gloria do noso “Alcalde Faraón Tuhtankmamón” . No mellor dos supostos, 2 millóns correrían a cargo da Facenda Municipal de A Guarda, ¿como os financiamos?.

Nos aquí expoñemos as cousas, os seus pros e contras, tratamos de analiza-las cousas,... Gran parte da información a teñen os nosos corporativos municipais, pero eles a esconden para si mesmos,... logo falan de contentores de lixo que teñen diante do bar e doutras chorradas, isto para despistar ó persoal, ou porque teñen moita  ignorancia dos temas realmente importantes e sustanciosos. O fin de todo isto é despistar ó persoal, mante-lo na ignorancia. ¿Qué fará o novo “Alcalde Faraón Autoikonos”?, ¿construirá a gran obra e proxecto do seu predecesor?, ¿presentará o seu proxecto e gran obra para súa gloria persoal?

Máis vale previr que lamentar; aquí estamos avisando do que podería acontecer si seguimos camiñando por este camiño.

Voltamos a reitera-las gracias ós nosos lectores e amigos de Portugal; tamén a ex-concelleira Sra.. Beatriz Estevez por descubrir este tema e ser durante 4 anos a adalide da transparencia municipal. Outros falan de transparencia municipal, pero as súas traxectorias na Corporación Municipal demostran que sempre actúan inmersos na opacidade. Agora hai máis opacidade informativa que antes de Maio do 2.015.

A nosa conclusión final: o proxecto de teleférico entre “Neo Kampos-Ankos” para subir ó monte sagrado de “Tkla” podería ser un caramelo envenenado, dende un punto de vista económico. Se os políticos queren obras para a súa gloria persoal, ¡¡¡que a paguen dos seus petos privados!!!

Mirador do Monte Ancos, a 16  de Outubro do 2.015.

Pedro  Alemán  Francés.  Profesor de Arameo Clásico en la Universidad de Porrera  (Tarragona; España).