Mel para as abellas

CHANCHONADA  453º

Mel para as abellas.

Ollamos que hai moita discusión có tema do lixo, cós contentores de lixo e outras cousas similares;... Semella que hai un certo “aldeanismo” neste tema, moita hipocresia e moi pouco saber facer ben as cousas.

Unha das cousas que nos sorprendeu ó chegar a esta cidade do país do Vístula, tras asina-lo contrato de aluguer do piso, a empregada da inmobiliaria entregounos un folleto informativo para os cidadáns sobre urbanidade. Uns días despois achegámonos á oficina municipal de distrito para resolver asuntos administrativos como novos residentes; aquí tamén nos entregan o mesmo folleto informativo municipal sobre usos de urbanidade.

Resulta curioso este folleto informativo de usos de urbanidade municipal; imos a expoñer algunhas das normas de uso urbanita desta cidade.

Está prohibido poñer lixo os Domingos e festivos ata as 20.00 en inverno e 21.00 horas en horario de verán. Así a cidade permanece máis limpa e vistosa nestes días.

Está prohibido satisface-las necesidades evacuatorias e defecatorias na vía pública e noutros lugares públicos como parques, xardíns, zonas recreativas,... só pena de multa de 100€ a 300€. (Nada que ver cós cheiros urinarios que algunhas mañáns dominicais ten a rúa Secundino Melón)

Está prohibido sacudir mantas, alfombras e outros enseres cara á vía pública entre as 9.00 horas e as 20.00 horas en inverno, e as 21.00 horas en verán. Só pena de multa de 100€ a 300€. Na Guarda isto aínda é un uso bastante usual,... ¡¡Que cotrosidade!!

O lixo doméstico depositase nos contentores municipais ou os de propiedade do edificio (estes levan unha pegatina ben visible có enderezo do edificio). Todos os contentores teñen unha pegatina municipal coas datas nas que serán lavados, limpados e aseados polo servicio municipal de recollida do lixo. ¿Con qué periodicidade se lavan os contentores na Guarda e concellos veciños?.

Os comercios, restaurantes, cafeterías,... teñen os seus propios contentores de lixo, estes teñen unha pegatina có nome do comercio, restaurante,... que os identifican e deben quita-los á rúa despois das 20.00 horas ou das 21.00 horas en verán.

 ¿Por qué os restaurantes, supermercados,... non teñen os seus propios contentores?. Ademais, se algún negocio ocupa un espacio público para facer un uso privativo do mesmo, a limpeza e aseo dese espacio vai a cargo do negocio privado. Como vemos, na Guarda e bisbarra, uns poñen terrazas para o seu negocio e lucro privado, pero logo a limpeza do espacio vai a cargo do erario municipal. ¡¡¡Que diferencia!!!

Está prohibido deposita-lo lixo fóra dos contentores; esta falta de urbanidade sancionase de 100€ a 300€. Na Guarda é moi usual facer isto, e logo resulta que o infractor culpa das súas irresponsabilidades ós demais.

O deterioro grave, destrozo, indendio,... dos contendores de lixo municipais; ademais dos custes de reposición, esta sancionado cunha multa de 1.000€ a 3.000€.

Outra cousa que nos resultou sorpresivo, é que esta municipalidade ten uns empregados que teñen como función “inspección municipal de servicios”. ¿¿Existe unha normativa así na Guarda??, con deberes, dereitos, inspeccións, infraccións, sancións,... esta son as pequenas cousas que van marcando as distancias entre unha cidade (grande ou pequena) e unha aldea.

Unha compañeira de traballo di: “cázanse máis abellas usando mel en vez de vinagre”. Pero por desgracia nas terras miñotas do lado galego, o normal é usa-lo vinagre da cotrosidade, suciedade e demais variantes,... e iso que moitos problemas arranxábanse cunhas mans de pintura. Pois iso, se queredes atraer máis turistas, hai que te-la Vila limpa, curiosa, aseada,.... pero hai moitas persoas que aínda teñen usos cotrosos, cochambrosos,...

¿Vostedes farían turismo nunha cidade ou localidade sucia, que cheira mal, onde os seus veciños non teñen urbanidade nin educación?.

Nós entendemos que o nome da institución “Concello de A Guarda” é propiedade de tódolos guardeses; se o concello habilita un medio de comunicación este tamén debe estar á disposición de tódolos membros da Corporación Municipal, como representantes dos guardeses. Dende fai uns días ollamos ó novo Alcalde moi gozoso e feliz usando o twitter #concellodaguarda; ¿¿¿o referido medio de comunicación está aberto e dispoñible para os outros concelleiros???

Mirador do Monte Ancos, a 19  de Agosto do 2.015.

Abraham  Hurtado  Herencia.  Subdirector de exportaciones de “Kagada International Corporation” (Kagada; Gyoda, distrito de Saytama; Japón).