Escorneados

CHANCHONADA  454º

Escorneados.

Fai uns días non poidemos resisti-la tentación da curiosidade, neste caso mal sana, para saber quen podían ser eses veciños miñotos que figuraban nas bases de datos pirateadas dunha coñecida empresa, adicada a establecer citas amorosas para adultos,... Xa o temos averiguado, por respeto a esas persoas e á súa vida privada imos a guardar un sepulcral silencio, non queremos ter os seus datos persoais, sociais, sexuais,... polo cal nunca descargamos os arquivos.

Sempre dixemos e o mantemos, que a nivel social, económicos, cultural,... a nosa comarca miñota funciona dun xeito dual; por un lado está a zona da Foz do Miño (A Guarda, Oia e Rosal) e por outra beira está o interior (Tomiño e Tui).

Pois tamén neste delicado tema de buscar infidelidades mantense a premisa da dualidade. Podemos afirmar que a zona da Foz do Miño (a una lado e outro do río) son más leais coa súa parella, ou polo menos son persoais máis discretas. En troques a zona interior da comarca miñota son máis dados a aventuras fóra do fogar ou son menos discretos.

Número de persoas que figuran no listado da empresa de citas para adultos.

A Guarda............... 35 usuarios          O Rosal.................. 18    “

Tomiño.................. 167   “                  Tui......................... 82   “

Valença.................. 105   “                 Caminha ................ 48   “

Baiona ................... 117  “                  Gondomar ............. 243   “

Nigrán .................... 486   “

Somos adultos e cada un debe goberna-la súa vida privada e facer responsable da mesma. Imos a dar dous consellos a todos:

1º)  A lexislación de protección de datos na práctica é papel mollado, sobre todo para as grandes empresas.

2º)  Os datos persoais que se moven por internet son de moi, moi, moi difícil borrado.

Imos a cousas algo máis serias e importantes. Lembramos que na pasada lexislatura municipal 2.011 a 2.015 en Oia, o ex-concelleiro do BNG Sr. Miguel Giráldez tratou varias veces de grava-los plenos desa Corporación,... coa oposición so Sr. Alcalde, do PP, do PSOE,... ¿É legal gravar un pleno do Concello?; ¡¡¡Si!!!

O pasado día 24 de Xuño do 2.015, o Tribunal Supremo (Sala do Contencioso Administrativo) emitiu unha sentencia onde condea ó Concello de Mogán (Gran Canaria) e anula o artigo 107º do seu Regulamento Orgánico Municipal, que impedía grava-los plenos do Concello. O Tribunal Supremo entende que esa norma municipal viola o artigo 20º da Constitución (Dereito á información).

Queridos lectores, se queredes gravar un pleno municipal, estades no voso dereito, ningunha autoridade municipal, funcionario o pode impedir, por moitos galóns que teña no uniforme e se considere a si mesmo como o General Treboada da Forzas Municipais Policiais,... De feito se alguén trata de impedi-lo estaría prevaricando.

Imos con outra noticia xurídica; o pasado 21 de Agosto entrou nun centro prisional de xeito voluntario o Sr. José Luís Mena (ex Jefe do Servicio Municipal de Telde, Gran Canaria); para cumprir cunha sentencia condenatoria de 3 anos e 6 meses de privación de libertade,... Ó final perdeu toda a arrogancia e ata lle entrou prisas por entrar no centro prisional, pois un auto do 14 de Agosto da Audiencia Provincial de Gran Canaria o declaraba en rebeldía, e o situaba en busca e captura.

Isto pode e debe de servir de aviso; a eses políticos e funcionarios que aínda pensan que son os amos do urbanismo nos seus concellos,... de seguir con esas manipulacións e actuacións de moi dubidosa legalidade, poden servir do camiño máis curto para perde-los seus empregos municipais e gañarse unhas ben merecidas vacacións pagadas nun centro prisional como A Lama.

Mirador do Monte Ancos, a 24  de Agosto do 2.015.

(1  E)   Delmiro  Paz  Sacrosanta.  Director de Producción, de la fábrica de ataudes, “El Descanso Divino” (Ciudad de Cementerio, Departamento de Curicó; Chile).