Rexistrando cobros

CHANCHONADA  520º

Rexistrando cobros.

Paseando polo casco vello de Porto entramos nun antigo comercio de telas, botóns, cinturóns,... pero unha das cousas que máis sorprende é a presencia dunha antiga máquina rexistradora de ventas, marca “National”, fabricada  no ano 1.921,... que hoxe segue plenamente operativa e facendo igual de ben o seu traballo, pero dende logo é toda unha fermosura.

A primeira caixa rexistradora foi inventada en 1.879 por James Ritty, un taberneiro de Dayton (Ohio, USA); pouco despois vendeu a súa patente a Jacob H. Eckert de Cincinnati que era un vendedor de porcelana e cristalería, quen fundou a “National Manufacturing Company”; en 1.884 vendeu a citada empresa por 6.500$ a John H. Patterson que impulsou a actividade e internacionalización da empresa, que chegou en poucos anos a ser recoñecida por todo o mundo como a NCR (Naticional Cash Register Company).

Dende logo estas vellas máquinas son máis fermosas que os actuais puntos de venta, sexan con pago por tarxeta, con móbil, con pulseira electrónica,...

Nos plenos ordinarios do 28 de Xullo e 24 de Setembro do 2.105 no Concello da Guarda estivo moi presente o tema dos servicios do GES, do cobro dos seus servicios, dotacións de material,... Neste tempo estivemos revisando o que cobran diferentes concellos de España pola prestación do servicio de bombeiros, son cidades capitais de provincia e outras con poboación importante que non son capitalinas: Ferrol, Vigo, Xixón, Algeciras, Elche, Badalona,... para face finalmente unha estimación media.

A)    Prestación do servicio............. 46,70€

Isto implica a saída do operativo, tanto para facer un servicio, como para aqueles servicios reclamados e logo anulados.

B)     Efectivos persoais:

B1)  Dentro do termo municipal. (primeiras dúas horas entre as 7.00 e as 22.00 horas)

Técnico............. 14€

Sarxento........... 10,9€

Cabo, conductor, bombeiro,...... 9,4€

B2)  Fóra do termo municipal. (primeiras dúas horas entre as 7.00 e as 22.00 horas)

Técnico............. 29,9€

Sarxento........... 25,9€

Cabo, conductor, bombeiro,...... 19,4€

B3) Dentro e fóra do termo municipal (horario nocturno e festivo)

Técnico............. 39,9€

Sarxento........... 35,9€

Cabo, conductor, bombeiro,...... 29,4€

C)    Medios materiais.

1º Autoescala ou brazo articulado........... 97,9€

2º Autobombas........................................ 59,9€

3º Autotanques........................................ 49,3€

4º Vehículo de transporte de útiles......... 36,8€

5º Vehículo lixeiros de persoal............... 25,00€

6º Grupo electróxeno............................... 28,1€

7º Motobomba remolcable....................... 43,8€

8º Serras mecánicas................................. 10,7€

9º Xerador de escuma............................. 18,8€

10º Bomba de achique portátil................ 39,8€

11º Equipo autónomo de respiración (1º botella)..... 28,9€

12º Equipo de desencarceración............... 18,1€

13º Motoventilador.................................... 42,2€

14º Garrafa de espumóxeno (25 litros)...... 105€

15º Puntais (unidade empregada).............. 6,3€

16º Madeira de apuntalamento (m2).......... 10,2€

17º Botella de aire...................................... 20,3€

18º Extintor (CO2, escumante, pó)................. 25,5€

Conceptos materiais do 1 ó 13:

2 primeiras horas, o valor de uso multiplicado por 1.

Entre a 3 e 5 hora de uso, o valor será multiplicado por 1,5.

Da sexta hora en adiante, o valor será multiplicado por 2.

D)    distancia percorrida no servicio (viaxe de ida e volta á base)

D1) Dentro do termo municipal............. 0,70€ por Km percorrido.

D2) Fóra do termo municipal................. 2,54€ por Km percorrido.

E)     Contratación de medios alleos ó Servicio de Bombeiros.

Cando para a prestación dun servicio requírese a contratación de elementos, ferramentas ou medios que non ten o Servicio de Bombeiros, o custe será repercutido directamente ó beneficiado.

F)     O servicio será facturado pola oficiña de recadación municipal, en base ós datos contidos nos partes de intervención cursados polo Servicio de Bombeiros.

Aquí deixamos estes apuntes ós nosos concelleiros da Guarda, para que traballen sobre as mesmas; posiblemente se esperan que o Sr. Miguel Español lles presente unha proposta de ordenanza de cobro, poden esperar sentados e acumular moita paciencia e rezar ó Santo Job. ¿Por qué non presenta a oposición unha proposta de ordenanza?, dado que son maioría, poderían aprobala.

Os servicios que prestan os bombeiros son moi necesarios, pero os materiais e ferramentas que usan para salva-las nosas vidas, fogares, bosques,... son moi caros. É de toda lóxica que o persoal que se beneficia deste servicio, aporte economicamente algo polo mesmo. A maioría destes servicios serían abonados polos seguros que temos contratados para o vehículo, para a casa ou domicilio, para o negocio.

Dentro de 18 meses a primeira bomba contraincendios da Guarda cumprirá 100 anos, da súa chegada dende Inglaterra,... ¿Qué farán con ela?, ¿a deixarán alí esquecida no corredor do salón de Plenos?. ¿Non se merece un posto máis destacado e respetable?.

Mirador do Monte Ancos, a 19  de Maio do 2.016.

María del Mar Azul Salado.  Directora Técnica de mantenimiento y construcciones subterraneas  “El Pozo” (Pueblo Hundido; Chile).