¿Qué votan ahí?

CHANCHONADA  450º

¿Qué votan ahí?.

Si fago a pregunta: ¿qué votan ahí? A inmensa maioría das persoas non a entenden, e polo tanto non saberían que responder. Lembro na miña infancia e xuventude naquela todo poderosa militarmente URSS (CCCP), pero que en productos de consumo andaba bastante escasa. Cando se formaban colas, preguntabas pola última persoa (“posledni”); era evidente que algún producto do déficit ía saír á venta. Naqueles anos 70 e 80, eses productos escasos que saían á venta de maneira pseudo-clandestina eran chamados “déficits”, para algúns era un cambio baixo man (“nalevo”).

¡¡¡Cantas tardes perdidas en facer cola!!! A min, persoalmente sempre me gustaron eses mercados típicos e tradicionais de tódolos pobos, onde as persoas das granxas próximas veñen a vende-los seus productos. A día de hoxe aínda visito ese mercado que hai nas proximidades da estación de tren de Kiev.

Pero estes mercados antigos e tradicionais están chamados a ir morrendo.

¿Cantos miles de € levará gastado o Concello de A Guarda na súa Praza de Abastos?; 100 mil, 200 mil, 300 mil,... Realmente non o sabemos, pero é posible que nos atopemos máis cerca dos 300.000 ou perto a superalos.

Dende o noso punto de vista, todas estas inversións na mellora e actualización da Praza de Abastos son cartos mal gastados. Por moito capital que se gaste na mellora desta instalación, as ventas dos titulares dos postos da praza non van a aumentar, van a seguir minguando e perdendo rentabilidade.

A maioría dos consumidores usuarios da Praza de Abastos son persoas maiores de 60 anos; evidentemente moitas destas persoas a esperanza de vida que teñen é de unha ou dúas décadas de vida. A súa capacidade económica é limitada, pois dependen dunha pensión,... e ó ter certos problemas de mobilidade ou outros de saúde, comenzan a depender de outras persoas... Polo tanto o potencial de usuarios - consumidores é unha cantidade minguante que desaparecerán en pouco máis de 20 anos.

En troques, toda as persoas das xeracións que teñen de 50 anos e menos, temos outras pautas de consumo; somos consumidores de supermercado; gostamos de ir có carro, ter a carnicería, a pescadería, a panadería,... todo dentro da mesma instalación. Necesitamos ter o noso coche moi perto da instalación onde facemos as compras, para logo cargar todo no maleteiro,... Moitas das compras as pagamos con tarxeta bancaria, coa tarxeta de cliente do súper para acumular descontos en productos, desconto en gasolina,...

As novas xeracións de consumidores non estamos acostumados a mercar nunha Praza de Abastos; para nós é un mundo alleo.

¿Queren que funcione a Praza de Abastos e teña algo de futuro?; isto son as nosas reflexións.

1º Buscar un novo lugar onde insta-lar a Praza de Abastos; con espacio de estacionamento para clientes, unha área reservada e acotada para os praceiros, para a carga e descarga de mercadurias,...

2º Debe estar cerca do que hoxe é o centro comercial da Guarda: a zona da Praza de Avelino Vicente e Alameda.

Evidentemente a actual ubicación da Praza de Abastos non cumpre con estes requisitos; pola súa actual ubicación non pode crear unha amplía zona de estacionamento próxima. Ademais vaise quedando afastada do centro comercial i económico da Guarda.

Nos pensamos que a mellor opción para ubica-la nova Praza de Abastos, sería a zona dos “térrenos da Eléctrica”(inicio da rúa Brasil),... hai espacio físico para obrar, está cerca da zona comercial, do mercadillo dos sábados, é máis accesible para os veciños de Oia, do Rosal, de Salcidos,... Supoñemos que deberán modifica-los plans de urbanismo, entrar a negociar coa entidade bancaria propietaria dos terreos, buscar subvencións na Xunta,... Posiblemente cós diñeiros gastados nestes anos, xa poderíamos ter adianto moito nesta dirección.

Isto é a diferencia entre pensar e idea-las cousas a medio e longo prazo; en troques os nosos gobernantes levan anos facendo as cousas pensando nas próximas eleccións, ou noutro espacio temporal aínda máis curto.

Mirador do Monte Ancos, a 6  de Agosto do 2.015.

Elpidio  Dineral  Albanco.  Director comercial de la zona Oeste y miembro del Consejo de Administración del Banco Jones (Escondido; San Diego; California; USA).