Sentidiño común

CHANCHONADA  458º

Sentidiño común.

Posiblemente dentro de varios anos, ós nosos fillos lles cause sorpresa, ou indignación, que nós os seus pais estivesemos compartindo toda a súa vida con centos de persoas, subindo continuamente fotos ás redes sociais,... pensarán se nós non tiñamos nada mellor que facer, e posiblemente haberá fotos que non lles guste que se atopen no mundo das redes dixitais.

Esta practica tan inocente en aparencia, ten moitos perigos; hoxe imos a dar algúns pequenos consellos, para que todos fagamos un uso máis coherente e seguro para os menores.

1º)  Todo o que se comparte nas redes sociais, logo resulta ser moi difícil ou imposible de borrar. Podes facer un borrado da túa páxina persoal, pero non das copias que fixeron outros “amigos” e o uso que logo poidan facer.

2º)  Respeta-la intimidade dos menores; antes de subir unha foto, vídeo,... mellor consultar con eles, se lles gusta ou non.

3º)  Non publicar nunca fotos dos nenos espidos. Vale que as fotos dos nosos nenos e nenas xogando na praia, a tan curta idade aínda non teñen o concepto da vergoña da desnudez,... ¡¡¡Moito coidado, nas redes hai pedofilos que poden facer copias destas fotografías e vidos, e logo aparecen en lugares nada desexables!!!

4º)  Non abuses das fotos dos teus fillos, non as subas de seguido á túa rede social. Antes de facer isto, faite varias preguntas: ¿estou facendo isto polo ben dos meus fillos?, ¿de verdade isto ten interese para os meus contactos?, ¿estou poñendo en perigo a intimidade da miña familia?

5º)  Usa-lo correo electrónico.  Se realmente queres compartir fotos dos teus fillos con familiares, amigos,... mellor usa-lo correo electrónico; así hai máis privacidade e soamente as diriximos a aquelas persoas coas que queremos compartir estes intres.

6º)  Nas fotos que lle fagas ós teus fillos e amigos deles, procura que se atopen de espaldas, ou difumina os seus rostros. Para que non sexan recoñecibles por persoas que son alleas ó noso núcleo familiar e de amizades. Se nas fotos aparece a matrícula do coche, o enderezo da rúa,... é importante que estes elementos sexan difuminados, borrados,... isto é por seguridade de toda a unidades familiar. Non hai que dar pistas de onde vivimos, cal é noso vehículo, os sitios que frecuentamos, os horarios que temos, a que colexio van os nosos nenos,... ¡¡¡Hai que ser precavidos!!!

7º)  Non etiquetes as fotos cós nomes e apelidos dos vosos fillos, hai que evitar que estes datos sexan indexados a buscadores,... Pois estades a poñer en risco a súa seguridade persoal.

8º)  Se vas a compartir fotos, onde hai outros menores; que menos que solicita-los permisos dos seus proxenitores.

9º)  Aqueles proxenitores que viven separados (legalmente ou non); é moi importante que compartan estas normas e as asuman como propias nas súas redes sociais. Os seus fillos sempre serán os seus fillos, e a seguridade dos mesmos é algo moi importante. Varios compañeiros que se adican ó Dereito Familiar, nas sentencias de separación ou divorcio xa engaden un apartado referente a este elemento de respeta-los menores nas redes sociais de cada proxenitor.

Este verán estivemos pasando unhas semanas de vacacións nunha localidade do Levante,... mentras miles e miles de persoas gozan da praia, do baño, de toma-lo sol,... Pola praia, polo paseo marítimo da mesma, pola zona de bares e “chiringuitos” pasea a Policía Nacional e a Local, para garanti-la seguridade dos cidadáns; un dos elementos que buscan son certas persoas que con discreción e disimulo realizan fotos a persoas que están na praia, sexan mulleres e mozas que están en bikini ou sen parte do mesmo, ou a menores que xogan espidos na beira do mar.

Mentras estivemos de vacacións, un varón foi detido por facer fotos a menores,... correuse a voz e varias decenas de pais, acudiron ó posto de Policía na praia, con intencións de tomarse a xustiza directamente.

Por desgracia, no Baixo Miño non ollamos estas precaucións e actividades preventivas por parte das nosas autoridades e corpos de seguridade. As veces temos ollado a certas persoas que sen discreción ningunha fan fotos ás persoas que están na praia, dende a terraza do bar de certo hotel que está a pé de praia no río Miño.

Así que un consello final; antes de subir fotos dos fillos, sobriños, netos, afillados,... ¡¡¡¡SENTIDIÑO!!!!

Mirador do Monte Ancos, a 9  de Setembro do 2.015.

Emiliano  Salido del Pozo.  Médico forense y Périto Judicial Criminal (Moscas del Páramo; León; España).